الموضوع: كيف يتم تعلية الملكة

انا كنت دورت في الموضوع ده و لقيت اغلب اللي بيعلوا بيستخدموا عليات كاوتش -بيسموها حوايه- تحت المساعدين الخلفيين ودي طبعا بتأثر علي ثبات العربيه خصوصا في السرعات العاليه

و لقيت ان الحك في الشكمان من تحت وبسيط و كمان الشكمان تثبيه بكاوتشات فقلت ملوش لزمه التعليه و اللعب في اتزان العربيه

علايات خلفية و فاشلة و مالهاش لزمة و الحك تحت مش جامد اوى و طبعا العلايات بتاثر فى الثبات فيه حل تانى انت عندك نوعين من السوست 7 لفة و 6 لفة فى الكورولا من 93 ل 98 ممكن تغير كل السوست اللى عندك بال 7 لفة و العربية تعلا شوية بس وطيان العربية ديه ميزة فيها مش عيب

اكتر حاجة ممكن هاتضايق هو الخبط فى علبتين الشاسيه و دول اوطى حتة فى بطن العربية و ممكن يتتنوا و يتجرحوا و تتشال طبقة بوية حماية المصنع و قدام يبقا فيه بارومة بس الكلام ده لواحد مقضيها سباقات طول النهار و ما بتفرقش معاه المطبات و بياكل كل حاجة فى طريقه فمعتقضش سيادتك هاتعمل كده و طبعا و طيان العربية ميزة بيديها ثبات ممتاز كل ما العربية وطيت كل ما كانت اثبت على الطريق و ديه حاجة حلوة فى الملكة تصميمها مراعيين فيه النقطة ديه يعنى باحس ثباتها محترم على السرعات العالية العربية ديه ركبت منها موديلات محترمة و مشينا بيها ل 180 كيلو فى الساعة و لمدة طويلة و لا تحس فيها باى حاجة و لا تخاف حتى و طبعا عشان تتلاشى بقا التخبيط و الحك راعى زاوية دخولك على المطب و سرعتك و خده على اقل من مهلك و ان شاء الله مش هاتحس باى مشاكل

المشاركة الأصلية كتبت بواسطة ahmed galal

علايات خلفية و فاشلة و مالهاش لزمة و الحك تحت مش جامد اوى و طبعا العلايات بتاثر فى الثبات فيه حل تانى انت عندك نوعين من السوست 7 لفة و 6 لفة فى الكورولا من 93 ل 98 ممكن تغير كل السوست اللى عندك بال 7 لفة و العربية تعلا شوية بس وطيان العربية ديه ميزة فيها مش عيب

احمد باشا
كنت عايز اعرف السوست 7 لفه تقريبا بكام و موجوده جديده و لا استعمال بس
لاني باعاني دلوقتي من المطبات اللي الناس بتعملها بطريقه بشعه

المشاركة الأصلية كتبت بواسطة yaserbasha2000

احمد باشا
كنت عايز اعرف السوست 7 لفه تقريبا بكام و موجوده جديده و لا استعمال بس
لاني باعاني دلوقتي من المطبات اللي الناس بتعملها بطريقه بشعه

المساعد الاستيراد بالبطاحة بالسوستة بيعمل حوالى 400 جنيه يعنى السوستة لوحدها هاتكون بحوالى 200 جنيه مثلا اما لو جديدة بتعمل حوالى 1000 جنيه للوحدة كنت سالت عليها مرة بس استيراد احسن طبعا

بلاش تلعب في ارتفاع العربيه وتاقلم بيها علي كده