الموضوع: سؤال ومحتاج جواب من كل واحد في شعب مصر

صبحى باشا .. حبيبى و الله ..

بص .. انا هجاوبك من وجهة نظرى الشخصية ..

الحدود إللى هى إيه ؟؟؟ العقوبات الدنيوية على المسلم الحى ..

يعنى إحنا عندنا كام حد ؟؟؟ فى حد السرقة .. حد القتل .. حد الزنا ... حد شرب الخمر ... قوانين المواريث .. و هكذا .

مين يكره تنفيذ الحدود من القضاء المصرى الشامخ ؟؟؟ مظنش حد يكره إللى إللى يعشق المعصية .

لكن ..

بنخاف دايما من لكن ..

على سبيل المثال ... حد الردة ... إللى أعرفه إن الرسول مطبقوش فى حياته .. و إن ليه شروط معينة خاصة جدا لليترك الإسلام يقتل ... لكن مش أى حد يترك الإسلام يقتل .... فمثلا شفنا التكفير كان شغال الله ينور أيام الإستفتاء .. طب هو عشان عارضناهم كفرونا .. هل هيطبقوا علينا حد الردة ؟؟؟؟ إللى أصلا متنفذش أيام الرسول و إللى هو ليه شروط للتطبيق ... ؟؟

ثانيا ... مثلا الحجاب و اللبس ... مفيش حد معين بيقول لبسوا البنات الحجاب بالعافية ...

هيعملوا إيه ؟؟؟ هيجبروا البنات إنهم يلبسوا زى معين ؟؟ زى النقاب ؟؟؟ و إللى أعرفوا إنه مينفعش تجبر حد على كده ... و مش من الإسلام ...

ثالثا مثلا .. الأمور المختلف فيها .. و دى كتيييييير جدا .... زى الموسيقى النضيفة و الغناء .... ( مختلف فيها يا باشا يعنى حضرتك مقتنع بحرمانيتها أحترمك جدا و أحترم إختيارك ... لكن إتركنى أقتنع بإللى أنا عايزه) ..

رابعا ... الإختلاط ... هيعملوا فيه إيه ؟؟؟ رغم إن المعروف إن الحرام فى الإختلاط شرعا هو الخلوة ... و لكن لو بإحترام زى الناس العادية و زى ناس كتير و طبعا مش قلة أدب ... هيعملوا فيه إيه ؟؟؟

السياحة و الأجانب .... ممكن أقيض الفسق زى إتنين مش متجوزين يقعدوا فى غرفة واحدة فى الفندق نقدر نمنعها ... نقدر نمنع إن لبس المايوهات يكون على الشواطئ فقط مش فى الشوارع ... و نترك لهم حريتهم ...و يشربوا الخمر براحتهم ... لأن فى الإسلام مالناش حق منع من هو غير مسلم من شرب الخمر بل و المتاجرة فيها .. لكن لو مسلم شرب .. تعالاى بقى نطلع تييييييييييييييييت ... خاصة إن فى نسبة كتيرة من أهلنا مسيحيين و مينفعش أقيدهم ....

مثلا يا فندم اللحية ... شايفين دلوقتى أهو من ينادى بوجوب االلحية ... طب ما هى فرض أهى ... يعنى يفرضها عليا بالعافية ؟؟؟ ....

فأنا شايف .. إن تطبيق الحدود يكون فى احاجات إللى ربنا عرف ليها عقاب دنيوي ... سرقة خمر زنا شهادة زور قذف محصنات ... كده ... لكن غير كده هتقلب حرب أهلية و مصر هتضيع ... و غير كده مش ده إللى الإسلام قاله ..

الإسلام دين الحرية ..

لكن الحكم الإسلامى ... حكم قمعى ....

و فى الإسلام ... الدولة المدنية ..

ده رأيى يا فندم ...

سؤال برا الموضوع ....

هو فى منفخ عجل ضغير جدا يعمل بالكهرباء؟؟؟ بالبطاريات؟

بأختصار شديد ومع احترامي لكل اخواني واصدقائي من الأحزاب السياسية ومش عايز حد ياخد كلامي او يفهمه غلط او يعتقد اني بجرح فيه
القوي السياسية من بعد الثورة ومنهم شباب الثورة لاتمثل الا نفسها في كثير من المواقف ومنها موقفهم اللى في الموضوع ده (وبدليل انهم مازالوا يطلبون دستور جديد ومجلس رئاسي رغم نتيجة الأستفتاء) و مؤيدي رأيهم لا يمثلون الا نسبة قريبة من نسبة ال22% بتاعت الأستفتاء...واتمني ان التصاريح دي متكونش بداية مكررة لموضوع المادة التانية من الدستور.

اقولك على رأيى

انا شايف ان تطبيق الشريعه الاسلاميه شىء واجب وهو ده اللى هيرفعنا لاحسن المراتب ان شاء الله

بس انا شايف ان الموضوع محتاج شويه وقت وترتيب معين

اولا الدين الاسلامى تعرض لحمله تشويه عنيفه على مر العصور والازمان وخاصه فى الفتره الاخيره وتم ربط كل ما هو اسلامى بالارهاب والرجعيه

قبل ما نبداء فى اى شىء لازم علماء المسلمين يبدأوا فى الاهتمام بتعريف الناس عن الاسلام وقيمه وسماحته مع الاديان الاخرى لكى يستطيع الغير مسلمون التيقن من ان الاسلام برىء من التعصب والرجعيه

لازم علماء المسلمين يتحدوا ويجتمعوا لتحديد الطريقه والاشخاص التى تتحدث باسم الدين الاسلامى على وسائل الاعلام لكى يكونوا واجهه جيده للاسلام والمسلمين لتقريب من هم بعيدون عن الدين من المسلمين واظهار القيم الحقيقيه للدين الاسلامى وبالتالى هيرجع المسلمين لدينهم ويبدأوا فى تطبيقه على حياتهم الشخصيه

