الموضوع: قد رفعت لكي القبعه يا محبوبتي

السلام عليكم و رحمه الله و بركاته

الحقيقه الموضوع ده انا عملته تقديرا و احتراما لسيارتي سيراتو
و دا بعد ما شرفتني كتير وبعد ما وقعتها في امتحانات الحقيقه كانت تفوز بها بكل جدراه
هذه السياره التي كنت عدو لدود لها و كانت تعتبر اكثر سياره اكرهها في حياتي اوقعتي في حبها عكس ما كنت اتوقع ابدا
و هذا بعد ما اجبرتني علي احترامها بفوزها بكتساح كسياره كامله امام سيارات كتير(بالفعل اكتساح تام)
و في مره مره توغل حبها لاعماق قلبي حتي الاستقرار و كان يوم لا ينسي كانت المشايه حلبه سباق كبيره يوم لا يتكرر الا قليل اكثر من 7 سيارات محترفين بيشدو لمده اكثر من ساعتين كان في واحد منهم في دماغي لان كان في ناس كتير بتعتبره مستر المنصوره و مكنتش بحاول اشد معاه ايام البومه لاني عارف ان عربيتي هتكسفني جدا معاه و هو معاه ميراج انا اعد اتابع لعبهم اول ساعه غرز من عربيات ركنه و تجميع علي و غرز تدخل ناس و ناس تنيا تزحف كانت حرب بمعني الكلمه سبت الشباب و هما حطين ادهم علي قلبهم و خد صديقي الانتيخ قلت له يطلع هو الاول و وقفت انا في فتحه السقف لمده دورتين متابع الطريق ورا او ادام و بشوف كل واحد منهم بيلعب علي ايه و لحظت ان اغلبهم بيلعبو علي انهم يبقو خطاف و دا انا مش بحبه ابدا و هو طبعا بيخاف علي العربيه لانها مش بتعته مهما كان فكان بياخد غرز فنان منها غرز كانت بتداخد منهم و قلت له سلملي بقا
كان الموضوع بالنسبه لي مش مجرد شده لاني عارف انها هتفضل في دماغي لان لما السواقين يكونو شبه متوافقين الكلام هيبقا للعربيات فرملي موتوري ثباتي كنترولي و دا كان الاختبار الصعب و كنت حاطط ايدي علي قلبي و مرعوب من ان العربيه مش تفوز في الامتحان ده
بدايه الشد هما كنو مكملين و انا علي ما بدلت و طلعت استيب و كان علي الساحه ادامي الاوبترا و اليمراج الميراج بتعدي الاوبترا و انا بقرب من اليمراج عشان اعدي قلت صباحو عسل و تفائلت جدا
طبعا مسافه الفرمله لا تدعدي 5 امتار و هنا بردو كله رجع ورا لاني فرملت متأخر و هديت ابلهم احميها يا رب
جينا للثبات نزلنا نزله البارون و المفروض ندخل شمال و انا كبست ابل الملف و دا كله استيب و انا بسمع الجنط بيدمر في الارض من الكبس في الملف بس معرضتشي ولا اي حاجه مع انها زاويه 90
و كان الطريق زحمه اوي في منطقه نزلت في منطقه باركنج و كانت كلها رمل و طلعت بكسره جامده عشان الحق اخطفها بين تكسي راكن و عربيه مشيه و كنت منتظر الظهر يعلب عشان الرمل لكن ولا الهوا استغربت جدا و كملت(طبعا اليوم ده بعد ما خلصت و ركن و بعدين طلعت تاني و امسك فرامل العجل كان بيسرخ لانه اتبهدل من الضغط بس الحمد لله دلوقتي تمام
)و كملت الشد و كنت متصدر بكتساح تام و مفيش الا الاوبترا هي الي كنت بشفها بتطلع من الزحمه و مجرد اكبس بسافر تاني ختهم لفتين و كنت في قمه السعاده مش لاني مزحفهم ورايا لكني فعلا حاسس اني دفعت فلوس و خد بأكتر منها حاسس ان عربيتي شرفتني و ان المفروض عربيه بالسعر ده ادائها ميبقاش كدا حاسس اني راكب عربيه ثمنها لا يقل عن 300 الف حاسس اني راكب عربيه و مش خايف من اي حاجه
نزلت و طبعا كل الاصدقاء قابلوني بالتحيه و جامد من يوم و الكلام ده و كنت فعلا مبتسم و فرحان جدا و الكل كان حاسب اني فرحان عشان عتدهم لكني انا كنت فرحان عشان عربيتي شرفتني و كان يوم جعل هذه السياره تحكم سيطرتها علي قلبي و تخطفه و تخلطه بنفسها لكي تكون هي قلبي و جعلتني بكل ثقه


ارفع لها القبعه احتراما


و دا غير مواقف كتير فرامل و ثبات العربيه بتشرفني فيها و شكلها الجزاب رغم انتشارها و بالفعل انظر الي الكثير من السيارات علي انها اقل مني ولا اتطلع الي اقل من مرسيدس او بي ام دا لو فكرت اغير في يوم من الايام
ولكن العيب القاتل يا جماعه في العربيه دي الحقيقه عيب مميت و مش عارف الحل فيه ايه تعبت معاه جدا و مش هقدر اخبيه عليكم
انا جربت حلول كتير جدا و عملت المستحيل لكن سلمت امري لله في النهايه لان فعلا عملت المستحيل عشان اعلجه لكن مفيش اي استجابه و تيقنت انه هيفضل فيها علطول






القررين ارحمووووووووووووووووووونا العين يا جماعه انا مسلم بيها طول عمري لكن العربيه دي بتاخد عيون بطريقه مستفزه ولله بكون عاوز ابكي عليها اخر ما زهقت المصحف طلع علي الطبلو و طول ما انا لوحدي او مع اهلي قراءن(اصحاب السوء طبعا بيعملولي فرح لو شغلت قراءن مع انه بيريح القلب و بيخلي الواحد مبسوط)و بقيت بسيب العربيه اكثر من اسبوعين من غير حتي ما امسح من عليها التراب حتي لغايت ما يبقا الناس تتقرف من شكلها(الحقيقي بردو نفسي حد يكتبلي عليها ابوس ايدك اغسلها زي ما بيكتبو علي البي امات)
و ربنا يسترها معانا و علينا جميعا يا جماعه كله يقول امين
تقبلو تحياتي
وشكرا

بقى كل السباقات دى فى المشاية و كمان يوم الخميس و الدنيا زحمة و الناس أمم فى الشارع
كل اللى أقدر أقولهولك أتقى الله فى نفسك و فى أموالك و فى أرواح الناس و الأفعال دى و الأستهتار ده انت هتتحاسب عليه حساب عسير
و نسأل الله أن يهدى شباب المسلمين