والله العظيم جدع
عرض للطباعة
والله العظيم جدع
و عليكم السلام و رحمة الله
بغض النظر عن الموقف الذي لا يستطيع أحد أن يغض نظره عنه
يا دوكتور أنت محتاج تبعد عن الصيدليه شويه و لو يوم واحد في مكان تريح فيه
بص يا دكتور الفكرة بتاعت انك تحط الي اخد الشكوك في لستا علي باب الصيدليه فكرة ممتازة وبعدين عوضك علي الله في ال 90 جند بس هتخلي اي حد يجي الصيدليه يتعامل يتعامل بادب واحترام وميخليش عليه تعريفه والانسان مش بيتعلم ببلاش
فكرتنى بفيلم عاوز حقى لما صاحب القهوه كتب الحساب بتاع هانى رمزى على السبوره
تاتا تاتا وطازه بطازه ههههههههههههههههههههههههه هه
أنا ضغطي علي .. وشعر راسي وقف لما سمعت كلمت(عادي..أنا بزكي عن بنتي)
تيتتتتت
ماوصفلكش الاحساس
بس تغور هيا والــ90 جنيه
كفايا فضيحتها لأجيال قادمة..وإنها أول واحدة دخلت التاريخ في البلد هنا..إنها إتكتبت إسمها بخط نسخ راقي على باب صيدلية...إنها عليها شكك من 3 سنين
ايه يا دكتور حرقه الدم بنت ال تيييييييييييييييييييييييي ت دى!!!
شكك من الصيدليه؟!!!!!!!!!!!!!!!!!
بس فكره اليافطه دى حلوه قوى..
أزيدك من الشعر بيت بقى....
إكتبها على الكمبيوتر ...وخللى العنوان عذرا لعدم التعامل غير نقدى......
وأشخاص ممنوعون من التعامل مع الصيدليه لحين سداد المبالغ المدينه...
1...فلانه الفلانيه ..... مبلغ كذا.......... تاريخ الدين كذا..
2 فلان....وهكذا
كده حتى اللى عليه فلوس هيفكر مرتين واللى اسمه مش مكتوب وعليه فلوس هيشيلهالك جميله ومفيش مانع من كلمتين حلوين..حضرتك مش زى الناس الزباله دى..
حضرتك مش هتقبل على نفسك حاجه حرام...
وهكذا وتبقى ضربت عصفورين بحجر....
يا لهوي عليها 200 جنيه بقالها سنتين و مش راضيه تدفع كمان ؟ بتنام ازاي دي ؟ و الله العظيم انا عليا جوز جنيهات لصيدليه الكلام ده في سنه 2009 و من ساعتها بدور علي الصيدليه مش لاقيها ؟ اه و الله فعلا ناسي مكانها فين بالظبط و سألت طوب الارض مش عارف و ضميري بيأنبني من ساعتها
فعلا كل فترة الواحد محتاج يبعد شوية عن البشر
وموضوع مقابلة الخير بالجحود دا بيحصل للأسف
مرة جاتلى سيدة من مدينة بعيدة جدا تشكو من قلة السمع وكان لابد من عمل مقاس سمع لها تمهيدا لعمل سماعة
المهم قمت بعمله لها بتكلفة أقل من تكلفة المستشفى الجامعى القليلة أصلا رغم صعوبة التعامل معها لضعف سمعها الشديد وحاولت إجادة المقاس قدر الإمكان وأعطيته لها وغابت عدة أسابيع لتعود مرة أخرى وتطالبنى برد تكلفة مقاس السمع... ليه؟ لأن فى تأمين بلدها قالولها لازم يتعمل عندهم!
طبعا رفضت ... المصيبة إن الست اتحولت لشلقاية مرعبة (وهى أضخم منى بكثير) وأخذت تعلوا بصوتها الحيانى على أسوأ أنواع الفضايح والقباحة....
طردتها طبعا!
نزلت تبرطم بصوت فظيع أثار انتباه كل الشارع ... فضيحة رسمى
لكن الغريب أنهم اعتقدوا أنها فى معركة مع الصيدلية اللى تحتى مش معى !!
وآدى جزاة اللى يعمل الخير من بعض الناس (طبعا الجزاء عند ربنا هو المهم)