الموضوع: استفسار عن انواع اللمبات بس بسرعهه جدا يا جماعه

ايه يا جماعه هو محدش راضى يعبرنى ليه

بص يا سيدي أنا مركبتش قبل كدة زينون و بصراحة مش فاهم يعني شؤال حضرتك بس أنا هقول لك على اللي أنا عارفه ..
الزينون دة طبعاَ أحسن من الهالوجين اللي هو بينزل في كل العربيات بس اللي أحسن من الزينون ال LED و الزينون شدته و درجة لونه بتتقاس ب K كلفين يعني و دي درجة حرارة - تقريباَ اللمبة - و كل ما يعلى الرقم دة كل ما شدة الإضاء بتكون أحسن و بيزيد درجة الزرقان و أحسن الأنواع هي الألماني و PHILIPS و الشركة دي مستحوذة على 40 % من مبيعات سوق إضاءة السيارات بس إبعد عنها علشان الشركة دي هولندي و ادخل على الألماني اللي في منه أنواع كويسة زي BOSCH - يا ريت أكون كتبتها صح - و HELLA و دي أنواع كويسة جداَ و نصيحة بلاش زينون في الفوج علشان لمبة الزينون بتيقى درجة حرارتها عالية جداَ فلا ينصح إنها تركب في فوانيس ضيقة و صغيرة زي الفوجات كدة بس لو عايز حاجة زيها في لمبات عادية بتدي نور أزرق شبيه بالزينون و حاجة تانية كمان إنك يستحسن تجيب أخرك 6000 K علشان رزالة المرور .
يا ريت إني أكون أفدتك على قد ما أقدر و لو في حاجة غلط يا ريت من الأخوة يصلحوها إن أمكن .
:):)

ادخل علي الرابط ده

http://www.hid-plus.com/BulbReferance.htm