استفسار بخصوص الصلع الوراثى

**MOUSTAFA_SAAD** · 20-04-2011 07:24 AM

السلام عليكم
ياجماعه انا ابويا اصلع وانا فى الطريق اليه شعرى خف جامد عن 5 سنين ورا وعمرى 32 سنه الان بس لسه مطارشى يعنى وفيه صيدلى عندنا محترم عاملى تركيبه بدهن منها كل يوم وخفت سقوطه عن الاول بس لسه بردوه بيقع وخصوصا ان انا بحاول اعمل رجيم دلوقتى وده اللى زود الموضوع شويه فهل يوجد حل لتخفيف حدة سقوط الشعر انا عارف انه حيقع حيقع بس عاوز اطول المده شويه لانى لسه ماتجوزتش وخايف لما اجى اروح اخطب تقولى مشى يااقرع
ياريت اى نصيحه منكم غير بخاخة الهير باك لان تمنها غالى بصراحه ومش حاقدر اواظب عليها يعنى عاوز حاجه تطول المده على قد مااقدر مش تلغى الموضوع خالص لانى عارف انه مستحيل

**amgomaa** · 21-04-2011 02:32 AM

فيه كبسولات بتتباع فى الصيدلية اسمها فيتازنك ب 4.75 وكمان مستخدمش شامبو للشعر اكتر من مرتين فى الاسبوع واخر حاجه لما تيجى تحط دهان للشعر متحطش اى حاجه فيها نسبة جيل واختار حاجة مناسبه لنوع شعرك يعنى مثلا لو فروة راسك دهنيه حط كريم بالعسل و لو جافة بالصبار مع اخلص تمنياتى

**MOUSTAFA_SAAD** · 21-04-2011 07:24 AM

تمام انا فعلا باستخدم فيتازنك بس بغسل شعرى بالشامبو كتير وغالبا مش باستخدم اى كريمات لانى بادهنه بالتركيبه اللى معايا

**blazer** · 30-04-2011 12:04 AM

دا انا 22 سنه وشعر ابتدى يخف من النص :( وبستخدم فيتا زنك برده

**mohamedbook** · 30-04-2011 12:13 AM

ياخوانا فيتا زانك ده بيعمل ايه بالضبط في الشعر

**ecybrarian** · 30-04-2011 12:35 AM

مافيش امل..هايسقط هايسقط..الحل الزرع..مرة دكتور قالي إن الصلع مرض وراثي يصيب الذكور اكثر من الإناث، ولكن تنقل الأم جين الصلع..يعني الواحد بيطلع اصلع لخاله (او جده لأمه او اي قرابة لأمه) مش لأبيه!! سبحان الخالق..وعلى فكرة قال لي الدكتور دا برضه إن عيوب النظر (قصر او طول او عمى الوان) برضه تنقله الأمهات..وعلى فكرة يندر عمى الألوان في الإناث!!!!

**amado318** · 30-04-2011 12:54 AM

ريح نفسك كسر مرايات البيت ومتبصش فى اى مرايه وانسى ومتحطش اديك على راسك والحل التانى هات مكنه حلاقه واحلق زيرو وتبقه على الموضه لان التصحر قادم قادم وكل العلا جات دى مسكنات

**MOUSTAFA_SAAD** · 30-04-2011 06:15 AM

يااخوانا انا عارف انه قادم بس عاوز اعطله شويه
وبعدين بالنسبه لموضوع الام ده مش شرط لانى واخد النضاره "قصر النظر " والصلع من ابويا الراجل كان مصمم يختم عليا بالختمين دول مش ختم واحد حتى