تقييمي للوجان سيدان بعد اول 17000 ك في اول ايام الحر

السلام عليكم

مكنتش حابب اني اعمل موضوع جديد لاني ملاحظ ان فية مواضيع كتير عن تقييم السيارة بعد فترة من استعمالها وكلها الحمد لله بالايجاب لكن بعد تفكير حبيت اشارك اخواني اللوجانوية واللي لسة بيفكر واللي مش علي بالة اصلا بتجربتي للسيارة بعد 17000 ك وبعد يومين حر نار عدوا علينا بالامس فطبعا شغلت التكييف لاول مره بعد 10000 ك الاولي - المهم من اهم الملاحظات (والله بدون مبالغة):

1- كان فية صوت زنة جامده جدا مع فيبريشن عجيب عند تشغيل التكييف ولما سالت في التوكيل قالولي ان دا صوت السرعة التانية للمروحة والسرعة دي بتشتغل لما التكييف يشتغل عشان التبريد - الكلام ده اختفي تماما مع التاكد ان السرعة التانية للمروحة فعلا شغالة بس مبقتش بتعمل الزنة والفيبريشن العجيب بتاع الاول

2-التكييف كان ممتاز لما تشغلة علي تاني سرعة وكمان اقل من اعلي ليفل للبروده بدرجة بيخلي الجو بارد - لكن اللي شفتة امبارح علي اول سرعة ودرجتين اقل من الهاي ليفل تلاااااجججججججججة مش طبيعي

3- اي عربية سحبها بيتاثر بعد ما بتشغل التكييف وخصوصا المنول بنسبة ال 10% من سحب الماتور ودا كان عندي الاول فعلا السحب الطبيعي بيقل شوية - مع اندهاشي الشديد مكنش فية اي تاثير علي السحب باي درجة بعد تشغيل التكييف بالامس

4- صوت الماتور مع التكييف كان بيبقي عالي جدا طبعا بعد غلق النوافذ - الملاحظ امبارح ان صوت الماتور بقي انعم بكتير وبقي تقريبا هوا نفس الصوت اللي بتسمعة وانت مش مشغل التكييف

5- الرجاء من جميع اعضاء المنتدي بعد قراءة هذا الموضوع قول ما شاء الله والله اكبر عشان العين فلقت الحجر - ومتبصبيش بعين رضية بصوا للاندفع فيا

وكفاية لحد كده عشان حاسس اني حقلب بتاع كبده كمان شوية

تحياتي للجميع

اقتباس:

---

المشاركة الأصلية كتبت بواسطة akerima

السلام عليكم

مكنتش حابب اني اعمل موضوع جديد لاني ملاحظ ان فية مواضيع كتير عن تقييم السيارة بعد فترة من استعمالها وكلها الحمد لله بالايجاب لكن بعد تفكير حبيت اشارك اخواني اللوجانوية واللي لسة بيفكر واللي مش علي بالة اصلا بتجربتي للسيارة بعد 17000 ك وبعد يومين حر نار عدوا علينا بالامس فطبعا شغلت التكييف لاول مره بعد 10000 ك الاولي - المهم من اهم الملاحظات (والله بدون مبالغة):

1- كان فية صوت زنة جامده جدا مع فيبريشن عجيب عند تشغيل التكييف ولما سالت في التوكيل قالولي ان دا صوت السرعة التانية للمروحة والسرعة دي بتشتغل لما التكييف يشتغل عشان التبريد - الكلام ده اختفي تماما مع التاكد ان السرعة التانية للمروحة فعلا شغالة بس مبقتش بتعمل الزنة والفيبريشن العجيب بتاع الاول

2-التكييف كان ممتاز لما تشغلة علي تاني سرعة وكمان اقل من اعلي ليفل للبروده بدرجة بيخلي الجو بارد - لكن اللي شفتة امبارح علي اول سرعة ودرجتين اقل من الهاي ليفل تلاااااجججججججججة مش طبيعي

3- اي عربية سحبها بيتاثر بعد ما بتشغل التكييف وخصوصا المنول بنسبة ال 10% من سحب الماتور ودا كان عندي الاول فعلا السحب الطبيعي بيقل شوية - مع اندهاشي الشديد مكنش فية اي تاثير علي السحب باي درجة بعد تشغيل التكييف بالامس

4- صوت الماتور مع التكييف كان بيبقي عالي جدا طبعا بعد غلق النوافذ - الملاحظ امبارح ان صوت الماتور بقي انعم بكتير وبقي تقريبا هوا نفس الصوت اللي بتسمعة وانت مش مشغل التكييف

5- الرجاء من جميع اعضاء المنتدي بعد قراءة هذا الموضوع قول ما شاء الله والله اكبر عشان العين فلقت الحجر - ومتبصبيش بعين رضية بصوا للاندفع فيا

وكفاية لحد كده عشان حاسس اني حقلب بتاع كبده كمان شوية

تحياتي للجميع

---

دارى شوية يا باشا
ما شاء الله ولا قوة الا بالله

اقتباس:

---

المشاركة الأصلية كتبت بواسطة elmkaneeki

دارى شوية يا باشا
ما شاء الله ولا قوة الا بالله

---

الله يبارك فيك - نحن شمعة تحترق كي تنير الطريق للاخرين :10D5C8w1107::36_2_55[1]::E_braces[1]:

ربنا يباركلك فيها فعلا التكييف معايا ممتاز مع العلم اني داخل على صيانة ال 30 ألف

ما شاء الله .. لا قوة الا بالله .. ربنا يبارك لك فيها و يحفظهالك.

