ارجوا المساعدة

**engamrnour80** · 17-04-2008 04:43 AM

يا جماعا انا كنت بشترى طنابير اوبل كورسا 94 لقيت نوع اسمه ate انا معرفوش و مش مكتوب عليه بلد المنشأ بس مكتوب على الكرتونة المانى
ارجو من الاعضاء توضيح الامر هل النوع ده كويس و لا لا

**engamrnour80** · 17-04-2008 05:43 PM

ايه يا جماعا هو محدش عارف الماركة دى اصلا و لا ايه

**Xpert** · 17-04-2008 11:54 PM

ate المفروض انه الماني ... انا عاوز اسالك الاول انك تروح تسال في التوكيل بكام .. و بره الالماني الاصلي بكام ... لاءن ساعات كتير الايعار بتبقي قريبه من التوكيل ;)

**abdelaziz-waleed** · 18-04-2008 12:06 AM

انا اللي اعرفه بصراحة في انواع طنابير الاوبل الالماني هيا الفيبي والبليشتاين والمايلي انما النوع اللي حضرتك بتقول عليه ده اول مرة اسمعه. بس انا انصح حضرتك تنزل التوفيقية وشارع شمبليون تاخد جولة وتسأل على الانواع والاسعار وزي ما بيشو قال لحضرتك اسأل في التوكيل الاول علشان لو السعر مقارب جدا يبقى تجيبهم من التوكيل.

**engamrnour80** · 18-04-2008 04:56 AM

اولا الف شكر ليكم على الرد
ثانيا النوع ate الجوز ب 225 فى التوكيل قالى البيلشتاين الواحدة ب 248 و جى ام الجوز ب 560 يعنى يا جماعا الفرق كبير و مش عارف اعمل ايه
و معرفش النوع دة كويس ولا لا و انا من سوهاج يعنى عشان انزل التوفيقية دة مشوار

**engamrnour80** · 19-04-2008 03:06 AM

؟؟؟؟؟؟؟؟؟؟؟؟؟

**Ahmad Allawy** · 19-04-2008 04:25 AM

هاقول لسعاتك حاجة..
في موضوع قطع غيار الاوبل فيكترا جديد..
كان عامله وليد بك عبد العزيز..
في ارقام تليفونات.. شركة امريكان ستار اللي في شارع شمبليون..
ممكن سعاتك تكلمهم تسألهم..
او لو حبيت اتصل لك انا بيهم واسأل واقولك..
في التوكيل قالولك البلشتاين الجوز هيبقي تقريبا ب 500
يبقي برة في المحل اللي باقولك عليه..
هيبقي سعرهم في حدود 350 الي 400..
ده تقريبا ولسة مسألتش..
بس اللي اخدت بالي منه ان قطع الغيار في التوكيل بيبقي عليها ضرايب كتير قوي زيادة عن سعرها برة..
عموما هنسأل و نعرف..

**Ahmad Allawy** · 19-04-2008 04:27 AM

ادي العناوين و ارقاما لتليفونات..
اللي وليد بك مشكورا كان كاتبها في الموضوع اللي قولتلك عليه..
الحاجات ديه جبتها من الشيماء اللي في التوفيقية (12 شارع سيد درويش (ذكي سابقا) - التوفيقية) تيليفون 25752001
وممكن لو حابيتو تعرفو اسعار محلات تانية. ديه تيليفونات محلين اوبل في شارع شمبليون
شركة سرور 25758011
شكة امريكان ستار (39 و 46 شارع شمبليون ت: 25791402 - 25791403 - 25777408)
وفي محل في التوفيقية اسمه عواد (46 ش سليمان الحلبي ت : 25754924)

ممكن نتصل باي مكان فيهم و نعرف..
بس عن تجربة.. امريكان ستار انضف مكان اتعاملت معاه..
وكفاية انه هو اللي بيورد قطع الغيار دي للتوكيل..

**engamrnour80** · 19-04-2008 05:51 AM

الللللللف شكر يا باشا
حبيبى يا احمد باشا دايما بتلحقنى لما ابقى دايخ

**Ahmad Allawy** · 19-04-2008 01:27 PM

محمد بك..
متقولش كده انا تحت امرك..
انا كلمت امريكان ستار دلوقتي..
عرفت معلومتين..
البلشتاني مش موحودة عندهم.. وده معناه انها هتكون قليلة قوي..
ثانيا.. اللي موجود ماركتين واحدة اسمها ليمفوردر و التانية توبران..
وعلي كلام الراجل الاتنين الماني.. و الجوز بيعملوا 200 جنيه..
وكلمت كمان سرور.. اللي عنده ليمفوردر بس بتعمل 225
انا في رأيي.. هاجيب البلشتاني وانا مرتاح البال..
اصل دي حاجة مش بتتغير في عمر العربية غير مرات محدودة.. و كمان فيها فرامل و حياة اللي راكبين العربية.., يفضل انك تجيب اصلي حتي لو اغلي شوية..

رأيي الشخصي.. ممكن تركب البلشتاين عندك في التوكيل معلش اغلي شوية مش مهم بس تبقي مرتاح..و انا تحت امرك في اي وقت. وكمان مصلحة ان هما موجودين عندك اصلا.. مش موجودين هنا كتير

الموضوع: ارجوا المساعدة

LinkBack

أدوات الموضوع

عرض

-

-

-

-

المواضيع المتشابهه

ارجوا المساعدة

ارجو المساعدة ارجوا المساعدة

ارجوا المساعدة

ارجوا المساعدة !!!

ارجوا المساعدة

الكلمات الدلالية لهذا الموضوع

المفضلات

المفضلات

ضوابط المشاركة