تعديل مهم للفلشيا انا شوفته وما صدقتش وحل رهيب للسحب ( فتيس 1600( على مكنه 1300

**mada3030** · 20-04-2011 09:43 AM

طبعا بعد مكالمه ابمارح فى التلفون هنشوف النهارده لما نتقابل وان شاء الله يطلع الموضوع كويس ونركبه بقا ونخلى سكودا احسن من اى عربيه

**EngAhmedSayed** · 20-04-2011 11:33 AM

المشاركة الأصلية كتبت بواسطة mada3030

طبعا بعد مكالمه ابمارح فى التلفون هنشوف النهارده لما نتقابل وان شاء الله يطلع الموضوع كويس ونركبه بقا ونخلى سكودا احسن من اى عربيه

ان شاء الله هنتقابل و نروح ياعم و نشوف الموضوع
ان شاء الله خير
ادعولنا يا شباب احنا طالعين فى مهمه سريه مفيش حد يعرفها فى المنتدى خليها فى سركم
ربك المستعان

**bisoolover** · 20-04-2011 05:19 PM

الى الامام الى الامام سكودا سكودا سكودا ههههههههههههههههههههههههه ه

**AhMeD MeTwAlY** · 21-04-2011 02:46 AM

يااااه انتو لسه عارفين دانا عامل الحوار ده من 3 سنين
كل سنه وانتو طيبين
وبعدين الحمد لله عربيتي عدلت فيها كمان تعديل والعربيه مش بتجري لا دي بتطير بمعني الكلمه
وتم التجربه من يومين كان واحد جي بسرعته (عربيه لانوس) انا شوفته في المريا دوست بنزين وانا كنت في النص الاخير في عربيته بعد الباب الخلفي المهم فضلت ازود بنزين لحد لما حصلته وطبعا انا كنت سامع صوت ماتور عربيه كان بيولع بس مش عدي بردو غير لما انا هديت لان كان في دوران ولو كملنا هو هيدخل في الصور الحمد لله

**bisoolover** · 21-04-2011 04:36 AM

سييبك من اللانوس كلفك كام ويتركب بكام؟؟؟

انا اللانووس بظبطها بالعرببة وهى كده بس فلتر الاسبوور عامل شغل بردو

**a_hmed** · 21-04-2011 04:52 AM

المشاركة الأصلية كتبت بواسطة xmanx51

يااااه انتو لسه عارفين دانا عامل الحوار ده من 3 سنين
كل سنه وانتو طيبين
وبعدين الحمد لله عربيتي عدلت فيها كمان تعديل والعربيه مش بتجري لا دي بتطير بمعني الكلمه

طيب يا ريت تحكلنا تجربتك بالتفصيل فى القصة ديه

**EngAhmedSayed** · 21-04-2011 09:21 AM

المشاركة الأصلية كتبت بواسطة xmanx51

يااااه انتو لسه عارفين دانا عامل الحوار ده من 3 سنين
كل سنه وانتو طيبين
وبعدين الحمد لله عربيتي عدلت فيها كمان تعديل والعربيه مش بتجري لا دي بتطير بمعني الكلمه
وتم التجربه من يومين كان واحد جي بسرعته (عربيه لانوس) انا شوفته في المريا دوست بنزين وانا كنت في النص الاخير في عربيته بعد الباب الخلفي المهم فضلت ازود بنزين لحد لما حصلته وطبعا انا كنت سامع صوت ماتور عربيه كان بيولع بس مش عدي بردو غير لما انا هديت لان كان في دوران ولو كملنا هو هيدخل في الصور الحمد لله

طيب عاوزين نعمل مقابله علشان انا بردك شكك فى الموضوع ده لانى لما سالت الميكانيكى قلى بقالى 3 شهور مركبه و طبعا ده مش مقياس للفعل بتاع الفتيس و تاثيره على الموتور انتا بقى حضرتك بتقول 3 سنين طيب كويس عاوزين نعرف على مدار 3 سنين الموتور كان ايه اخباره ممكن ترد عليا او تدينى رقم تلفونك علشان افصل بس فى الموضوع ده علشان لما نقول قرار نيبقى بنقوله صح علشان مفيشحد من الاخوه يضر لا قدر الله
انا موبيلى
0126880055
م / احمد سيد

