الموضوع: الأراضي في القاهرة الجديدة - التجمع الأول

المشاركة الأصلية كتبت بواسطة m.elwan

هو التجمع الاول كويس بس التجمع الخامس مناطق الخدمات فيه اكتر بكتيير والاهتمام بيه اكتر يعنى تحس ان التجمع الخامس فيه حياة شوية عن التجمع الاول

مانا فاهم حضرتك النقطة دي وعشان كده حبيت التجمع الاول اكتر من الخامس...يمكن تفتكرني مجنون بس هي أزواق
ياريت لو أي معلومات عن الأراضي هناك...أنا في دماغي فكرة فعايز أعرف هتتنفذ إزاي وهتنفع ولا لا
الفكرة إن مجموعة من الأصدقاء يشتروا أرض في المكان اللي هما عايزينه
ويبنوها وكل واحد ياخد شقة او دور او اتنين علي حسب العدد
التجمعات أقصي حد للأدوار 4 أدوار علي ما أتذكر
ممكن 4 يشتركوا فيها بنسب معينة بالأتفاق بحسب مكان حجزه للشقة..يعني ممكن يكون الساكن في الدور الأخير نسبة إشتراكه أقل من الساكن في الثالث والرابع وبالتالي محدش يزعل
والكلام ده طبعا يتكتب في عقد بينهم

عايز أعرف الفكرة دي نظامها إيه...سعر الأرض وتكاليف البناء وكل واحد بقي يشطب براحته جوا شقته
وياريت لو حد عنده معلومات عن الأراضي في التجمع الأول يفيدني

المشاركة الأصلية كتبت بواسطة timtim

صورة من
كراسة شروط قرعة 2011 اراضي المدن الجديدة

MEGAUPLOAD - The leading online storage and file delivery service

أنا معرفش باب التقديم مازال مفتوح ولا خلاص .. بس انت ممكن تاخد فكرة من الكراسة دي عن الأسعار مع ملاحظة ان الاسعار المذكورة دي بالتقسيط على 10 سنوات..
وبرضه في اراضي ناس بتبيعها في اماكن زي البنفسج والياسمين ودي موقعها بين التجمع الخامس والأول ..

فكرة اتحاد الملاك فكرة ممتازة طبعا.. لو لسه بتجمع الناس اللي هاتشترك معاك ادينا فكرة..
هو نسبة البناء بتكون 60% من الارض ولا أقل؟؟؟

انا دورت عليها وواضح ان فيه أراضي للحجز حتي 30 يونيو 2011
http://www.urban-comm.gov.eg/al30.asp
فكرة اتحاد الملاك فكرة جميلة فعلا وحاليا بدرسها لسه وبشوف هينفع اشترك فيها ولا لا
نشبة البناء اعتقد فعلا 60% من مساحة الأرض بس مش متأكد
معلش مش عارف انزل الملف اللي انت رفعته عشان انا في الشغل..فياريت لو تجطلي صورة اراضي القاهرة الجديدة يبقي كتر خيرك