هوندا اكورد 93

**OmaR_FekrY** · 20-04-2011 02:39 AM

سلام عليكم يا وحوش الهوندا ..... انا مش هتكلم كتير و الموضوع عنوانه باين

عايز اعرف كل حاجه عن العربيه دى من لمبه الاشاره لحد الموتور و طبعا مفيش غيركو اللى هايسعدنى

و طبعا شكرا مقدما ليكم

**M_Nabil** · 20-04-2011 06:55 PM

وعليكم السلام ورحمه الله

كان في ليها كام موضوع قديم ممكن تبص عليهم وهيا عربية عائلية جميلة وكمالياتها حلوة وماتور 2000cc لكن يعيبها قله وارتفاع سعر قطع الغيار وأيضاً اعاده البيع مش قد كدة

**SAMEH_FOUAD** · 21-04-2011 02:42 AM

طبعا مافيش كلام بعد كلام محمد نبيل , فعلا كدة زى ماقالك بالظبط سيارة جميلة جدا , رفاهية حلوة اوى , شكل وتابلوة ومساحة وهدوء وقوة ماتور رائعة , قطع غيار معمرة ونظيفة جدا وتقفيل ممتاز فى كل حاجة بس عيبها قلة قطع الغيار وخصوصا الاكسسوارات الخارجية زى الفوانيس والاكصدامات , والكلام دة كلة , وكمان لو لقيتها بتبقى غالية جدا لانها بتيجى بالطلب من برة او كل كام قطعة ممكن تلاقى اللى انت عايزة وطبعا مع استغلال التجار بيبقى السعر نااااااااااااااااار وعلى فكرة هية مش غالية خالص بتعمل من 50 الى 58 الف جنية سعنى تمن السيفيك بس طبعا هية افخم منها كركوبة واتساع بس سعر السوق

**Yones** · 22-04-2011 12:44 AM

عربية ممتازة طبعا زى ماقال كل زمايلنا وفعلا عيبها الوحيد ارتفاع اسعار قطع الغيار وقلتها بس عربية محترمة وسابقة لعصرها كتير جدا
وبالنسبة لمواصفاتها :
2200 سى سى
114 حصان
وربنا يوفقك ان شاء الله للخير

**SAMEH_FOUAD** · 22-04-2011 03:16 AM

استاذ سامح
اولا الف مبروك على التكريم و عقبال كل سنه ان شاء الله
ثانيا بقى حضرتك بتقولى افخم منها ركوبه و اتساع و و و بس ك اداء موتور و سحب و الكلام ده عامله ازاى ؟؟؟[/quote]

الله يبارك فيك ياباشا

ماتور السيفيك ال1600 سى سى يبهدل اى عربية فى فئتة واعلى منة تخيل بقى ماتور الاكورد عل فكرة ماتور جبار بجد وتحفة فية منها 2000 سى سى وية اللى هتلاقيها وفية ال 2.2 سى سى الاتنين وحوش بس خلى بالك عشان فية للموديل دة نسختين واحدة من موديل 1990 الى 1992 دة شكل واحد ومن موديل واخر 1992 الى 1993 نزل نفس الشكل بس اتعملة face lift مش هيعرفة غير بس اللى حافظ العربية واولها الماتور زاد 15 حصان مرة واحدة بفضل تعديل نظام فتح الكامات , وتعديل وحدة العادم كلها , ونسبة فتح الصمامات لدخول كمية هواء اكتر عند السارعات العالية او عدد لفات الماتور المرتفعة , وحصل تعديل فى الشكل الخارجى والفوانيس والاكصدامات وفوانيس الاشارة