الموضوع: الحقونى انا اتسرقت !!!! ايه تعليقك؟؟؟

الحمد لله امبارح كنت برخص لوجان الزيرو وروحت ركنت تحت العماره وطلعت شقتى ونزلت بعد المغرب علشان النمر كانت عند الخطاط وفجاه ابص !!! مفيش علامات !!! الوره والى قدم !! ازى ؟؟ منين ؟؟منعرقش يا استاذ والله !! وحياه ولادى !!! مطولش عليكم وربنا مايورهلكم العلامات رحت قدام وورا والعربيه كانت مركبتش نمر قعت اشتم واعمل وازعق لغيت اما حسيت انى قرد وناس ببتتفرج عليه لكن اعمل ايه قلبي محروق (( حسبي الله ونعم الوكيل )) خت العربيه ومشيت شويه وكان ورى كام مشور وهروح عند الخطاط عشان اجيب النمر قلت اقول للناس يمكن حد يلقلى حل او يعرف يجبهم وعلى اقل تقدير هيخفف عنى فلقيت الردود دى:: 1- قول الحمد لله انهم مخدوش العربيه بحاله وكانو سبولك العلامات هههههههه(( ارد عليه اقول ايه ؟؟ الحمد لله )) 2-انت احسن من غيرك ده الخدهم المفروض تشكره !!((ليه يعم )) ؟؟ علشان مشلهش بمفك وجرحلك البوهيه يارجل حرام عليك ده انت المفروض تكون مبسوط !!!! (( ارد اقول ايه ؟؟؟ الحمد لله )) 3- هو انت لما اشتريت العربيه سبتها بعلامته ؟؟ ((ايوة ياباشا )) يارجل حرام عليك هو فى حد دلوقتى بيسيب علامه عربيته عليه انت بتتكلم ازى !!!!! على الاقل هتلك علمتين صينى وشيل الاصلى عنهم معك فى البيت !!!! (( كا لعاده الحمد لله)) 4-( الرجل ده بتاع محل قطع غيار كنت بجيب من عنده قعده لنمره مكلمش خالص ولا ردعلى بس شورلى باديه على اعلن متعلق على الباب بتاعه ) الاعلان بيقول !! فقدت سياره تويوتا موديل 92 الون احمر نمر ......!!!1( كالعاده الحمد لله )) 5- هو انت مضيق لىه هما كده كده ريحين انت زعلان انهم مقعدوش معك شويه دى كنت مسئلت وقت بس !!!!!!!! ( الحمد لله)) ياجماعه مهم اقلك احساسي بضيق وان وحد ضحك عليك مش هقدر اوصفلكم بس شفته ردود الناس ةارجع واقول اخيرا الحمد لله وحسبي الله ونعم الوكيل واختصمته عند ربنا يوم القيمه

عوضك على الله .. ومتزعلش نفسك
بس نفسى أعرف اللى واقف يحفر فى العربية علشان يخلع العلامة دى مفيش حد يقوله بتعمل أيه .. أو عيب كده .. فين شهامتنا يامصريين .
بعدين لما يجى يبعها ومعروف أنها مسروقه هيبعها بكام ولا الموضوع مجرد يعكنن علينا وخلاص
لازم يكون لنا وقفه
ولما نروح محل نلاقى فيه علامات أو أريال أو كاسيت أو أى حاجة تانيه مسروقه (بيبان عليها) . منفرحش برخص الثمن لازم ناخد إجراء ..
مش عارف أيه هو ؟
لأنك لورحت القسم علشان تعمل محضر تقول المحل ده ببيع حاجات مسروقه الكل هيفطس من الضحك عليك ويقولك علامة أيه اللى جاى تبلغ عليها سيب الناس تسترزق
ومش عارف موقف جهاز حماية المستهلك أيه
بس لو سدينا منافذ بيع المسروق أكيد اللى بيخدها مش هيلاقى فايده من أنه يعمل كده
ياريت كل واحد يقول رأيه .. مش مجرد نصبر بعض كل ماحاجه تتسرق مننا وخلاص