صوت ونة مع تشغيل التكييف لفترة

يا جماعة اليومين دول حر جدا
المهم بدأت أشغل التكييف لفترات طويلة وأنا ماشي
اللي بيحصل الاتي

1. يوجد صوت ونة طالعة من عند سير الدينامو تظهر لما التكييف يشتغل فترة طويلة وتروح لما اقفل التكييف وارجع اشغلة تاني بيكون شغال عادي وبعد فترة تبتدي تظهر تاني الونة
2. مع ظهور الونة تبدأ الحرارة تعلي لحد ما توصل قرب شرطة 95
3. لما اطفي التكييف وارجع اشغلة تاني علي طول درجة الحرارة تنزل للعادي 90 وتثبت لحد ما الونة تظهر تبتدى تعلي

فانا استنتجت ان لما يكون التكييف شغال بيكون التحميل علي سير الدينامو جامد عشان الكمبروسير فبالتالي يوجد ثلاث احتمالات:

1. بلية الدينامو تعبانة بس دي مراجع عليها من شهرين وكانت كويسة هي عاملة 40,000كم دلوقتي وكنت مغيرها في التوكيل يعني لسة بدري عليها عشان تبوظ
2. الكمبروسير في حاجة بس التكييف شغال كويس وبيسقع
3. الدينامو ؟

ياريت لو حد يقدر يساعدني
العربية فيكترا اية 1600
وشكرا

ممكن يكون التكييف مبيفسلش هو فى ثيرموستات اصلى

طيب اعرف ازاي التكييف بيفصل ولا لأ
هو الموضوع ده جديد
يعني قبل كده مكنش موجود والتكييف شغال كويس

هتحس ان فى لقطة فى التكييف ممكن تشوفه وانت فاتح الكبوت

طيب ايه علاقة الفصل بصوت الونة؟

انا جربت التكييف لمدة 10 دقايق
هو بيفصل عادي

أنا مستني ردودكم

مفيش حاجة يا باشا
مفيش علاقه بين صوت الونه و ارتفاع درجة حرارة العربية
هى صدفت معاك كده
لو شغاله تمام
بعد اذنك
سيبها فى حالها

احتمال واحد من 2...اما الكمبروسر فيه حاجه او بكره شداد سير الدينامو والاحتمال التاني اقرب.

بس فى الحالتين
لو بلية غيرها
لو كمبرويسور انساه

البلية كنت كاشف عليها في مقار وكانت كويسة
بس لو في مشكلة في بلية الدينامو
كان الصوت حيكون موجود بدون تشغيل التكييف
المحيرني ان الصوت بيظهر بعد تشغيل التكييف بفترة
انا ححاول اروح يا مقار يا منصور اكشف عليها
وابقي ابلغكم لو في حاجة لا قدر الله

ابقى طمنا يا باشا
بس نصيحه
لو تكييفك شغال
متفكوش

هى غالبا بلية الكومبريسور مش الدينامو
وفكك منها احسن

انا كشفت في منصور ومقار
والاجابة واحدة وهي ان وش التقسيمة الخارجي محتاج يتغير
وطبعا مش موجود في التوكيل
ومقار قالي هاتة استيراد احسن من خامة الجديد
ومنصور قالي هاتة جديد احسن من الاستيراد لان الاستيراد بيكون استوي شغل وممكن يكون فيه نفس العيب وهو الاعوجاج وبالتالي يظهر الصوت تاني

يا تري اية رأيكم أعمل اية
وشكرا

طيب هل اقتنعت بالعلاقة بين وش التقسيمة وتشغيل الكومبريسور فترة طويلة

انا شايف ان ميكانيكا الكمبروسر فى حالة سيئة و اصبحت حمل على المحرك عشان كدة بيسخن
وبردة التبريد بيفضل شغال ,وانا اتوقع فترة و الكمبروسور هيفصل خالص و دة الى حصل معايا

اعتقد ان كلامهم صح سواء منصور او مقار
لان انا جربت لما تعمل الصوت ده
احرك وش التقسيمة سنة صغيرة بايدي الصوت يختفي
اشيل ايدي يرجع تاني
وبكده يكون التشخيص سليم

اعمل حسابى فى واحد لعربيتى لو لاقيت واحد نضيف