كلمة ونص 3 يونيو 2007

**sab3aawy** · 03-06-2007 03:32 PM

فى ظل ظروفنا الإقتصادية الصعبة أفهم واستوعب تماما ان اشاهد سيارة مدخنة تسير أمامى، واعذر قائدها الذى من الممكن ان يكون بالفعل لا يمتلك الفين جنيه او ثلاثة يعمل بيها عمرة ، لكن لا افهم ولا استوعب منظر عربية ماشية بالليل بفانوس خلفى مطفى او لمبه اشارة مبتنورش، فبالتأكيد ان اللى معاه 10 جنيه يحط بيهم بنزين فى العربية، اكيد برضه معاه جوز جينيهات يجيب بيهم لمبة إشارة

**وائل عطية** · 03-06-2007 03:38 PM

والله ياباشمهندس خالد معاك حق لدرجة إني بيبقى نفسي لما أشوف عربية بتدخن ألاقي لجنة بقيادة مدير إدارة المرور شخصياً ليرحمنا من هذا الجحيم خاصة وأنه ليس بالضرورة أن كل العربيات التي تدخن تستحق إجراء عمرة فقد يكون الأمر أقل من هذا بكثير !!

**memo_hefnawy** · 03-06-2007 03:39 PM

يا عم سبعاوى إللى عندهم الفانوس سليم فى المحروسه 70% منهم مش بيستخدموه و النور بيمشوا بليل كثير منهم طافيه ذى ما يكون هايسحب من عداد الكهرباء بتاع بيتهم

**H.ibrahim** · 03-06-2007 03:46 PM

و الله نفسى انا كمان ان المرور فعلا ياخذ اى عربية بتدخن ايقاف لمدة شهر بدون سحب الرخص فقط ليتلعلم السائق انه مش ممكن يمشى بعربية زى كده كما لو كانت من غير فرامل هل هيقدر يمشى بيها برده

**جندى مجند** · 03-06-2007 06:21 PM

بصراحة اذا كان الواحد ممكن يعذر صاحب سيارة مدخنة و محتاجة عمرة بألف أو ألفين ... لكن بصراحة مش بأقدر أفهم منطق اللى سايق عربية مدخنة دخان أسود ... دى أى بلية فى أصغرها كشك ممكن يضبط كربيراتيرها بجوز جنيهات ... و حتوفر بنزين و حترحم كل اللى سايقين وراه من الهباب اللى مطلعه دة ... و الغريبة انك تلاقى معظم العربيات دى ميكروباصات و تاكسيات يعنى عربيات أكل عيش يعنى لو سواقها صرف جوز جنيهات فى تظبيط الكربيراتير ممكن يوفر 10 أو 15 جنيه بنزين فى اليوم ... سبحان الله ... لله فى خلقه شئون!

03-06-2007 06:37 PM

بص يا جندي لو اتكلمنا عن بتوع الميكروباص فحدث ولا حرج دول عالم خدت علي اسلوب العربجية انا لسه شايف واحد امبارح في عين شمس كل الطريق كلة عكس ولما الطريق وقف طلع علي الطريق العدل من فوق الجزيرة اللي في النص وطبعا العقليات ديه مش هتهتم بظبط العربية خاصة وانها كلها بتسخدم جاز مش بنزين