رحت أظبط الزوايا في بنزينة موبيل سموحة في شارع فوزي معاذ
المهم الراجل سألني العربية موديل كام؟ فقلت له 2007 و لقيته بيظبط العربية على الجهاز على نوبيرا من 2004 إلى 2007 أو 2008 مش فاكر...
المهم قلت له إن تقريباً الموديل اللي هو ظابط عليه كدة هي الأوبترا مش النوبيرا و إن عربيتي دي هي من 2001-2003 لأن كان فيه إختيار ال2001-2003
المهم هو ظبطها على ال2007 فمش عارف كدة مظبوط و لا إيه النظام.....
أنا أعرف إن النوبيرا بتاعتنا في مصر هي هي ال2001 - 2003 برة مصر و إن الأوبترا و حتى الكروز إسمهم نوبيرا 2 و 3 برة مصر في بعض الدول
و غير كدة سؤال أخير... أنا كدة هعوز أظبط زوايا تاني و لا النوبيرا زي الأوبترا في الزوايا؟؟؟؟