قصه واقعيه عن سرقه سياره

**أبو إياد** · 18-04-2011 05:29 PM

السلام عليكم ورحمة الله وبركاته
اولا كل عام وكل اعضاء نايل موتورز بخير
ثانيا وحشتونى بجد واتمنى من الله للجميع ان يكونوا بخير

ندخل فى الموضوع

ابطال القصه
اسماء وهميه طبعا

تامر (صاحب السياره)
سامح (المشترى)
احمد(صاحب معرض سيارات)
مجدى (صديق مشترى السياره)
افراد اداره مكافحه سرقه السيارات

القصه باختصار

تامر عنده سياره وعارضها للبيع عن طريق اعلان فاتصل بيه سامح وقابله واتفرج على العربيه واتفقوا على كل حاجه وبعد كده اتقابلوا فى الشهر العقارى وتم عمل توكيل بيع وشراء من تامر الى سامح واستلم سامح عربيته وتوكيله ورخصه العربيه واستلم تامر فلوسه كامله
وفى تانى يوم اتصل سامح بتامر وطلب يقابله بخصوص مشكله فى العربيه
تامر استغرب وقلق واتفقوا على المقابله
سامح كان باين على وشه انه متضايق لكن مكانش متضايق من العربيه انما كان متضايق بسبب ظروف حصلت وكان الحل الوحيد لمشكلته انه يرجع العربيه لتامر وياخد فلوسه فلما حكى ظروفه تامر بقلبه الطيب وافق واتفق معاه على انه يرجع المبلغ ليه وياخد عربيته تانى
وفى المقابله التانيه دى فعلا التزم تامر باتفاقه وجاب المبلغ كامل بالظبط زى ما عمل سامح وجاب العربيه والرخصه والتوكيل وبعد ما اطلع تامر على التوكيل سامح طلب منه انه يقطعه ويتخلص منه وبكده يكون كل شىء رجع لاصله

___________________________________________

بعد مرور كام يوم على الموضوع ده تامر نزل اكتشف ان عربيته اتسرقت !!!!!!!!!!!!!!!

فعلا سامح كان عمل نسخه من المفتاح وسرق العربيه وكان مجهز نفسه انه يبيع العربيه وبالفعل باع العربيه لاحمد صاحب معرض بيع وشراء بموجب توكيل رسمى من تامر الى سامح

(دايما اصحاب المعارض اللى بيشتروا عربيات بيدفعوا مبلغ ويستلموا العربيه ويبقوا المبلغ المتبقى مع عمل التوكيل وده ليه هدف انه يبيع من صاحب العربيه للمشترى مباشرتا ) وده اللى تم

احمد صاحب المعرض اتفق معاه على مده 5 ايام على اساس انه يتصل بسامح ويبلغه بالاسم اللى هايتعمل ليه التوكيل ويخلص باقى المبلغ

________________________________________

احمد على علاقه بمكتب مكافحه سرقه السيارات واتصل بيهم واستعلم عن بيانات السياره
المباحث افاده بعدم اى بلاغ عن السياره

________________________________________

بعد مرور يومان اتصلت المباحث باحمد صاحب المعرض وقالوا ان العربيه دى لسه متبلغ بسرقتها
فاتقابلت المباحث مع تامر صاحب البلاغ وصاحب السياره الاصلى مع احمد صاحب المعرض واكتشفوا ان البيع تم بتوكيل رسمى من تامر الى سامح

هنا اكتشف تامر انه اكيد التوكيل اللى اتقطع مكانش التوكيل اللى عمله رغم ان اسمه واسم سامح كانوا فى التوكيل والتوكيل كان مختوم ( وده اول لغز )

الرخصه موجوده مع احمد صاحب المعرض بس بدل فاقد ( اللغز الثانى)

_________________________________________
كده البيعه سليمه 100% وتامر ملوش اى صله بالعربيه

_________________________________________

حلوا بقا اللغزين دول

**A7MED_PHARMA** · 18-04-2011 05:40 PM

أبو إياد
التوكيل مش بيتقطع وبس...لازم كمان يروح يلغيه من الشهر العقاري
ودي غلطة (تامر) إنه ماراحش لغى التوكيل في الشهر العقاري
بسسسسسسسسسسسسس

بس إيه دور مجدي في الموضوع..هو إلي كان بيلمع العربية؟؟؟؟

**A7MED_PHARMA** · 18-04-2011 05:44 PM

التوكيل إتقطع فعلا...
وسامح راح طلع عليه بدل فاقد من الشهر العقاري...وراح إستخرج بيه بدل فاقد للرخصة
بسسسسسسسسسسسسسسسسس

**A7MED_PHARMA** · 18-04-2011 06:28 PM

المشاركة الأصلية كتبت بواسطة ahmed_mido1889

+1111

اؤيد كلام فارما

يعني انا والدي لما عملي توكيل بالعربيه

حطوه علي الميكرو فيلم اللي عندهم

لكن حكايه التوكيل ممضي عليه ازاي لو اصل

لكن لو صوره هتبقي الامضاء باينه في الصوره انها كانت ممضيه قبل التصوير مش بعده

والرخصه البدل فاقد بالتوكيل اكييد

بس انا لما روحت ارخص بالتوكيل من ابويا

طلبو مني اصل التوكيل للاطلاع عليه ومطابقته بالصوره اللي انا حاططها في الملف

وصوره بطاقتي

منا قولت إن التوكيل الأصلي إتقطع عادي
وهو راح طلع عليه برقمه...من الشهر العقاري إلي كان معمول فيه التوكيل
وبالتوكيل الي طلع من الشهر العقاري..راح طلع بيه بدل فاقد للرخصة

يبقا هو كده معاه توكيل من صاحبها الأصلي...ومعاه الرخصة البدل فاقد..ومعاه العربية

**M.Mostafa80** · 18-04-2011 07:31 PM

المهم ازيك يابو اياد ايه ياعم دا انت غلبت القمر تطلع كل كام شهر مره

**nabaster** · 18-04-2011 08:21 PM

ازيك يا مجدي :)

واحشني والله وان شاء الله العربيه تكون رجعت بالسلامه

A.Yakout

-

-

-

-

الموضوع: قصه واقعيه عن سرقه سياره

LinkBack

أدوات الموضوع

عرض

-

-

-

-

-

المواضيع المتشابهه

سرقه سياره بطريقه النصب (تحذير)

سرقه سياره بطريقه النصب تحذير-قصة واقعية

رحلتى من الشك إلى الإيمان.......قصة واقعيه منقوله

صور كارينز 2013 واقعيه

الزريبه((قصه واقعيه))

الكلمات الدلالية لهذا الموضوع

المفضلات

المفضلات

ضوابط المشاركة