ساعدوني في الاسبارك

**re3ooo** · 21-04-2011 05:59 PM

يوووووووووووووو انا كده ليسعت خالص

**aymanmaly** · 21-04-2011 06:05 PM

لية بس خير ؟
انصحك تعمل موضوع فى قسم المقارنات هايكون افضل للمعلومات
و ياريت تنبة ان الى بيقارن يملك العربية او يعرف تفصيلها كويس علشان دى حاجة مش بتشتريها كل يوم
بالتوفيق فى القرار السليم

**MISS_MONA** · 21-04-2011 07:22 PM

الكورى طبعا احسن من الصينى
استاذ ايمن كلامك مظبوط بالنسبه للمعلومات عن العربيه بس عايزه اسالك هى فعلا مينفعش يتجاب بيها سرعات يعنى بيبقى ثباتها ايه
وشكرا ايك مقدما

**aymanmaly** · 21-04-2011 07:45 PM

ربنا يبارك فيكي
من اهم الموضوعات عن الاسبارك الموضوع دة
http://www.nilemotors.net/Nile/169386-a.html
كان عاملة واحد من الاعضاء المحترمين جدا للقسم و هو دكتور احمد فوزى
اظن ان فية رد سؤال حضرتك
و تحت امرك فى اي سؤال

**mmffor** · 21-04-2011 07:46 PM

استاذ ايمن انا كنت في فرع توكيل شيفرولية منصور في المعادي من 6 اشهر بتفرج على العربية و لقيت مكتوب على الازاز ورقة عليها Made in India علشان كنت بدور على عربية للمدام
فعلشان كده انا متأكد - حتى انا ساعتها خدت انطباع سيء ان كل الكوري في مصر مبقاش كوري باقى هندي ما عجا البيكانتو الوحيدة اللي لسة صناعة كوري بالكامل

اعتقد ان اسلوبي كان حاد شوية - اعتبارا ان حضرتك ممكن تكون شاب صغير و الشباب بيتكلموا مع بعض عادي يعني بالاسلوب ده
لم يتضمن اهانة و لكن تعجب

و لكنه لا يصلح فعلا لمخاطبة كبار السن

اعتذاري لك

ثانيا - انا اتحدث من معادلة السعر مع الاداء مع الكماليات السبيرانزا فعلا تكسب
لكن جودة التصنيع يبقى ممكن ساعتها يشوف سيلاريو من سوزوكي و اهي ياباني احسن من الكوري
او لوجان و تبقى اوروبي احسن من الكوري و الياباني
الخميس 18 جمادى الأولى 1432

**re3ooo** · 22-04-2011 01:35 AM

والله انا فرحان جدا اني قابلت ناس زيكو فعلا الحاجه ديه مش بنشتريها كل يوم على شان كده هتعبكو معايا شويه لغايه ملاقي الكلام النهائي وانا هنزل فعلا اروح اشوفها بعيني في المعرض واذا كان كده هتكل على الله

**MISS_MONA** · 23-04-2011 07:20 PM

ربنا يهديك للى فيه الخير ويهدينى انا كمان
ههههههههههههه

**MISS_MONA** · 23-04-2011 07:22 PM

شكرا يا استاذ ايمن انا تعباك معايا بقالى 5 شهور ادعيلى بقى استقر على حاجه عشان ترتاح انت من اسالتى
ههههههههههههههههههههه

**fawzyyyy** · 24-04-2011 12:10 AM

طبعا يا جماعة السبارك كوري 100 % .......!! مفيش مصنع شيفرولية في الهند.....!!!

اكيد حضرتك اتلخبط......السيلاريو (اللي هي الالتو) هندي و ال i10 بردو هندي

لكن السبارك و البيكانتو كوري 100%

استاذ re3ooo حضرتك سألتني علي العربية و انا قولت لحضرتك رأيي فيها...و انا حقولك تاني ....مش حتلاقي احسن منها في الفئة ديه

و نصيحة لله......بلاش اسبرانزا .....لأنها زي البطيخة ممكن تطلع حمرا او قرعة.....!!!!! للأسف الصين عارفة الشعب المصري كويس .....بيموت في الكماليات......فغرقت العربية كماليات ...بس بدون جودة.....!!!
و حضرتك اسأل مالكي الاسبرانزا....حيقولولك ان الزجاج مثلا علق و مبقاش يطلع .....او الفوجات فصلت.....!!!! انا عارف ان الحاجات ديه تافهة ....بس حضرتك حتجيب عربية زيرو......عشان تتمتع بيها ...مش من اول شهر يحصل فيها مشاكل....!!

ارجو من حضرتك انك تاخد بكلام او رأي الناس اللي معاهم العربية ...ايا كانت نوع العربية......اسأل ملاكها.......عشان معظم المصريين بيحبوا يتكلموا كتير وتسمع منهم (انا سمعت --و بيقوللك )...علي انه ممكن يكون مش عارف اصلا انت بتتكلم عن انهي عربية....!!

و ربنا يوفقك

**aymanmaly** · 24-04-2011 05:19 PM

المشاركة الأصلية كتبت بواسطة miss_mona

شكرا يا استاذ ايمن انا تعباك معايا بقالى 5 شهور ادعيلى بقى استقر على حاجه عشان ترتاح انت من اسالتى
ههههههههههههههههههههه

ربنا يوفق حضرتك فى الصح
و صدقينى انا مبسوط جدا من اسألتك و اقدر تماما اهتمامك و تدقيقك فى الاختيار
بس خلى بالك فى ضريبة لفة بالعربية بعد ما تستقري :-))))))))))))))))

الموضوع: ساعدوني في الاسبارك

LinkBack

أدوات الموضوع

عرض

-

-

-

-

-

المواضيع المتشابهه

ساعدوني

اسبارك يامدلعهم : فيديو لاختبار الامان الاوربى للسيارة شيفورليه الاسبارك

ممكن اللي جرب الاسبارك يقولي بامانه مميزاتها وعيوبها

عداد الحرارة في الاسبارك

اشتري الاسبارك ولا الاسبرانزا

الكلمات الدلالية لهذا الموضوع

المفضلات

المفضلات

ضوابط المشاركة