فـامــييه ســليم لعـبور سـليم

**sedyrohy** · 19-04-2011 09:59 AM

لون العربيه ايه اهم حاجه

**mohamedbook** · 19-04-2011 10:10 AM

http://www.nilemotors.net/Nile/103239-a.html
اللينك ده اعتقد ان فية الي انت عايزة ياحمد

**Bishoy.Girgis** · 19-04-2011 02:04 PM

المشاركة الأصلية كتبت بواسطة moe86

على فكرة الرؤية من الفامية اللايت بلاك أو بلاك أحسن من الستاير الكبس دى سواء بليل أو بالنهار
بس نعمل اية بقى فى القانون الغبى
لازم قانون المرور يتعدل يا جماعة, دة احنا هنعمل دستور جديد !

انا عامل ستائر كبس في زجاج الاجناب الخلفي و المثلثات فقط لكن في الزجاج الخلفي عامل الستارة اللي بتنزل و تطلع و الرؤية رائعة

**Ahmed.TV** · 19-04-2011 02:50 PM

انا قريت اللينك اللى بعته محمد فوزى
الناس بتتكلم ان حتى لو ركبت الفاميه الخفيف العسلى ممكن تعدى فعلا من المرور ولا حد ياخد باله

بس المشكلة لما تيجى تعمل فحص حيخدوا بالهم منه ولازم يتشال

فاسلم حاجة بقا مفيش غير انى افيم الشرعات اللى فى الزجاج الخلفى , وممكن احط عليهم استيكر نايل موترز الجديد حيكون شكلها تحفة

والشرعات الامامية اللى فى الامام اللى فى القايم , مش حفيمها كلها ححدها بس بالاسود واسيب الجزء اللى فى النص فاضى عشان الشرعات دى مصلحة وحلوة فى الرؤية فى الاجناب

**mido777** · 19-04-2011 03:31 PM

احمد باشا ... ازيك ... معلش معرفتش اقعد معاك يوم المقابلة .... بس ان شاء الله حظبط حاجة كده فى الكنج انا وشنورى وأقولك وأكيد جتيجى ان شاء الله علشان نعرف نشبع منك :)

بالنسبة للفاميه انار مركب درجة ( 0 . 0 ) من 3 سنوات ومفيش اى مشكلة فى اى لجنة مرور معايا سواء قبل الثورة او بعدها
ده بالعكس قبل الثورة كنت مركب ستائر كبس فى الخلف وكان فيه لجنة مرور وقفتنى وخلانى اشيلها واقطعها بنفسى وكان عايز ياخدهم

وسألته على الفاميه اللى مركبه قالى مفيش مشكله طالما الرؤية واضحة جوه ومن بره الصبح او باليل ....
فغالبا انا حركب الدرجة (0.1)

**BassamHafez** · 19-04-2011 03:57 PM

المشاركة الأصلية كتبت بواسطة walidadel

قشطه ياعم احمد انت تأمر بس
الفيميه درجات في فيميه زيرو زيرو (0 0 ) و دا خفيف خالص و في زيرو واحد و في السوبر دارك بقي
اللي انت عايزه موجود يعني
موجودين في مكتبة ابراهيم في شارع دمشق جنبي ظبط انت بس و مالكش دعوه بالموضوع ده
و لو عايز فيميه حراري موجود بردوا كله موجود لاتقلق
و ممكن نغمق الفوانيس الخلفيه شويه بالفيميه الاسترتش و هانعمل كمان الحركه اللي انت سألت عليها في عربية واحد صحبك انتيخك هو في المقابله بتاعة الربوه اللي كان واقف جبنك ساعة التصوير فاكره ولا ايه علشان مايبقاش حد احسن من حد ياعم الحاج

عارفها انا العربيه دي

بص يا ابو حميد انا عن نفسي مفيم العربيه كلها 0 0 وخلي بالك الدرجه دي بتدي غمقان اعلى حاجه بسيطه عندنا عن اي عربيه تانيه لان الازاز عندنا اصلا uv يعني بيغمق سنه بسيطه في الشمس

ومركب فوقيهم الستاير اللي انت شفتها عندي في الاجناب وورا وعامله شغل حلو وممكن تنزلهم لو داخل على لجنه

بس انا اعتقد ان الفيميه اصلا كان بيتكتب في المخالفه حاجب رؤيه فا مش عارف لو انت ركبت درجه فاتحه ها تعدي ولا لا

دي محتاجه نعرف نظام اللجان المروريه الجديده ايه

بس كان في موضوع هنا واحد بيقول انه كان مفيم درجه مش غامقه قوي ودخل على لجنه وعدوه وكانوا موقفين عربيات كتير مفيمه غامق

الله اعلم بقى دى ها يمشي في كل اللجان ولا على حسب مزاج ابو دبورة اللي واقف لان لحد دلوقتي ما فيش اي حاجه تحدد رسميا ايه الدرجه المسموحه

**WalidAdel** · 19-04-2011 11:01 PM

المشاركة الأصلية كتبت بواسطة bassamhafez

عارفها انا العربيه دي

لا ماشاء الله فهمتها و هيا طايره ياهندسه

المشاركة الأصلية كتبت بواسطة bassamhafez

دي محتاجه نعرف نظام اللجان المروريه الجديده ايه

بالنسبه بقي للجان انهارده الصبح كده ماشي في الف مسكن و خلصت الميدان لاقيت لجنه ظريفه لطيفه كده و ماسكه سواقين الميكروباص مظبطتنهم و اتنين مفيمين سوبر دارك طبعا واقفين وواحد زي بيشوي كده مركب ستاير كبس ده كان متظبط بردوا و كان نازل يشلهم باين عليه لانه كان بيفتح الباب اللي ورا فشكله هايشلهم و ايه الظابط واقفله تقولش مسك تاجر مخدرات يعني

انا مكنتش لابس حزام اصلا بس قالي عدي عدي واضح انهم بيبصوا علي البلاوي اللي الشعب عاملها و بيسيب الحاجات الصغير (حزام , استيكر) كده يعني