طريقة عمل كابل ال aux

**SEABOY** · 18-04-2011 04:32 PM

السلام عليكم
والله يا جماعة انا دخت على كابل ال AUX ولفيت وروحت عند النخيلى عشان سمعت انة بيعمل كل انواع الكابلات ولكن دة مش صحيح لانة قاللى الكابل بال Connector مش عندنا ورحت عند الجمال وادريان وناس كتيير أوى ولا واحد عندو الكابل دة بصراحة زهقت أوى فقررت اعمل انا الكابل وربنا يستر.
المهم رحت اشتريت كابل AUX – AUX ودة ثمنة 5 جنية وقطعت ناحية واحدة عشان اخد السلك والناحية التانية فيها الجاك.

المهم الصور دى حتشرح انا عملتة ازاى

الاول عارفين كابل الباور بتاع الكمبيوتر ؟

احنا محتاجين واحد وناخد من جواه النحاسة اللى فية عشان دى تبقى زى مشبك يمسك البن اللى فى الكاست

بعد كدة فك الكاسيت عادى زى المشاركة اللى كانت شارحة موضوع الكابل دة

غطى راس السلك النحاس دى بشكرتون للحماية وعشان متلمس فى حاجة تانية للاحتياط

بعد ما غطيت ال 3 كابلات نجيبهم ونضعهم فى البن اللى على اليمين يعنى ورا بعد كما فىالصورة

ناخد كابل ال AUX ونشعرة عشان نلحمة بالكابلات اللى ركبناها

دلوقتى خلاص رجع الكاسيت مكانة.
اضغط على زرار ال Mode حوالى ثانيتين حتلاقى AUX ON بعديها اضغط ضغطة عادية عشان تيجى AUX INPUT

بعد كدة زود ال BASS وال TREB على الاخر عشان الصوت يظبط معاك

وكمان خللى ال LOUD ON بتخلى الصوت احسن كتيير

ودلوقتى جرب على ايبود او اى حاجة وادعيلى
يعنى التكلفة كلها 5 جنية

**shakshak2011** · 18-04-2011 05:08 PM

موضوع ممتاااااااااااااااااااااا اااااااز ممتاااااااااااااااااااااا ااز ممتاااااااااااااااااااااا ااااااااااز
بجد تسلم إيدك ... الموضوع رائع .. إنت شجعتنى أدوس و اعمل الموضوع ده ..
بس هل فك الكاسيت مشكله و ممكن يحصله حاجه و انا بفكه .. وهل فيه طريقه مفضله لفكه بطريقه جيده ؟؟

شكراً جزيلاً مرة تانية على الموضوع الرائع ده :)

**Nistelrooy** · 18-04-2011 05:15 PM

الله ينور .. والف مبروك ع الوصلة .. وربنا يبارك لك

**SEABOY** · 18-04-2011 06:35 PM

المشاركة الأصلية كتبت بواسطة shakshak2011

موضوع ممتاااااااااااااااااااااا اااااااز ممتاااااااااااااااااااااا ااز ممتاااااااااااااااااااااا ااااااااااز
بجد تسلم إيدك ... الموضوع رائع .. إنت شجعتنى أدوس و اعمل الموضوع ده ..
بس هل فك الكاسيت مشكله و ممكن يحصله حاجه و انا بفكه .. وهل فيه طريقه مفضله لفكه بطريقه جيده ؟؟

شكراً جزيلاً مرة تانية على الموضوع الرائع ده :)

يا عمى ولا تخاف ولا حاجة هى مش العربية عربيتك والكاست كاستك يبئا دووووس وجمد قلبك هما بس اصعب مسمارين اللى مخفيين لكن ان شاء الله مافيش مشكلة وابقى خلى بالك من الكابلات وانت بتخلعها من الماسيت ورا فيها كلبسات عشان تتخلع غير كدة متقلقش ودووس الصوت يستاهل والله وتريح السى دى كمان

المشاركة الأصلية كتبت بواسطة nistelrooy

الله ينور .. والف مبروك ع الوصلة .. وربنا يبارك لك

الله يباركلك اخى

**M.Abdelshafi** · 18-04-2011 07:14 PM

موضوع جامد ألف شكر

**moamen_badboy** · 18-04-2011 08:34 PM

على فكرة هى عند كلاريون فى مصر الجديدة موجودة
ب75 بالتركيب
بس 5 جنيه دى حلوة قوى وفى فرق جامد
انا كنت هعمله اول الشهر انت كده هتخلينى اغير رأيى
بس انا معنديش خبرة فى الكلام ده مش عارف هعمل ايه بقى الصراحة

**waleedfesal** · 19-04-2011 10:14 AM

الله ينور عليك
شغل 10 على 10

**mido777** · 19-04-2011 10:49 AM

تمام الله ينور عليك ....

سؤال ؟ .... هو فيه كابل طرف aux والمخرج بتاعه يبقى usb ؟؟

ولو مفيش ينفع نعمله بالتطبيق على اللى انت عملته ؟؟

**himaz** · 19-04-2011 11:10 AM

الله ينور يا باشا

بس ليا سؤال انت عرفت البينات دى ازاى ؟

انا الكاسيت عندى فيه مود ال
aux

بس مش عارف فين البينات ده فى الكاسيت وبصراحة مفكتشى الكاسيت