الحمد لله
و مبروك الصيانه
لكن تكلفة الصيانه أنا إحساسي بيقلي كتير
و لو ممكن تفاصيل عن القطع المستبدله و أثمانها و أعمال الصيانه
و بالتوفيق إن شاء الله
عرض للطباعة
الله يبارك فيكوا. أنا فعلا حسيت انه كتير..
خليني أجيب الفاتورة بكرة إنشاءالله وابعتلكوا ليستة بالبنود كلها وأسمع رأيكوا.
السلام عليكم ورحمة الله
انا جبت الفاتورة وحبيت أشارككم تكلفة الأصلاح عشان استفيد من رأي حضراتكم لو حد شايف إن فيه أي بند مبالغ فيه ومنكم نستفيد. البنود كالتالي:
بنود الصيانة لـ 60 ألف كيلو :
طقم بوجيهات 128ج
فلتر هواء 95ج
طقم كاتينة 180ج
سير دينامو 145ج
فلتر بنزين 81ج
فلتر زيت 46ج
زيت موتور توتال 320ج
طبة كامة كبيرة 80ج
طبة كامة صغيرة 45ج
وردة طبة 20ج
بنود الإصلاحات:
طقم تيل أمامي 268ج
2 مسمار ميزان 170ج
كوعة ثرموستات 81ج
شداد موتور 297ج
مياه حمراء مانع صدأ توتال 4ك 65ج
لمبة بلحة للصالون 5ج
مصنعيات صيانة + إصلاحات = 500ج
المجموع = 3038ج
منتظر ردودكم
وشكرا
Over brice...this spare barts tooo mush
أيوه كده أفضل من رقم 3000 مره واحده كده مع إن البنود أسعارها عاليه شويه إلا إنها مش مبالغ فيها و أكيد هي دي أسعار قطع غيار العربيه
ألف مبروك علي الصيانه
هي الحاجات كتير عشان كده عاملة مبلغ كبير... بس الأسعار معقولة
أنا أخر مرة جبت طقم كاتينة ( سير + شداد ) من الحرفيين كان بـ500 جم
كوعة الثرموستات بـ230 جم.......81 جم ده سعر تحفة
تيل الفرامل غالي شوية عشان أصلي وكان ممكن تجيبه أسباني بنصف الثمن
زيت الموتور بـ320جم ؟!!....غريبة شوية.....هو سعر الزيت غلي عن 260جم ؟!!
بالنسبة للمصنعية.....الكلام ده لو عملته بره عند أي ميكانيكي متخصص هياخد منك مش أقل من 300-350جم ....مش فارقة كتير غير راحة البال في المركز
باقي البنود أنا شايف أسعارها طبيعي جداً
مبارك الصيانة وربنا يحفظلك سيارتك
شكرا عمرو على ردك.
طمنتني. هو الزيت فعلا غالي. أنا هتأكد من سعره محطة توتال عادية وأشوف.
ربنا يحفظك
والسلام عليكم