مناقشه مهمه لكل الاعضاء ف القسم

**yascro** · 19-04-2011 01:01 AM

كنت عايز اعمل موضوع نتناقش فيه كلنا (ضرورى تكون المشاركه ايجابيه) ونشارك كلنا ف المناقشه
والموضوع عباره عن سوال

1 -بتلتزم بلبس السيفتى وانت سايق؟
2- ايه السبب لو الاجابه (لا)؟

**naser_56** · 19-04-2011 01:35 AM

المشاركة الأصلية كتبت بواسطة yascro

كنت عايز اعمل موضوع نتناقش فيه كلنا (ضرورى تكون المشاركه ايجابيه) ونشارك كلنا ف المناقشه
والموضوع عباره عن سوال

1 -بتلتزم بلبس السيفتى وانت سايق؟

بلتزم بالخوزه ولكن عند خروجي علي الطريق اما داخل المدينه بقلعها واعلقها في المقعد الخلفي

2- ايه السبب لو الاجابه (لا)؟

الجاكيت مبحبش البسه علشان مقرف صيفا وشتاء مبطلعش بالموتسيكل كتير وكمان المشكله بحس الوانه فاقعه وعامل زي بتاع عساكر المرور وده غير كمان ثقافه المجتمع لو انته لابس كل ده هيقولك هو فاكر نفسه فين ؟؟؟ وشكرا علي الموضوع وناخد مكالمه تانيه 

**Ducati** · 19-04-2011 01:44 AM

موضوع لذيذ ياباشا ويشرفني اكون اول من يرد d:

بلتزم بيه فل سيفتي لو الواحد طالع استنت ورفع ههههههههه وحظي حلو الحادثتين الي عملتهم ولا ال 3 كنت لابس سيفتي

ههههههههه

ولما بكون طالع من غير هيلمت اتمشى مثلا وبراحة لازم يكون في كمين معمول ويركز على صوت البايك وهو جي ويوقفك طبعا مش عشان خايف عليك

لا عشان ياخد المخالفه هههههههههه بس مصر بلد ديموقراطي تكلم اي ظابط تعرفه متدفعش اي حاجه d:

طبعا برا مصر الخوذة شيء اسااااااااااااااسي الكل بيلبسها ده في ناس كانت بتجبها مخصوص في مصر عشان مياخدش مخالفه مش عشان نفسه

وطبعا سبب كرهي للخوذة بتسبب الصلع وكمان بتخرب تسريحة الشعر وبتشده جامد

والفيديو ده لما يطلبه المشاهدون تعديل خطير بس مكان الاكسوست بيفكرني كانه واحد ........* ........ هههههههههههههه

http://www.youtube.com/watch?v=Bn62m...eature=related

**karembob** · 19-04-2011 01:56 AM

السفتي يعني امان حتي لو وحش والناس هتتريق علي مالكش دعوة بي الناس المهم سلمتك انتا اولا الخوزة في الصيف وحشة ماشي بس افرض جت الطوبة في المعطوبة زي نا بيقولوهههههههههههههههه انتا قالع الخوزة ولا مافيش سفتي خالص ربنا يستر والله
انا اول مره اقع فيها كنت لابس الخوزة بس وصدقوني حمتني كتير عشان كمان وقعت علي ضهري لوراء وقدرة فعلن اي معني السفتي شكر

**eletr** · 19-04-2011 02:07 AM

لما اجيب بايك ان شاء الله ماعتقدش اني هلبس خوذة علشان هشيلها فين ؟ هفضل ماسكها في اي حتة اروخها

**Ducati** · 19-04-2011 02:45 AM

المشاركة الأصلية كتبت بواسطة sherife

لما اجيب بايك ان شاء الله ماعتقدش اني هلبس خوذة علشان هشيلها فين ؟ هفضل ماسكها في اي حتة اروخها

لو قلتلك اني بسبها على البايك ومش بتتسرق مش حتصدق هههههههههه ربك موجود وطبعا لما بسبها بقول

يارب متسرقش d: وفعلا برجع الاقيها مكانها بس لو في الكاستم بحطها في الجمب بيبقى فيه لوك بتسبتها عليه