عوده تدريس الدين الاسلامى فى المدارس بصوره جاده واضافتها للدرجات الدراسيه للمسلمين والتشجيع على حفظ القرأن ودراسه الشريعه وتوعيه الاطفال من صغرهم على اهميه الصلاه والالتزام وبالتالى نقدر نطلع جيل جديد واعى لمبادىء الاسلام واهميه تطبيقه بدون تشدد

البدء التدريجى فى ابعاد كافه صور الفساد والانحلال من حياتنا ومن وسائل الاعلام (مينفعش طفل صغير يفتح التليفزيون ويشوف قنوات الاغانى والكليبات والافلام التى لا تخلو من المناظر المسيئه وبعد كده نقوله الكلام ده غلط وحرام واحنا بنخليك تشوفه علشان تعرف ان ده غلط)نمنعها من الاول احسن

لما هيبقى عندنا جيل واعى من الصغر وجيل اكبر يتم توجيهه للصالح بطريقه جيده صدقنى الناس هتتجه لدينها بدون اى ضغط

يعنى الفكره قبل ما نطبق القوانين لازم نوعى الناس بأهميه هذه القوانين والحكمه منها ووقتها هيبقى التزام الناس بقوانين الاسلام نابع من الداخل وليس من الخارج

وقتها فعلا الناس هى اللى هتنادى بتطبيق الحدود والشرع الاسلامى والناس هتبعد بطبيعتها عن الفساد والمنكرات ومش هنحتاج نقفل الكباريهات ومحلات بيع الخمور لانها هتقفل لوحده (ووقتها الناس هى اللى هتطلب القوانين وهتصر عليها)

الموضوع ده مش هيحتاج لوقت طويل بس المهم طريقه اداره الامور

ده رأيى الشخصى والله المستعان

المشاركة الأصلية كتبت بواسطة wesam_salom

اقولك على رأيى

انا شايف ان تطبيق الشريعه الاسلاميه شىء واجب وهو ده اللى هيرفعنا لاحسن المراتب ان شاء الله

بس انا شايف ان الموضوع محتاج شويه وقت وترتيب معين

اولا الدين الاسلامى تعرض لحمله تشويه عنيفه على مر العصور والازمان وخاصه فى الفتره الاخيره وتم ربط كل ما هو اسلامى بالارهاب والرجعيه

قبل ما نبداء فى اى شىء لازم علماء المسلمين يبدأوا فى الاهتمام بتعريف الناس عن الاسلام وقيمه وسماحته مع الاديان الاخرى لكى يستطيع الغير مسلمون التيقن من ان الاسلام برىء من التعصب والرجعيه

لازم علماء المسلمين يتحدوا ويجتمعوا لتحديد الطريقه والاشخاص التى تتحدث باسم الدين الاسلامى على وسائل الاعلام لكى يكونوا واجهه جيده للاسلام والمسلمين لتقريب من هم بعيدون عن الدين من المسلمين واظهار القيم الحقيقيه للدين الاسلامى وبالتالى هيرجع المسلمين لدينهم ويبدأوا فى تطبيقه على حياتهم الشخصيه

عوده تدريس الدين الاسلامى فى المدارس بصوره جاده واضافتها للدرجات الدراسيه للمسلمين والتشجيع على حفظ القرأن ودراسه الشريعه وتوعيه الاطفال من صغرهم على اهميه الصلاه والالتزام وبالتالى نقدر نطلع جيل جديد واعى لمبادىء الاسلام واهميه تطبيقه بدون تشدد

البدء التدريجى فى ابعاد كافه صور الفساد والانحلال من حياتنا ومن وسائل الاعلام (مينفعش طفل صغير يفتح التليفزيون ويشوف قنوات الاغانى والكليبات والافلام التى لا تخلو من المناظر المسيئه وبعد كده نقوله الكلام ده غلط وحرام واحنا بنخليك تشوفه علشان تعرف ان ده غلط)نمنعها من الاول احسن

لما هيبقى عندنا جيل واعى من الصغر وجيل اكبر يتم توجيهه للصالح بطريقه جيده صدقنى الناس هتتجه لدينها بدون اى ضغط

يعنى الفكره قبل ما نطبق القوانين لازم نوعى الناس بأهميه هذه القوانين والحكمه منها ووقتها هيبقى التزام الناس بقوانين الاسلام نابع من الداخل وليس من الخارج

وقتها فعلا الناس هى اللى هتنادى بتطبيق الحدود والشرع الاسلامى والناس هتبعد بطبيعتها عن الفساد والمنكرات ومش هنحتاج نقفل الكباريهات ومحلات بيع الخمور لانها هتقفل لوحده (ووقتها الناس هى اللى هتطلب القوانين وهتصر عليها)

الموضوع ده مش هيحتاج لوقت طويل بس المهم طريقه اداره الامور

ده رأيى الشخصى والله المستعان

متفق مع حضرتك تماما
و على يقين من ان رأي حضرتك هو نفسه رأي كل من يسعى لتطبيق الشريعة عن وعي و اخلاص و الا فهو بيضر المبدأ اكثر مما ينفعه لكن المشكلة في مسألة التخويف المستمر من اقامة الشريعة على اعتبار انها ستطبق كما تطبق الاحكام العرفية في يوم واحد وكل من سيخالف سيقام عليه الحد فورا
الامر محتاج الى دعوة مخلصة لفترة تحسب بالسنين في رأيي حتى نمهد الطريق لاقامة الشريعة في قلوبنا قبل ان نقيمها على ارضنا