**EngAhmedSayed** · 21-04-2011 11:50 PM

المشاركة الأصلية كتبت بواسطة xmanx51

عادي جداا بيركب بدون اي تعديل نهائي بس انصحك تغير الاسطوانه بالمره عشان تحس بيه صح وسلك السرعه طبعا بتحتفظ بالقديم لان سلك السرعه في 1600 مربع انت عندك مدور
طبعا الماتور عندي مفيش تاثير نهائي وده لان انا محافظ علي العربيه جدااا مش بتعامل معاها بخشونه باستمرار عن واحد ميكانيكي حبيبي بروح ليه لما بكون فاضي ينضف البيك بتاع الكربرتير يظبط الهوي ينزل يبص علي العربيه من تحت يربط العفشه حجات روتينيه
انا معمر العربيه من سنتين والماتور بدأ يخف اليومين دول يعني لما بجيب اخر البنزين بيطلع دخانه بيضه بسيطه جدااا محدش يلاحظها نهائي غير لما يكون قريب من الشكمان
بالنسبه للتكلفه
الحوار كله دخل في 1100 جنيه بالميكانيكي
بس في حاجه انا غيرت الفتيس عشاان هو اتخبط من تحت وبيجيب زيت وانا بركن في مدخل البيت ومعمول بلاط فالبلاط باظ من الزيت
لو انت بتغير وفتيسك سليم نصيحه بلاش لان اكيد زي ما شرح المهندس احمد سيد من شويه ان ده بياثر علي الماتور عندي ممكن مش يكون تاثير كبير لان في اغلب الاوقات العربيه مستريحه في البيت مش بتخرج ولو خرجت مفيش ضغط عليها يعني الرابع ممكن تاخده علي 60 او 40 مش مشكله لان انا مش محتاج الجري في شئ انما لما بيكون في حد شايف نفسه وده بيكون كل كام شهر مره
بس لو انت بتغير وعربيتك بتمشي كتير نصيحه بلاش لانه اكيد هيأثر علي الماتور
هبسطهلكم
لو واحد قدرته ياكل طبق كشري (واخدنا منه المعلقه هيحس ) وانت اجبرته ياكل الطبق التاني اكيد المعده هتتاثر فهمتني
وانا اسف مش هقدر اعمل ميتنج مع اي حد لان انا الفتره دي مشغول جدااا وحتي الكومنت ده مش كنت هكتبه لان فعلا عندي مشروع تخرج مطلع عيني وفرح كمان عقبالكم جميع
ده رقم موبيلي لو حد حب يستفسر عن شئ
احمد متولي 0120706082 لو حد اتصل والتليفون مغلق او مش رديت اكيد انا نايم لان ما بصدق اشوف السرير

و انا بشكرك يا صديقى على اهتمامك وردك عليا و الله يكون فى العون و الحمد لله انو تفسيرى طلع صح و لو حضرتك
بقى محتاج حاجه فى المشروع بتاعك اى مساعده انا فى الخدمه بس اتصل بيه فى اى وقت و انا فى الخدمه
لو مشروع ميكانيكى او هيدروليك يبقى انا طبعا لو الالكترونى انا ليا مهندس حبيبى مش هيتاخر على احمد لو للوح كهرباء باور ليا بردك صديقى العزيز و هو بيحب الحاجات دى
و ده قلى اقدر اساعدك فيه لو ده مشروعك لو احتاجة حاجه انا فى الخدمه
م / احمد سيد
0126880055

الموضوع: تعديل مهم للفلشيا انا شوفته وما صدقتش وحل رهيب للسحب ( فتيس 1600( على مكنه 1300

LinkBack

أدوات الموضوع

عرض

-

-

-

-

-

-

المواضيع المتشابهه

سؤال مهم فى تعديل مكنه بيجو 504 الى تركيب مكنه 505

تعديل رهيب نفسى اعمله فى مصر

تعديل بسيط شوفته للفرامل !!!

تعديل رهيب على عربية 126

بجد اغرب و احلى تعديل للفيات124 انا شوفته

الكلمات الدلالية لهذا الموضوع

المفضلات

المفضلات

ضوابط المشاركة