ولو الريس

على الكرسي الي ورا بفتحه واحط الحزام بتعها جوا واقفله

بس صحيح يا دياب عايزين نعرف موضوع السيفتي معاك شكلك كده على طول لابسه

احنا عايزين راي استاذ احمد كمال d: هو فين مش باييييييين

**Ducati** · 19-04-2011 02:47 AM

المشاركة الأصلية كتبت بواسطة karembob

السفتي يعني امان حتي لو وحش والناس هتتريق علي مالكش دعوة بي الناس المهم سلمتك انتا اولا الخوزة في الصيف وحشة ماشي بس افرض جت الطوبة في المعطوبة زي نا بيقولوهههههههههههههههه انتا قالع الخوزة ولا مافيش سفتي خالص ربنا يستر والله
انا اول مره اقع فيها كنت لابس الخوزة بس وصدقوني حمتني كتير عشان كمان وقعت علي ضهري لوراء وقدرة فعلن اي معني السفتي شكر

عندك حق بس الخوذه في الصيف تعبة جدااااااااااااااااااااااا ااااااااااااااااااا

بس تعرف لما الواحد بيلبس فل سيفتي بيبقى واثق من نفسه وبيشد ويطير ومش بيحس وبيبقى قلبه ميت

عكس لما اطلع من غيره بيبقى الواحد محترم في المشي بتاعه d:

**KHALED2010** · 19-04-2011 03:06 AM

تقريبا الجوانتى علشان سيفتى لليد واحيانا الخوزة لو ناوى اشد غير كده الخوزة مكانها على التانك دايما

**tamertamer** · 19-04-2011 03:33 AM

المشاركة الأصلية كتبت بواسطة yascro

كنت عايز اعمل موضوع نتناقش فيه كلنا (ضرورى تكون المشاركه ايجابيه) ونشارك كلنا ف المناقشه
والموضوع عباره عن سوال

1 -بتلتزم بلبس السيفتى وانت سايق؟
2- ايه السبب لو الاجابه (لا)؟

للاسف مبلبس اى حاجة خالص ابيض يا ورد

السبب لا اعلم يمكن عشان شحت الخوزة او يمكن عشان بحس بنفسى على الموتسكل من غير خوزة مش عارف بس انا مقتنع انى غلط 100 فى 100
ودعيلى يا ديبو اجيب الموتسكل الجديد واوعدك البس خوزة وجونتى ودة اخرى

**m3_dolphen** · 19-04-2011 03:40 AM

طبعا فى البداية احى دياب على الموضوع ..
ثانيا طبعا ملابس الأمان لا غنى عنها بل والأكتر من كده ,,, ربنا سبحانه وتعالى قال (( ولا تلقوا بأيديكم إلى التهلكة )) و (( ولا تقتلوا أنفسكم إنه كان بكم رحيما ))
ممكن ناس تستغرب ايه علاقة الآيات بالموضوع لكن صلة وثيقة جدا لأن معروف جدا مدى حماية ملابس الأمان بالنسبة لسائقى الدراجات النارية وأيضا من باب الأمر بالأخذ بالأسباب ( ومع كل ذلك لا يغنى حذر من قدر )

طيب انا بالنسبة ليا الخوذة لا تفارقنى مهما كان المشوار اللى هروحه يعنى مثلا انا ساكن فى الشرابية ويكون عندى شغل فى العتبة يعنى مسافة صغيرة وكمان زحمة ولكن الخوذة لا تفارقنى وذلك للآتى :

1- الحماية من الحوادث
2- الحماية من الأتربة
3- الحماية من شدة الهواء
4- نظافة الوجه (( وخصوصا انى ملتحى ))
5- حجب الروائح المؤذية
6- القيادة بالخوذة ممتعة جدا

- بعد كده القفازات مهمة جدا علشان الزحف وربنا يكفينا شره لكن ألبسها اكتر فى حالة الجو البارد جدا .

- باقى ملابس الأمان ربنا يسهل وأشتريها قريب

الموضوع: مناقشه مهمه لكل الاعضاء ف القسم

LinkBack

أدوات الموضوع

عرض

-

-

-

-

-

-

-

المواضيع المتشابهه

تعالوا ندعبس على شوية موضوعات مهمه فى القسم ;)

طلب لجميع الاعضاء من احمد منسق القسم بالدعاء

الموضوع الرسمى لقبول ترشيحات الاعضاء على منصب منسق القسم

الكلمات الدلالية لهذا الموضوع

المفضلات

المفضلات

ضوابط المشاركة