سؤال فى دهان الاكصدام

**dagadeeg** · 19-04-2011 12:23 PM

السلام عليكم
انا معايا نيو اكسنت 2006
والحقيقة انى جبتها used من حوالى شهر، والحمد لله مشية حلو اوى
بس الأكصدام تقريبا مش مدهون صح، لونه بيتقشر من عليه
فى حد يعرف اذا دهنت الاكصدامين بس هيكلفوا كام؟؟؟؟؟؟؟؟؟؟؟
اصل انا سمعت شويه اسعار غريبة جدا لما رحت اسأل فى الحى السابع مدينة نصر

مستنية ردكم
وشكرا

**dagadeeg** · 19-04-2011 10:38 PM

اييييه يا جماعة
مفيش اى اجابة
مفيش امل يعنى

**Ayman-Ahmed** · 19-04-2011 10:49 PM

وعليكم السلام ورحمة الله وبركاته.

ممكن اعرف هل البوية بتقشر لوحدها وتقع ولا لما مثلا بتريحى على عربية البوية بتطق؟

منصحكيش تدهنى الاكصدامين بس لان اكيد لون العربية كلها افتح شوية من الشمس والجو ووووو الخ.فلو دهنت الاكصدامين واترشوا ميتاليك هيبقوا بيلمعوا اوى عن باقى العربية.فاستنى لما تقربى تجددى او تامنى وابقى اعمليها كلها.

انا كنت رشيت الاكصدام الامامى وعملت فيه خبطة واتكلف حوالى 250 جنيه.

والحى السابع اللى سمعته عنه من اعضاء هنا ومن ناس فى مدينة نصر انهم مش تمام اوى فى شغلهم.

**A.Saad** · 19-04-2011 11:11 PM

مبروك العربية
الاكصدام حوالى 150 جنيه

**dagadeeg** · 20-04-2011 01:00 AM

المشاركة الأصلية كتبت بواسطة emo_ayman

وعليكم السلام ورحمة الله وبركاته.

ممكن اعرف هل البوية بتقشر لوحدها وتقع ولا لما مثلا بتريحى على عربية البوية بتطق؟.

وعليكم السلام ورحمة الله وبركاته
لأ البوية بتقشر لوحدها، والحكاية زادت لما غسلتها فى بنزينة، ضغط المية الشديد زود تقشيرها وقرب الأكصدام يبقى اسود خالص( على فكرة العربية لونها سماوى)

المشاركة الأصلية كتبت بواسطة emo_ayman

منصحكيش تدهنى الاكصدامين بس لان اكيد لون العربية كلها افتح شوية من الشمس والجو ووووو الخ.فلو دهنت الاكصدامين واترشوا ميتاليك هيبقوا بيلمعوا اوى عن باقى العربية.فاستنى لما تقربى تجددى او تامنى وابقى اعمليها كلها.

شكرا على المعلومة دى،، بصراحة مجتش فى دماغى بس انا فاكرة ان صاحب العربية اللى اشتريتها منه قال انه رشها كلها قريب،، بيقى متهيألى اللون لسة متأسرش بالعوامل الجوية ،،، ولا ايييه

المشاركة الأصلية كتبت بواسطة emo_ayman

انا كنت رشيت الاكصدام الامامى وعملت فيه خبطة واتكلف حوالى 250 جنيه.

والحى السابع اللى سمعته عنه من اعضاء هنا ومن ناس فى مدينة نصر انهم مش تمام اوى فى شغلهم.

انا بردة مش مرتاحة لهم بس معرفش مكان تانى

**dagadeeg** · 20-04-2011 01:03 AM

المشاركة الأصلية كتبت بواسطة a.saad

مبروك العربية
الاكصدام حوالى 150 جنيه

الله يبارك فيك،، وشكرا على الرد

**dagadeeg** · 20-04-2011 01:15 AM

المشاركة الأصلية كتبت بواسطة scorpionmr

ياباشا الاكصدميين بيقشرو علشان اللى راششهم محطش مادة عازلة على الفيبر علشان يوفر يعنى على العموم الاتنيين يترشوا رشة نضيفة ب 300 وانت وشطارتك فى الفصال

شكرا على الرد، هاخد بالى انه يحط المادة العازلة ان شاء الله
اما بالنسبة لشطارتى فى الفصال فهى صفر يعنى ربنا يستر والاقى حد يكون شاطر و امين

**Ayman-Ahmed** · 20-04-2011 01:33 AM

المشاركة الأصلية كتبت بواسطة scorpionmr

ياباشا الاكصدميين بيقشرو علشان اللى راششهم محطش مادة عازلة على الفيبر علشان يوفر يعنى على العموم الاتنيين يترشوا رشة نضيفة ب 300 وانت وشطارتك فى الفصال

حضرتك تقصد المادة العازلة اللى هيا الفيلر ؟

المشاركة الأصلية كتبت بواسطة dagadeeg

وعليكم السلام ورحمة الله وبركاته
لأ البوية بتقشر لوحدها، والحكاية زادت لما غسلتها فى بنزينة، ضغط المية الشديد زود تقشيرها وقرب الأكصدام يبقى اسود خالص( على فكرة العربية لونها سماوى)

للاسف واضح انها مرشوشة اي كلام.بتاع الدوكو هينزل كل البوية اللى عليها ويمعجن ويحط فيلر وبعد كدة يرش فى الفرن.

شكرا على المعلومة دى،، بصراحة مجتش فى دماغى بس انا فاكرة ان صاحب العربية اللى اشتريتها منه قال انه رشها كلها قريب،، بيقى متهيألى اللون لسة متأسرش بالعوامل الجوية ،،، ولا ايييه

هو انتى اللى هتحكمى عليه اكتر.يعنى اللون لسة كويس ولا فاتح وغامق او باهت فى اماكن معينة زى السقف والكبوت والشنطة.
انا بردة مش مرتاحة لهم بس معرفش مكان تانى

والله انا بتعامل مع سمكرى وبتوع دوكو معرفة فى الدراسة.ولو حضرتك حابة ممكن اوصفلك المحل واديلك رقم تيلفونه.

**FunnyMickey** · 20-04-2011 01:42 AM

انا عندي كده بردو وفعلا الاكصدام مش واخد طبقه عازله خبطه واحده جابتلي الاكصدام كله وقشر
سعر رش الاكصدامين 300 جنيه
وبلاش الحي السابع
انا كنت رحت الحرفيين لورشه كريم منير افضل
يوم جمعه كده والدنيا رايقه روحي علي هناك بعد الصلاه
انما بلاش الحي السابع
انا ساكن جمبهم ومبتعاملش معاهم

الموضوع: سؤال فى دهان الاكصدام

LinkBack

أدوات الموضوع

عرض

سؤال فى دهان الاكصدام - انشر الموضوع فى :

-

-

-

-

-

-

-

المواضيع المتشابهه

سؤال عن دهان التوكيل

سؤال مهم في كود دهان الفيرنا

سؤال بخصوص دهان السيارة

سؤال.. دهان العربية طلع

دهان الاكصدام الخلفي بالباركنج سنسور

الكلمات الدلالية لهذا الموضوع

المفضلات

المفضلات

ضوابط المشاركة