يا أخ mark_milad_95 جمد قلبك و توكل على الله .. الموضوع بسيط و سهل إن شاء الله
عرض للطباعة
يا أخ mark_milad_95 جمد قلبك و توكل على الله .. الموضوع بسيط و سهل إن شاء الله
انا منأكد انى مش هعرف :)
ليه بس .. ما أن كنت زيك و توكلت على الله و الموضوع مشى و زى الفل .. أهم حاجه و إنت بتفك الكاسيت .. الشفة الى تحت خالص فى الطابلوه تضع عليها قطعة قماشة .. علشان و إنت بتطلع الكاسيت مايجرحش الشفه السفلى .. بس كده
جمد قلبك و صدقنى طالما إنت حريص و بتتعامل بحذر .. الموضوع هيمشى بسلاسه
طمنى بالأخبار .. بس جيب كابل ال aux من راديو شاك .. لأنه من أفضل الكابلات .. أنا جبت واحد من هناك أزرق ب 15 جنيه و خامته ممتازة
بالتوفيق
باش مهندس محمد .....
إعذر جهلى فى سؤالى .... هو ايه لازمة كابل AUX دا ؟
انا عندى ساجا 2010 وفيها كلاريون ومش عارف ان كان فيه AUX ولا لاء ....
انا غاوى فك وتركيب على كيفك مدام فيها تطوير للحاجة اللى عندك او حتى مجرد صيانه ليها وسبق قبل كده وجازفت وركبت لمبه للرينج اللى حوالين الكونتاكت فى الساجا وماشاء الله زى الفل وكل اللى يشوفها يفتكر انها جاية مع العربية كده....
http://www.nilemotors.net/Nile/200356-a.html
المهم عشان ماطولش عليك قولى بس ايه فايدة الكابل ده مع العلم انى مركب موديلاتور بفلاشه على مخرج الولاعه وشغال بيه بس حاسس ان موضوع الكابل ده فيه حاجة احسن .... كده ولا ايه ؟
محمد عبد المجيد
يا غالى .. إنت تأمر
وصلة ال AUX هيا الوصلة الى بتركبها فى الأيبود .. أو أى تليفون مجهز إنك توصل علية المخرج اليونيفيرسال لأى سماعه عاديه .. بص عندك على أى هيدفون .. الوصلة الذكر الى فى النهاية .. هيا الى إحنا بنتكلم عليها
الفكرة ببساطه إنها بتكون جاهزة و خارجه من الكاسيت .. لو وصلت عليها أى إنبت .. الكاسيت بيشغلهولك ..
أنا بعد الوصله ديه بقيت أوصل الأيبود مباشرة على الكاسيت .. و أشغل الأغانى من الأيبود .. تشتغل على كاسيت العربيه مباشرة
فوائد الموضوع ده .. صوت نقى جداً .. بتريح سى دى العربيه .. أسهل و أريح مليون مرة من حرق إسطوانات
و أسهل من إنك تركب FM Transmitter على الولاعه .. ده غير إنه بيحرق فيوز الولاعه على طول
أرجوا ما أكنش طولت و أكون وصلتلك المعلومه
صحيح .. أحيك على موضوع الرينج .. أنا لسه ما إتشجعتش عشان أعمله عندى فى بيرسونا .. بس شكلى هعمله .. بعد ما الضمان يخلص :)
بالتوفيق
لو فى حد اعرفة معاة ساجا كنت فكيت الكاسيت عشان اجرب فية وللا لآ بس بصراحة معرفش اساسا شكل الكاسيت اية كمان
والله الموضوع سهل جدا جرب بس ومش حتندم ابدا
فعلا لما كنت شارح على الكابل الاصفر دة بعديها بكام يوم ابتدى بفصل السماعات رحت فاكيك تانى واشتريت كابل من راديو شاك وشغال لحد دلوقتى زى الفل
بصراحة موضوع جامد جدا انت عبقرى بجد ومبتكر وان شاء الله اعملها قريبا
وانا معاك برضة نبقى نعملها سوا انا بحب الاختراعات دى
ميه ميه يا باشا احب الناس اللي دماغها شغاله :16:
شكرا جدا جدا ليك على الفكرة الجميلة دى
انا نفذت النهاردة
بصراحة الصوت جميل جدا و الحاجة لما بتعملها بايدك بيبقى ليها طعم مختلف تماما
بس للاسف جرحت الشفة التحتانية رغم انى كنت واخد بالى بس الحمد لله هاحاول اشوف لها حل ان شاء الله
شكرا ليك مرة تانية .
عملت زى .. جرحتها برضه من غير قصد
بص جيب قلم رصاص .. و الأجزاء الى إتخربشت .. لونها بيه .. شكلها هيكون أحسن إن شاء الله
حلوة فكرة القلم الرصاص دى , هاجربها النهاردة ان شاء الله
شكرا ليك .