ظبط الزوايا

**kamatsho85** · 27-04-2011 12:13 AM

طب انا عندى مشكلة .. انى غيرت العفشة الفى الجنب الشمال كلها (( مقص وطنابير وقلب مساعد كل حاجة كل حاجه ماعدا كاليبر العجلة الأمامى )) لغاية الركبة الملحومة فى الشاسية غيرتها بواحدة جديدة ..
المهم العربية بتحدف وانا ماشى على سرعة عالية لازم اكون مميل الدركسيون فى اتجاه اليمين لانه بتحدف شمال .. وكل ما اروح لواحد بتاع زوايا الانا شاكك فيهم انهم نصابيين اصلا يقولولى ياباشا العربية زواياها زى الفل " فى المسموح " اقوله يعنى ايه فى المسموح مظبوطة ولا مش مظبوطة وما اعرفش اطلع بنتيجة .. انا بدأت اشك ان المشكلة فى الكاليبر بتاع العجلة انه قافش عليها وبيخليها تحدف شمال وهى فعلا العجلة تقيلة لو رفعت العربية ولفتها بتكون العجلة اتقل من اليمين .. المهم انا دلوقتى مش عارف اروح لحد يقيس ابعاد الشاسية وياترى هو مين وهيكون امين ولا لأ ولا اروح لبتاع ظبط زوايا ولا اغير الكالبير على طول وانا ورزقى ولا اروح اوديها لمنصور وهو يتصرف معاها .. بجد دماغى هتضرب زز انا اسف انى غير ت اتجاه الموضوع لصاحب الموضوع بس اهى فرصة كويسة كلنا نتناقش ونتبادل خبرة . شكرا

**MMamdouh** · 27-04-2011 11:50 AM

ممكن دة يكون عيب كاوتش

اقلب الفردة اليمين شمال و الشمال يمين... لو الحدفه عكست معاك يبقى الكاوتش وحش

MMamdouh

**kamatsho85** · 28-04-2011 12:05 AM

انا عملت زى ما حضرتك قولت يا استاذ محمد ممدوح بس حصلت حاجه غريبة .... العربية ما بقتش بتحدف اصلااااااااااا

انا كده قلقت اكتــر

**MMamdouh** · 28-04-2011 11:23 AM

خلاص... سيبها على وضعها الحالى

MMamdouh

**mely** · 29-04-2011 07:22 AM

المشاركة الأصلية كتبت بواسطة mailo

وال إتنين اللي قدام يرجعوا في اماكنهم من غير تبديل يعني اللي قدام يمين يبقى ورا يمين

يا راجل بقولك اليمين قدام بدل الشمال ورا والعكس

بالنسبه لصاحب المشكله اذا منعت السياره الميل بعد تبديل الاطارات يبقى العيب كان من الكاوتش والعربيه كده ان شاء الله سليمه وماتشغلش بالك بيها

**gassarian** · 30-04-2011 11:10 PM

محدش رد عليا أنا....ظبطة الكومبيوتر على نوبيرا 2007 كدة مظبوط و لا أروح للرجل تاني أو أي واحد تاني و أخليه يظبطها على نوبيرا 2000-2003؟؟؟؟؟؟ بغض النظر عن العربية بتحدف و لا لأ....

**wael_dosoky** · 01-05-2011 02:22 AM

ياتري يا جماعة الترصيص وظبط الزوايا بيتكلف كام ولو الدركسيون بيرعش عند سرعة 100 كم يبقي ده ايه

**gassarian** · 01-05-2011 01:38 PM

المشاركة الأصلية كتبت بواسطة wael_dosoky

ياتري يا جماعة الترصيص وظبط الزوايا بيتكلف كام ولو الدركسيون بيرعش عند سرعة 100 كم يبقي ده ايه

الرعشة دي تبقى ترصيص
و ظبط الزوايا حسب المكان من 20 في أي حتة لحد 50 في بريدجستون

الموضوع: ظبط الزوايا

LinkBack

أدوات الموضوع

عرض

-

-

-

المواضيع المتشابهه

ظبط الزوايا

ضبط الزوايا

الزوايا

ظبط الزوايا لل Gen 2

الزوايا

الكلمات الدلالية لهذا الموضوع

المفضلات

المفضلات

ضوابط المشاركة