ربنا يباركلك فيها بإذن الله.

ربنا يباركلك فيها وبسم الله ماشاء الله عليها وادعيلى بقا يجيلى فلوس عاشان اجيب زيك

اقتباس:

---

المشاركة الأصلية كتبت بواسطة a7madahly

ربنا يباركلك فيها وبسم الله ماشاء الله عليها وادعيلى بقا يجيلى فلوس عاشان اجيب زيك

---

اشكركم جميعا لمروركم الكريم وان شاء الله ربنا يرزقنا كلنا ويبقي معانا اللي احلي منها

ماشاء الله يااشرف باشا

الحمد لله رب العالمين

اقتباس:

---

المشاركة الأصلية كتبت بواسطة moustafa_saad

ماشاء الله يااشرف باشا

---

ربنا يباركلنا جميعا في لوجي الجميلة شاكر ردك الجميل يا مصطفي باشا

ربنا يحفظهالك

النهاردة شغلت التكييف و لاحظت ان افضل الاوضاع للتبريد كالتالى :
المروحة مستوى 3
درجة التبريد مستوى 3
اختيار التهوية من التابلوةفقط
و بكده هتاخد افضل تبريد

ونظام حرارة العربيه عامله ايه معاك يامازن فى حر اسوان وخصوصا لو شغلت التكييف والعربيه واقفه

بسم الله ما شاء الله أخي الكريم . خبرات ممتازة و مشجعة جدا لكل عائلة أصحاب اللوجان المحترمين جدا . ربنا يسترها عليك و يبارك لك فيها و يبارك لنا كلنا في هذه السيارة الرائع اللي عاملة زي الجوهرة كل يوم بيبان جمالها و مميزاتها و بنتأكد قد إيه إن ربنا سبحانه و تعالى عالم بحالنا و بظروفنا و اكرمنا بشراء سيارة أكثر من ممتازة و اللي ركبوها راضيين عنها كل الرضا

اقتباس:

---

المشاركة الأصلية كتبت بواسطة moustafa_saad

ونظام حرارة العربيه عامله ايه معاك يامازن فى حر اسوان وخصوصا لو شغلت التكييف والعربيه واقفه

---

وحشنى يا مصطفى ، فين صحيناك بدرى 6 ص ، مقولكش حر اسوان لما العربية تكون واقفة :funny34d: ، بس انا بحاول اغطيها دايما و اول ما اركب بفتح الزجاج لمدة 10 دقائق و بعد كدة بشغل التكييف و اسيبة لمدة 3 دقائق ثم اقفل الزجاج ( المروحة 3 و التبريد 3 و التهوية من التابلوة و التبريد داخلى من السيارة ) بس كل نص ساعة بفتح الزجاج اللى جنبى لمدة 10 ثوانى و اقفلو تانى عشان آخد هوا فريش لان التبريد داخلى مش خارجى و بذلك اجدد هوا داخل السيارة .

ربنا يباركلك فيها

الحمد لله و ربنا يديمها علينا نعمه و لو اني حاسس اليومين دول ان فيه ناس داخله للموقع بغرض مش قد كده .

ربنا يباركلنا جميعاً ويكفينا شرها

اقتباس:

---

المشاركة الأصلية كتبت بواسطة frhateg

الحمد لله و ربنا يديمها علينا نعمه و لو اني حاسس اليومين دول ان فيه ناس داخله للموقع بغرض مش قد كده .

---

+11111111111111111

اقتباس:

---

المشاركة الأصلية كتبت بواسطة mazenzyad

وحشنى يا مصطفى ، فين صحيناك بدرى 6 ص ، مقولكش حر اسوان لما العربية تكون واقفة :funny34d: ، بس انا بحاول اغطيها دايما و اول ما اركب بفتح الزجاج لمدة 10 دقائق و بعد كدة بشغل التكييف و اسيبة لمدة 3 دقائق ثم اقفل الزجاج ( المروحة 3 و التبريد 3 و التهوية من التابلوة و التبريد داخلى من السيارة ) بس كل نص ساعة بفتح الزجاج اللى جنبى لمدة 10 ثوانى و اقفلو تانى عشان آخد هوا فريش لان التبريد داخلى مش خارجى و بذلك اجدد هوا داخل السيارة .

---

ممكن بدل ما تفتح الزجاج إنك تغير إتجاه الهواء بحيث يجيب لك الهواء من الخارج لتجديد الهواء داخل العربيه و في نفس الوقت يدخل لك ساقع برضه وده من اليد إللي تحت بكرة سرعات المروحه. وتقبل تحياتي.

