عاوز اعرف هل في محطة بتغير زيت فيسكو 5000 في المعادي.
عرض للطباعة
عاوز اعرف هل في محطة بتغير زيت فيسكو 5000 في المعادي.
فيه محطة بتبيع... لكن معندهاش خدمة غيار زيت
MMamdouh
شكرا لحضرتك.
مفيش حد في المعادي او قريب بيبيع ويغير الزيت كمان
ممكن تشترية من البنزينة اللى فى شارع اللاسلكى .. و تغيرة عند أى حد بتاع زيت.
أو تروح أى بنزينة تانية من بتوع كارجاس و تغير عنده .. زى اللى فى ميدان سفنكس أو شارع مصدق.
شكرا لإهتمامك
انا بشتريه من كارجاز اللي في اللاسلكي وامشي قدام شوية في اتجاه شارع النصر واغيره عن شل اللاسلكي
بصراحة الخدمة عندهم ممتازة ودايما بغير الزيت عندهم من ايام ما كنت بستخدم شل وحتى لما غيرت لفيسكو بردو بغير عندهم
لأنهم بعد تغير الزيت بينضف فلتر الهوا والتكييف وبينضف حوض الموتور والردياتير بخرطوم هواء
بيخادو 8 جنيه خدمة
بعد تجربته مرتين.. بلاش الزيت دا
أنا باغيره غي محطة كارجاس اللي في ألماظه
بس فعلاً عاوزين نعرف: ليه بلاش الزيت ده؟
شكراً
انا بستعملة من 4 سنوات على فكرة و مفيش منة اى مشاكل فا ياريت اللى بيقول بلاش يقول ليه
MMamdouh
اللي بيقول ليه بلاش الزيت ده لأن فيسكو 2000 المصري أعطي سمعه سيئة للشركة لأنه كان أداءة جيد جدا ولكن بينقص مع الحرق علي الغيارات والسفر علي سرعات عالية وحصل معايا شخصيا لأني كنت بغيره علي 6 ألاف كيلو وبيكون نزل من ال max الي min واستخدمته أربع مرات تقريبا وكل مرة يعمل كده وكان اشتكي منه اكثر من عضو هنا بقسم الورشة
وطبعا من حاولي كام شهر سحبوه من السوق ونزلو فيسكو 2000 ايضا ولكن الإماراتي وحاليا بستخدمه وعامل معايا 7000 كيلومتر دون أدني نقص او مشكلة ولسه ما غيرتهوش
بصراحة فرق شاسع بين زيت فيسكو 2000 المصري والاماراتي مع ان الفرق في السعر بين الاتنين 10 جنيه
وسمعت من فترة قليلة انهم نزلو فيسكو 2000 المصري تاني بعد حل مشكلة النقص وضبط نسب الاضافات للزيت ولكني حتي الأن لم أغير الفيسكو 2000 الاماراتي وهحاول أستمر عليه ان شاء الله
اذا المشكلة فى الفيسكو 2000 المصرى مش ال فيسكو 5000
MMamdouh
انا بردو شغال ب فيسكو 5000 وما شاء الله ممتاز جدا وافضل من شل اللي كنت بستخدمه من قبل
اللي لاحظته ان فرملة الموتور Engine Break نقصت بشكل كبير
تاني شيء وديه انا متأكد منه ان الموتور اصبح انعم واهدى وعن تجربة اثناء الخروج من احدى جراجات سيتي ستارز المائلة بشكل كبير صوت الموتور كان متغير تماما مع زيت فيسكو
وانا كمان شغال بالفيسكو 5000 وغيرته مرتين وكل مرة بنزله عند ال14 الف لكن المرة التانية مش عجبنى شوية زى اول غيار.
صوت الموتور على سنة
وحاليا انا شغال بالكاسترول ايدج والفرق لصالح الكاسترول
بس تقليل الEngine brake شئ سئ يا وليد مش حاجة كويسة
ومش عارف ازاى الزيت بيأثر على الEngine brake
ياريت محمد بيك ممدوح يشرحلنا الحتة دى
لاقيته فين الكاسترول يا محمد بك؟؟
بالنسبلة لفرملة المحرك. اعتقد كل ما كان قدرة الزيت على تزييت اجزاء المحرك اعلى كل ما كانت فرملة المحرك اقل
ومحمد باشا ممدوح ممكن يصلحلي المعلومة دي
وكيل زيوت كاسترول في مصر هي بنزينات طاقة
وبما انه لسة جديد ففروعه مش كتير ولكن ليه وكلاء تقدر تلاقي عندهم الزيوت بسهولة
اللي اعرفه ان فيه بنزينة طاقة على الدائري بين بهتيم ومسطرد وانت متجه لاسكندرية الزراعي
ودا تليفونهم تقدر تكلمهم وتعرف منهم اقرب موزع ليك مين بالظبط :-
27927730
Ranger باشا جابلك المفيد يا باشا اهوه ما شاء الله
بص بردو على الموضوعين دول
الاول لرانجر
http://www.nilemotors.net/Nile/211718-a.html
والثانى لمحمد شامى
http://www.nilemotors.net/Nile/153782-a.html
وانا جبت وغيرت الزيت فى بنزينة طاقة اللى على الدائرى بس فيه بنزينة طاقة تانية جنبك فى حلوان بعد كمين كفر العلو اللى على الكورنيش