يا جماعه انا عاوز رايكم فى حاجه
انا شفت كذا واحد مركب الفتيس ال1600 على المكنه 1300 مش قادر اقولكم عامل ايه فى العربيه مخليها رهيبه يا جماعه
جرى فظيع سحب افظع
انا عاوز اخد رايكم
اعمل الموضوع دا ولا
يا جماعه انا عاوز رايكم فى حاجه
انا شفت كذا واحد مركب الفتيس ال1600 على المكنه 1300 مش قادر اقولكم عامل ايه فى العربيه مخليها رهيبه يا جماعه
جرى فظيع سحب افظع
انا عاوز اخد رايكم
اعمل الموضوع دا ولا
معقول لافتيس يبقى ليه تأثير جامد كده ده لو بجد يبقى هركب فتيس 1600
يا ريت شرح الفكره بالكامل
اه وسعره ايه وايه اللى بنحتااجه وشكرا و 1600 بتاع مكنة ايه؟؟؟
هو الراجل قالى سعر القتيس حوالى 800 جنيه
انا شوفت العربيه وسقتها اتهبلت
1 = سرعه 30
2=سرعه 50
3=80
4=130
الخمس معاك للاخر
بجد انا شوفت التجربه دى وشرحلى ان الفتيس ال1300 بيبقى مشوار الفتيس قليل
فى الغيار انما 1600 بيبقى مشوار الغيار كبير
قالى زى ما تكون عربيه 4 غيار وتركب لها فتيس 5 غيار
800 جنيييه ممممممممممم طب مكنة ايه طب؟؟
متابع معاكم باهتمام اوي
وعلى فكرة الموضوع كده مش مكلف على اعتبار ان الفتيس القديم لو حالته كوية هيتباع استعمال ويبقى قلل من السعر برضه وممكن نشوف حد يدخل الفتيس ده فى الفتيس التاني وياخد الفرق بس اظن انه هيبقى في حاجات كتير هتتغير مع الفتيس
لا ما اعتقدش
ان فى حاجات هتتغير فى الفتيس
بس المهم لو حد عاوز يعملها فى عربيته ممكن نتقابل ونروح للميكانيكى اللى عامل عربيته كده ونسوقها واعرف رايه برضه وياريت لو حد يستشير مهندس ويبقى معانا برضه
بس طبعا هنغير زيت فتيس
انا نفسى اعمل الحركه دى بس محتاج حد يشجعنى وانا شوفت حد كان على المنتدى عامل الموضوع دا بقاله سنه وكان بيشكر فيها بس مش فاكر اسم العضو ياريت ندور ونشوفه عمل ايه معاها
انتا حضرتك اسمك محمد صلاح انتا كليمتينى بخصوص الموضوع ده و كنت عاوزنى اروح معاك عند الميكانيكى و اوشوف القصه دى و اجرب معاك القصه دى بس للاسف الظروف مسمحيتش انى اروح معاك
صح و له انا بتكلم غلط
هى القصه ايه علشان الناس تعرف
الفليشيا كانت نزله بموتور1300 سى سى و ده الشائع وكانت نزله بنفس الموتور بس كان 1600 سى سى طبعا الموتور 1300 ليه فتيس و 1600 سى سى كانت نزله بفتيس تانى علشان النسبه و التانسب بتاعة عدد لفات الموتور مع الفتيس لكل موتور على حسب السى سى
موضوع انو اركب فتيس 1600 على موتور 1300 سى سى يركب لانى الموتور هوهو طبق الاصل هوالفرق بس فى السى سى بتاعه
و فعلا يركب الفتيس من غير متغير حاجه بس هنا فى نقطه انا خايف منها انو يرجع على الموتور بالاجهاد و يكون عليه حمل
انو الموتور و ظيفته انو بيعطى حركه دوارنيه بدون حمل ايوا بدون حمل بدليل ادى غيار وارفع رجلك من على الدبرياج من غير ما تدوس بنزين الموتور هيبطلمنك ليه علشان حملة عليه بحمل العربيه فا هيبطل طيب ايه قلى بيحول الحركه الدوارنيه الى حركه دورانيه بحمل هو الفتيس كده انتا معايا طيب هو مصمم انو ياخد الحركه الدوارنيه من غير ما يرجع على الموتور بحمل انا مش عارف اوصلها بابسط من كده
انا هديلك مثال مش عارف هعرف اوصف بيه و له لا
يعنى طفل صغير برجل طويله اكبر من الطول العادى
هو فعلا هتكون خطواته اكبرمن الرجل الطبعيه بس هنا هيعمل مجهود كبير علشان ينقل رجل و رجل طبعا هترجع عليه بالاجهاد
اما الرجل الطبيعيه مش هترجع عليه بالاجهاد لانها مناسبه للجسمه و قوته
مش عارف كده قدرة اوصل المعلومه و له معرفتيش هيبان من ردود الاخوه معانا
و التجربه خير الدليل