الف مبروك يا باشا و ربنا يديك خيرها و يكفيك شرها
عرض للطباعة
الف مبروك يا باشا و ربنا يديك خيرها و يكفيك شرها
الف الف الف مبروووووووووك ربنا يبارلك فى العربيه ويديك خيرها
اختيار موفق انا بحب السول جدا كشكل وبحس انها واسعه اوى من جوه
مبروك مره تانيه
بالنسبه لل esp جربته يعنى حسايت بفرق لما تشغله ولما تقفله ولالسه
الف مبروك ياباشا
عايزين نعرف جبتها منين
الفتيس بتاعها شكله اية (ستيبترونك ولا لأ)
ربنا يبارك فيك متشكر جدا
انا اكتر ميزة عجبانى فيها الوسع بتاعها عشان انا طولى 192 والحمد لله بعد مرتاح
ال esp انا مشغله على طول بس مبجريش بالعربيه او عشان التليين
بس هى الحمد لله ثابته على الملفات مع سرعه 100 كيلو
لاخلص تليين واحكم بجد ان شاء الله
الله يبارك فى حضرتك
انا جبتها من معرض فى دمياط مش من القاهره
بس هو قالى ان المستورد فى القاهره اسمه الليثى ومعرضه جنب كنيسه سنت فطيمه
ا
بالنسبه للفتيس اتوماتيك وستيب تروتيك 4 نقلات فقط مش 6 وهو نفس شكل فتيس السيراتو الجديد
ال 2010 مكنش فى ستيب ترونيك
اى استفسارات انا تحت امركو
الف مبروك يا باشا و ربنا يباركلك فيها .. أنا عندى سؤال بخصوص وضعية الجلوس بالنسبة للسائق هل هى مريجة وأبعاد السيارة واضحة وسهلة القيادة؟ يعنى زى الماتريكس كدة ؟
شكرا
الله يبارك فيك
متشكر جدا
انا كنت راكب فيرنا قبل ما اجيب دى, وضعيه الجلوس الحمد لله مريحه جدا والكرسى ممكن يطلع وينزل عشان الطول بس فى الفيرنا انا كنت ببقى شايف الكبوت كله لكن فى السول الكبوت مش باين منه حاجه تقريبا بس هى العربيه عموما مش طويله وسهله فى القياده
اخبار العزل بتاعها ايه وهل صوت الطريق والموتور مسموعين وانت قافل الزجاج
واخبار استهلاك البنزين بتاعها ايه
وربنا يباركلك فيها
1000 مبرووووك يا باشا... ربنا يديك خيرها و يكفيك شرها...
العزل الحمد لله كويس جدا
صوت الموتور مش مسموع خالص وانت جوة
صوت الكاوتش على الطريق ملحوظ شويه لو ركزت معاه بس الصراحه لما اشغل الكاسيت على صوت واطى بتبقى فى دنيا تانيه لا بتسمع طريق ولا موتور
بالنسبه لاستهلاك البنزين انا لسه ممشيتش بيها كتير ولا سافرت بس الكمبيوتر كاتب 11.6 لتر لكل 100 كيلو ودة كله داخل المدينه