ابتكار جديد لملاك m11 ها يعجبكو

**ehabgasco** · 18-04-2011 12:33 PM

انا من اوائل ملاك m11 انا شاريها شهر 11 2009 داخل على الاربعين الف كيلو طبعآ كل المشاكل اللى بتتكلمو فيها حصلتلى وتحلت لانى انا اشتريت العربيه وعارف ان ها يحصل فيها مشاكل بس انا بحب المغامره المهم انا ابتكرت مسند لليد بيركب فى الكنسول مكان الكبيات ها يعجبكو اوى المره الجايه ها جبلكو صورتو علشان انا اول مره اشارك فى المنتدى بالكتابه ومكنتش صورت المسند

**samehsalem** · 18-04-2011 02:19 PM

جاااااااااااااااااامد الموضوع ده ياريت صور بسرعةةةةةةةةةةةةةةةةةةةةة ةةةة

**hima77** · 18-04-2011 03:34 PM

مستنين الصور والطريفة والتكلفة

**teha** · 18-04-2011 10:46 PM

بصراحة انا بفكر في الموضوع ده كتير لدرجة اني قلت اروح افصل مخدع مخصوص عشان الموضوع ده ورحت اشتري واحد جاهز لقيته مش قد كدة

برده للعلم انا فصلت ستاير كبس لام 11 عند واحد في بورسعيد و بصراحة شكلهم جامدجدا و اتكلفوا حوالي 250 جنيه بس مفيش شمس جوه العربية ومخليه شكل العربية شياكه ولو في اي وقت مش عاوزهم فشيلهم

**ahmeddarhos** · 19-04-2011 12:18 AM

المشاركة الأصلية كتبت بواسطة teha

بصراحة انا بفكر في الموضوع ده كتير لدرجة اني قلت اروح افصل مخدع مخصوص عشان الموضوع ده ورحت اشتري واحد جاهز لقيته مش قد كدة

برده للعلم انا فصلت ستاير كبس لام 11 عند واحد في بورسعيد و بصراحة شكلهم جامدجدا و اتكلفوا حوالي 250 جنيه بس مفيش شمس جوه العربية ومخليه شكل العربية شياكه ولو في اي وقت مش عاوزهم فشيلهم

ممكن ترفع الصور لأنى عاوز اعملهم بس متردد
و يا ترى هى أحسن لأداء التكييف فى الصيف و لا التفييم..

**teha** · 19-04-2011 02:22 AM

ان شاء الله احاول ارفع الصور قريب بالنسبة ليه انا كنت عاملها قبل الثورة و كان الفرق الهم بالنسبة ليه المرور ان في اي وقت حد هيرخم هقوم شايلهم و خلاص بس تعالا نتكلم من ناحية الشمس هيه يعتبر مفيش فرق بينها و بين التفييم بالعكس لما بتفيم فتبقى الرؤية غير واضحة ليك في السواقة كويس و بعدين افرض انا عاوز اشيل الفامية في اي وقت الموضوع مش سهل اوي كدة اما التانية مجرد كبس و فك في ثواني من غير وجع قلب .

**ALshahba** · 19-04-2011 03:25 AM

المشاركة الأصلية كتبت بواسطة ehabgasco

انا من اوائل ملاك m11 انا شاريها شهر 11 2009 داخل على الاربعين الف كيلو طبعآ كل المشاكل اللى بتتكلمو فيها حصلتلى وتحلت لانى انا اشتريت العربيه وعارف ان ها يحصل فيها مشاكل بس انا بحب المغامره المهم انا ابتكرت مسند لليد بيركب فى الكنسول مكان الكبيات ها يعجبكو اوى المره الجايه ها جبلكو صورتو علشان انا اول مره اشارك فى المنتدى بالكتابه ومكنتش صورت المسند

مش عارف ليه عمر والدي ماشتكي من m11 خالص فى الحاجات اللي حضراتكم بتقولو عليها من تزييق وزنه وحاجات زي كده
الحمد لله ده فضل من الله
ومع ذلك برضه عايز يبيعها !!!!!