ألف مبروك يا باشا
و ربنا يباركلك فيها و يكفيك شرها
أنا كنت بفكر أجيب اللوجان أو اللانوس بس كلام الاخوة الاعضاء خلانى أميل ناحية اللوجان شوية
بس موضوع قطع الغيار ده قالقنى شوية و كمان فى ناس مش بتشكر فى التوكيل

اقتباس:

---

المشاركة الأصلية كتبت بواسطة kashtoot

ألف مبروك يا باشا
و ربنا يباركلك فيها و يكفيك شرها
أنا كنت بفكر أجيب اللوجان أو اللانوس بس كلام الاخوة الاعضاء خلانى أميل ناحية اللوجان شوية
بس موضوع قطع الغيار ده قالقنى شوية و كمان فى ناس مش بتشكر فى التوكيل

---

بمنتهي الامانة انت ممكن تطلع في العربية القطط الفطسانة كلها - لكن بجد العربية تتركب بس عشان توكيلها متصدقش حد يقولك ان التوكيل وحش انا ليا موضوعات كتير تتعلق بهذا الموضوع ياريت تقراها

ده انا كنت متردده والله لاني بفكر اشتري لوجان
بس الكلام ده شجعني

ما شاء الله ولا قوة الا بالله

حستأذن حضرتك فى توضيح بسيط بس

اقتباس:

---

المشاركة الأصلية كتبت بواسطة mazenzyad

النهاردة شغلت التكييف و لاحظت ان افضل الاوضاع للتبريد كالتالى :
المروحة مستوى 3

المستوى قبل الاخير قبل الاحمر ؟

درجة التبريد مستوى 3
اختيار التهوية من التابلوةفقط

معلش مش فاهمة دى ؟

و بكده هتاخد افضل تبريد

---

اقتباس:

---

المشاركة الأصلية كتبت بواسطة hobby10

حستأذن حضرتك فى توضيح بسيط بس

---

فى دراع عند بكرة سرعة المروحه بيتحرك من تحت يمين وشمال
خليه فى الشمال عند علمة العربيه اللى فيها سهم بيلف جواهاعلشان مايجيبشى هوا من بره ويخلى الهوا بس اللى جوا العربيه هو اللى بيدخل دزرة التبريد وبكده يتبرد اسرع من انك تدخلى هوا سخن من بره ويتبرد

عزيزى اشرف والله انا سعيد بشهادتك دى لأنى باحترم رأيك جدا لان كلامك كله موزون وفى محله فنسأل الله ان يبارك لنا فيما رزقنا وان يعطينا حتى نرضى وان يرضى عنا ويجمعنا فى دار رحمته ومستقر كرامته سبحانه وتعالى

وكل عام وانتم بخير بمناسبة شهر رمضان المعظم
واسمى اسفل مشاركتى

اقتباس:

---

المشاركة الأصلية كتبت بواسطة xlance2010

عزيزى اشرف والله انا سعيد بشهادتك دى لأنى باحترم رأيك جدا لان كلامك كله موزون وفى محله فنسأل الله ان يبارك لنا فيما رزقنا وان يعطينا حتى نرضى وان يرضى عنا ويجمعنا فى دار رحمته ومستقر كرامته سبحانه وتعالى

وكل عام وانتم بخير بمناسبة شهر رمضان المعظم
واسمى اسفل مشاركتى

---

كل سنة وانت طيب وانا كمان بحبك وبحب كتاباتك يا اخويا واستاذي طارق وعلي فكرة انا قريت مدونتك بالصدفة من حوالي شهرين بس مكنتش اعرف ان حضرتك معانا في المنتدي - وكل الشرف ليا ان ارائي المتواضعه تعجب حضرتك ربنا يخليك ويباركلك ويديم المعروف والمحبة

اقتباس:

---

المشاركة الأصلية كتبت بواسطة akerima

كل سنة وانت طيب وانا كمان بحبك وبحب كتاباتك يا اخويا واستاذي طارق وعلي فكرة انا قريت مدونتك بالصدفة من حوالي شهرين بس مكنتش اعرف ان حضرتك معانا في المنتدي - وكل الشرف ليا ان ارائي المتواضعه تعجب حضرتك ربنا يخليك ويباركلك ويديم المعروف والمحبة

---

اخى وبلدياتى وصديقى الالكترونى : اشرف

اشكرك شكرا جزيلا لكلماتك الرقيقة وشرف عظيم لى ان اكون عضوا فى هذا المنتدى المحترم وإنه لمن دواعى سرورى ان تشرفت مدونتى المتواضعة باطلاعكم على محتواها ولم احسب بقيمة تدويناتى إلا بعد ان علمت بمتابعتكم لها ، وابشرك بأنك ستتمتع معى فى رمضان بسلسلة كما عودت قارئى كل عام وستكون هذا العام مفاجأة سارة لكل مسلم على وجه الارض ، فجزاكم الله خيرا كثيرا وأدامكم الله ووفقنا واياكم لما فيه الخير

ودمتم بود

اسمى اسفل مشاركتى

اللهم بلغنا رمضان - وربنا يجعل ما تكتبة في مدونتك الرائعة في ميزان حسناتك باذن الله ومستنيك علي شوق في رمضان باذن الله عشان تمتعنا بكتاباتك الرائعة