ايه أكتر موقف محرج حصلك فى حياتك ؟؟؟؟

**kono** · 19-04-2011 07:21 PM

أكيد كل واحد فينا بيتعرض لمواقف محرجة كتير
بس بيبقى فيها مواقف لما بتحصل بيبقى نفسنا الأرض تتشق وتبلعنا وقتها :)
ولما بنفتكرها بضحك عليها :))

ايه أكتر موقف محرج حصلك فى حياتك ؟؟؟؟

**ahmed_mido1889** · 19-04-2011 07:41 PM

لما كنت بصلح عربيه صاحبي في شارع شامبليون جنب محل الكيلاني

كنت عايز طنابير دوجان ايطالي الصنع

فا بسال واحد من المحل قالي معنديش ايطالي

فا بقوله ده محل تعبان

قالي ثواني كده جابلي الالماني

فقولت لصاحبي عايزين نبقي نديله حاجه ليه الراجل خدمنا في قطع الغيار

فبقوله انت اسمك ايه

قالي ابراهيم الكيلاني صاحب المحل

**ahmed4000** · 19-04-2011 08:26 PM

المشاركة الأصلية كتبت بواسطة ahmed_mido1889

لما كنت بصلح عربيه صاحبي في شارع شامبليون جنب محل الكيلاني

كنت عايز طنابير دوجان ايطالي الصنع

فا بسال واحد من المحل قالي معنديش ايطالي

فا بقوله ده محل تعبان

قالي ثواني كده جابلي الالماني

فقولت لصاحبي عايزين نبقي نديله حاجه ليه الراجل خدمنا في قطع الغيار

فبقوله انت اسمك ايه

قالي ابراهيم الكيلاني صاحب المحل

:b4_592:

من ايام كنت عند والدى وعايزين ننزل حاجة تقيلة للعربية فابويا لقيته نده واحد وقاله ينزلها
الراجل نزل الحاجة لغاية مدخل العمارة وابويا بيقولى هات العربية قدام الباب وانا اقوله لا خليه يوديها لغاية اخر الشارع مطرح مالعربية راكنة لان الشارع ضيق

والراجل جه معايا فعلا ووصل الحاجة وانا ماشى باشا

وفى الاخر بديله فلوس

بصلى حتة بصة وسابنى ومشى

فبقول لابويا بعد كده الراجل مرضيش ياخد فلوس

قال فلوس ايه!!!!!!! ده جارنا!!!!! وكان بيساعدنى

ا:b4_592::b4_592::b4_592:

**tito_1980** · 19-04-2011 08:58 PM

ياااااااااااااه كتير ... مره و انا في اعدادي كنت في الشاليه في الصيف و باخد شور بعد ميه البحر ( كان اخر مره اروح فيها البحر في حياتي ) فاتلاقيت صرصار من الحجم الفاخر و قاعد يلاعبلي شنباته فقمت مصوت و طلعت اخري من الحمام naked بس الحمد لله محدش شافني و انا في الوضع المخجل ده غير واحده قريبتي من بعيد و من ساعتها مبرفعش عيني في عينيها و لا حتي بتردلي السلام .

موقف تاني ... كنت مع واحد صاحبي بالعربيه بتاعته و كنا قاعدين في كافي شوب و بنشد حجرين لوز ( كانت اول و اخر مره اشد فيها ) و احنا مروحين بقه رايح علي العربيه اتلاقها مش رايضه تفتح في ايه يا جدعان ؟ اتلاقيت واحد جاي يشليني من قفايا و يقولي انت بتعمل ايه ؟ فاكتشفت بعد ما كنت هتروق ان العربيه مش بتاعت صاحبي و ده عربيه شبها و انا نسيت انا راكن فين تيييييييييت

موقف تالت ... واحد صاحبي جايلي البيت بالبي سي بتاعه عشان اسطبله ويندوز و كده فاتأخر فكلمته فقالي 10 دقايق و جاي فقولت اخش اخد شور عشان الدنيا كانت حر موله فبعد 10 بالملي اتلاقيت جرس الباب بيرن فقولت انه هو و رايح افتح و انا حاطط الفوطه حوالين رقبتي و لابس شورت و مش لابس حاجه من فوق ( صاحبي بقه ) اتلاقي واحده صاحبه اختي في وشي طبعا بصتلي بازبهلال ( شكلي تيت ) فقولتها ان اختي مش موجوده و كده و برضه من ساعتها معتدش بترد السلام عليا تييييييت

موقف كمان عشان خاطر الحبايب ... باختصار الاسانسير وقع بيا من الدور التاني و كان معايا واحده جارتنا و ليكوا تتخليوا ايه اللي حصل بقه

كفايه عليكوا كده

**TheUnknown** · 19-04-2011 11:45 PM

المشاركة الأصلية كتبت بواسطة eng_ahmed_90

موقف كمان عشان خاطر الحبايب ... باختصار الاسانسير وقع بيا من الدور التاني و كان معايا واحده جارتنا و ليكوا تتخليوا ايه اللي حصل بقه

كفايه عليكما كده

حصل بس مش بوقعة لكن الاسانسير وقف و النور تفى,و كان مع واحدة صاحبتى(هيا عندها فوبيا من الاسانسيرات و اعدت تقول نطلع على السلم rfg hlh kv;f)

مرة كنت فى النادى و واحدة لبسة نفس التى شيرت بتاعت صاحبى بالظبت(هوا كان بيجيب حاجة) فاومت حاتيت ايدى على كتفها و قولتلها"ايه يا عم كل ده واقف" بسيت لاقيت وش بنت,طبعا وشى قلب الوان و قولت sorry و مشيت صاروخ.

**zago** · 19-04-2011 11:54 PM

المشاركة الأصلية كتبت بواسطة TheUnkown

حصل بس مش بوقعة لكن الاسانسير وقف و النور تفى,و كان مع واحدة صاحبتى(هيا عندها فوبيا من الاسانسيرات و اعدت تقول نطلع على السلم rfg hlh kv;f)

مرة كنت فى النادى و واحدة لبسة نفس التى شيرت بتاعت صاحبى بالظبت(هوا كان بيجيب حاجة) فاومت حاتيت ايدى على كتفها و قولتلها"ايه يا عم كل ده واقف" بسيت لاقيت وش بنت,طبعا وشى قلب الوان و قولت sorry و مشيت صاروخ.

كام المفروض تتنحنح وتكمل الجمله
ايه يا عم كل ده واقف ... ما تيجي اوصلك

**viper911s** · 20-04-2011 01:03 AM

المشاركة الأصلية كتبت بواسطة hacker5

فى النادى من حوالى سنتين دخلت حمام السيدات و انا مش واخد بالى
مش هاكمل بقى :)

نفس الموقف بالظبط
بس فى جرين بلازا انا على طول بكون موجود فى الدور التانى فا متعود على المكان بتاعة لكن فى الارضى ممأخدتش بالى ودخلت نفس المكان طبعا سمعت كلام غريب مفهمتهوش بجد يعنى كان كأنة صوت خفيف وشوفت فى المراية حركة غريبة
وانا خارج من الحمام لقيت واحد طالع من الحمام الى فوشى ببصلة بأستغراب اوى على اساس انو غلطان لقيت وراة علامة الرجال
قلتلة واللة كنت بشرب وجريت وسمعت من جوة الحمام كلام زى الفل
بصراحة كنت فعلا بغسل ايدى وشربت وجريت