قصه واقعيه عن سرقه سياره

**misoalex** · 07-05-2011 03:33 AM

ابو اياد فين باقى القصه

**nabaster** · 07-05-2011 06:25 AM

تصدق صح يا ميسو

الموضوع داخل علي شهر

فين باقي الموضوع يا ابو اياد :)

A.Yakout

**أبو_يوسف** · 08-05-2011 02:41 PM

التوكيل الاصلي بيتحفظ في الشهر العقاري عليه التوقيعات والمشتري بياخذ صورة منه مختومة وليس عليها توقيعات..
واعتقد ممكن بالتوكيل يتعامل مع المرور لاستخراج بدل فاقد للرخصة..

**أبو إياد** · 08-05-2011 03:12 PM

مانسيتش ولا حاجه بس فعلا دخولى قليل على المنتدى اليومين اللى فاتوا

الموضوع وما فيه ان سامح عمل مذكره فقد بالرخصه فى قسم الشرطه بموجب التوكيل وفى نفس اليوم عمل شهاده بيانات للسياره موجهه للشهر العقارى وطلع على الشهر العقارى وسجل السياره بشهاده البيانات والتوكيل

وبكده اصبح سامح مالك للسياره بموجب عقد بيع نهائى

وبموجب العقد عمل توكيل لتامر علشان يكون فيه اساميهم هما الاتنين ويقطعه امام

وبعد ما رجع السياره لتامر وقطع التوكيل امام تامر عاد لقسم شرطه اخر وعمل مذكره فقد للرخصه وبالمذكره عمل شهاده بيانات موجهه للشهر العقارى بموجب عقد البيع النهائى واسف انى ذكرت انه كان معاه رخصه فى بدايه الموضوع

المهم احمد صاحب المعرض اتصل بسامح علشان ياخد باقى المبلغ ويعطيه بيانات المشترى وده طبعا كمين بالاتفاق مع صاحب السياره والمباحث

هنا بقا ظهر مجدى صاحب سامح ولما لقا الوضع بالشكل ده قال انا ماليش دعوه انا جاى اخد باقى الفلوس واخد بيانات المشترى وماليش دعوه باى حاجه انما انا ممكن اخلى سامح يجى وانتوا تتصرفوا معاه

فعلا مجدى اتصل بسامح واقنعه انه يجى للمكتب ( بدل ما يروح هو فيها ) >>>>>>>>>>> صحاب بقا ههههههههههههه

دخل سامح بهدؤ اعصاب غير طبيعى وبعد مناقشات ومداولات فجر سامح القنبله بانه مالك السياره بناءا على عقد البيع النهائى

المهم علشان ماطولش عليكوا تامر صاحب السياره الاصلى دفع 40000ج علشان يلغى العقد ياعنى اشترى عربيته ب 40000ج

بس خلاص

**أبو إياد** · 08-05-2011 03:29 PM

المشاركة الأصلية كتبت بواسطة nabaster

ازيك يا مجدي :)

واحشني والله وان شاء الله العربيه تكون رجعت بالسلامه

a.yakout

انا لا مجدى وسامح ولا ليا اى علاقه بالموضوع والحمد لله
والعربيه اهى رجعت ب 40000ج :b4_611:

**yyy** · 08-05-2011 05:21 PM

المشاركة الأصلية كتبت بواسطة أبو إياد

السلام عليكم ورحمة الله وبركاته
اولا كل عام وكل اعضاء نايل موتورز بخير
ثانيا وحشتونى بجد واتمنى من الله للجميع ان يكونوا بخير

ندخل فى الموضوع

ابطال القصه
اسماء وهميه طبعا

تامر (صاحب السياره)
سامح (المشترى)
احمد(صاحب معرض سيارات)
مجدى (صديق مشترى السياره)
افراد اداره مكافحه سرقه السيارات

