السلام عليكم
التوكيل منزل عربيه اوتوماتيك ب 104500 و واحدة تانيه 112000 فيها ABS we 2 Airbag
هل من الممكن تركيب ABS بس للعربيه وبكام تكلفته داخل التوكيل وخارج
وهل بيبقى زى الفابريكه بالظبط ولا بلاش لبع فى العربيه ؟؟
عرض للطباعة
السلام عليكم
التوكيل منزل عربيه اوتوماتيك ب 104500 و واحدة تانيه 112000 فيها ABS we 2 Airbag
هل من الممكن تركيب ABS بس للعربيه وبكام تكلفته داخل التوكيل وخارج
وهل بيبقى زى الفابريكه بالظبط ولا بلاش لبع فى العربيه ؟؟
متابع بإهتمام
ايه يا جماعه هو مفيش حد فكر فى الموضوع دة قبل كده
او حتى عمله
انا بصراحه بفكر فى الموضوع بجديه جدا لان العربيه ماتورها ماشاء الله جامد اوى وبصراحه مش بتسعف فى الفرامل (مش معنى ان الفرامل وحشه بس على سرعات بتعوم جامد علشان مفهاش abs)
بس لو فيها abs تبقا 100/100
ال abs مش هيشتغل معاك غير لو الارض مبلوله او ماشي في تراب خلاف ذلك الفرامل عاديه بالنسبه لعومان العربيه فانصحك تكشف على عفشة العربيه و العجل
باشا كلام حضرتك فى شئ من الغلط
العربيه 2010 عامله 13 الف كيلو الحمدلله زيرو موضوع العومان قصدى بيه العربيه مش بحس انها ماسكه نفسها ساعه الفرامل الجامدة
موضوع ال abs بيشتغل فى المياة والتراب بس دة غلط انت لو مشى 120 وضربت فرامل جامد وعايز تيجى يمين او شمال من غير abs انسى العربيه هتروح فى المكان الى هى عايزة ودة عن تجربه باوكتافيا a4 على 130 من غير abs كنت هروح فيها
ال abs دة اهم حاجه للناس الى بتجرى اكتر من 120 ودة رأى الشخصى وكل الكلام دة عن تجربه
ياباشا انا لاحظت الكلام ده في bmw الفئة الخامسه مو 2007 و كنا على اسكندرية الصحراوي بسرعة 160 كم/س و abs ما استغلش زي ماانت بتقول وسالنا في التوكيل على موضوع الــ abs رد المهندس الى هناك بالكلام الى قولته لحضرتك و بعدين ما انا معايا الالنترا برده انا بسافر بيه كل يوم العاشر من رمضان وبعدي الــ 130 و الحمد لله الفرامل بتسعفني و عمرها ما عامت و لله و اعلم و ربنا يبارلك في عربيتك و يكفيك شرها
انا بعتذر بشده عن المعلومه بعد البحث تبين دقه كلام حضرتك بس كان مهندس في توكيل دايو كنت سالتو على الــ abs قالى كده دورت على النت طلع كلام حضرتك صح و بعدين ما انا معايا الالنترا 2009 مانيوال انا بسافر بيه كل يوم العاشر من رمضان وبعدي الــ 130 و الحمد لله الفرامل بتسعفني و عمرها ما عاملت الغلط بس على مااعتقد هنغير قرص الفرامل كله في الاربع عجلات وهتجيب قرص الفرامل و معاه السنسور بتاعه و الــ abscomponents و لله و اعلم و ربنا يبارلك في عربيتك و يكفيك شرها
بس انا متهيئلى ان مالوش دعوة بالفرامل فى ال4 عجلات خالص
هو جهاز بيركب فى الماستر الى فى الماتور قبل ضغ زيت الباكم فى الاربع عجلات
وفكرته انه بيضخ ويفصل بسرعه رهيبه والله اعلم
انا عندى صيانه بعد 1500 كيلو هشوف الموضوع دة بجديه واشوف تكلفته كام ان شاء الله
لا ال abs دة جهاز بيركب منفصل مش فى الماستر خالص دة لوحدة خارج الماستر تماما و هو الى بيدى الاشارة لكل عجلة علشان تفرمل و ممكن جدا لو ماشى على سرعة 40 حتى و ضربت فرامل فى رمل ال abs حا يشتغل عادى و الفكرة منة انك تقدر تتحكم فى الدريكسيون شمال و يمين زى ما انت عاوز أثناء زحف السيارة لتفادى الترتطام بأى شيىء أمامك
و على قدر معرفتى صعب جدا جدا تركبة فى عربية مش نازلة اساسا بية لان القصة مش الجهاز فقط المواسير الحديد الى ماشى فيها الزيت الباكم حا تجيبها منين الا لو لقيت عربية فيها abs و واحد يفكة كلة و يطلعة سليم تماما و لة جهاز اخر كهرباء بيدى الاشارات فى بعض السيارات بيكون موجود تحت الكنبة الخلفية و فية حساسات على كل عجلة و الكبالن بتاعت العربية الى فيها abs مختلفة شوية عن الكبالن العادية . و الماستر العمومى بتاع الفرامل ممكن كمان يكون مختلف عن ماستر ال abs
http://img859.imageshack.us/img859/494/tempra.jpg