القصه باختصار

تامر عنده سياره وعارضها للبيع عن طريق اعلان فاتصل بيه سامح وقابله واتفرج على العربيه واتفقوا على كل حاجه وبعد كده اتقابلوا فى الشهر العقارى وتم عمل توكيل بيع وشراء من تامر الى سامح واستلم سامح عربيته وتوكيله ورخصه العربيه واستلم تامر فلوسه كامله
وفى تانى يوم اتصل سامح بتامر وطلب يقابله بخصوص مشكله فى العربيه
تامر استغرب وقلق واتفقوا على المقابله
سامح كان باين على وشه انه متضايق لكن مكانش متضايق من العربيه انما كان متضايق بسبب ظروف حصلت وكان الحل الوحيد لمشكلته انه يرجع العربيه لتامر وياخد فلوسه فلما حكى ظروفه تامر بقلبه الطيب وافق واتفق معاه على انه يرجع المبلغ ليه وياخد عربيته تانى
وفى المقابله التانيه دى فعلا التزم تامر باتفاقه وجاب المبلغ كامل بالظبط زى ما عمل سامح وجاب العربيه والرخصه والتوكيل وبعد ما اطلع تامر على التوكيل سامح طلب منه انه يقطعه ويتخلص منه وبكده يكون كل شىء رجع لاصله

___________________________________________

بعد مرور كام يوم على الموضوع ده تامر نزل اكتشف ان عربيته اتسرقت !!!!!!!!!!!!!!!

فعلا سامح كان عمل نسخه من المفتاح وسرق العربيه وكان مجهز نفسه انه يبيع العربيه وبالفعل باع العربيه لاحمد صاحب معرض بيع وشراء بموجب توكيل رسمى من تامر الى سامح

(دايما اصحاب المعارض اللى بيشتروا عربيات بيدفعوا مبلغ ويستلموا العربيه ويبقوا المبلغ المتبقى مع عمل التوكيل وده ليه هدف انه يبيع من صاحب العربيه للمشترى مباشرتا ) وده اللى تم

احمد صاحب المعرض اتفق معاه على مده 5 ايام على اساس انه يتصل بسامح ويبلغه بالاسم اللى هايتعمل ليه التوكيل ويخلص باقى المبلغ

________________________________________

احمد على علاقه بمكتب مكافحه سرقه السيارات واتصل بيهم واستعلم عن بيانات السياره
المباحث افاده بعدم اى بلاغ عن السياره

________________________________________

بعد مرور يومان اتصلت المباحث باحمد صاحب المعرض وقالوا ان العربيه دى لسه متبلغ بسرقتها
فاتقابلت المباحث مع تامر صاحب البلاغ وصاحب السياره الاصلى مع احمد صاحب المعرض واكتشفوا ان البيع تم بتوكيل رسمى من تامر الى سامح

هنا اكتشف تامر انه اكيد التوكيل اللى اتقطع مكانش التوكيل اللى عمله رغم ان اسمه واسم سامح كانوا فى التوكيل والتوكيل كان مختوم ( وده اول لغز )

الرخصه موجوده مع احمد صاحب المعرض بس بدل فاقد ( اللغز الثانى)

_________________________________________
كده البيعه سليمه 100% وتامر ملوش اى صله بالعربيه

_________________________________________

حلوا بقا اللغزين دول

هى مش لغز ولا حاجة دى طريقة سرقة قانونية استغل ان صاحب العربية ماعندوش فكرة عنها

اولا فين عقد البيع الابتدائى؟؟؟؟؟(ما ينفعش تبيع او تشترى عربية بالتوكيل بس لازم لازم عقد بيع ابتدائى مع التوكيل
كنت قريت حادثة شبة كدة واحد باع عربية مرسيدس بتوكيل وقبض تمنها وبعدين راح عنوان اللى اشتراها واخد العربية تانى
المشترى بلغ واتهم صاحبها بسرقتها ومشيت قضية واتحكم فيها ببراءة صاحب العربية (اللى هو باعها وسرقها تانى)لان التوكيل لا يثبت البيع طالما مافيش عقد
التوكيلي يعنى انك وكلت واحد انة يبيع العربية

ثانيا : الورق الرسمى ما بيتقطعش لازم يتلغى رسمى برضة ولو ورق ابتدائى تكتب لاغى على ضهرة ويمضى الطرفين و تحتفظ بية

**nabaster** · 08-05-2011 06:39 PM

نوع العربيه وموديلها ايه؟؟

A.Yakout

-

-

الموضوع: قصه واقعيه عن سرقه سياره

LinkBack

أدوات الموضوع

عرض

-

-

-

-

-

المواضيع المتشابهه

سرقه سياره بطريقه النصب (تحذير)

سرقه سياره بطريقه النصب تحذير-قصة واقعية

رحلتى من الشك إلى الإيمان.......قصة واقعيه منقوله

صور كارينز 2013 واقعيه

الزريبه((قصه واقعيه))

الكلمات الدلالية لهذا الموضوع

المفضلات

المفضلات

ضوابط المشاركة