انا عاوز اشتري العربيه ديه زيرو عاوز اعرف بس هيا مشكلها ايه وقطع غيررها رخيصه ولا غليه ولا ايه بالظبط فياريت الي يعرف اي معلومه عنها ميبخلش عليا بيها اه واماكن تصلحها كمان ياريت
وشكرا ليكو اوي
عرض للطباعة
انا عاوز اشتري العربيه ديه زيرو عاوز اعرف بس هيا مشكلها ايه وقطع غيررها رخيصه ولا غليه ولا ايه بالظبط فياريت الي يعرف اي معلومه عنها ميبخلش عليا بيها اه واماكن تصلحها كمان ياريت
وشكرا ليكو اوي
السيارة فى الاجمالى ممتازة وممكن تقارن بينها وبين كيابيكانتو. استهلاك بنزين سبارك قليل جدا . تنفع فى الزحام سهلة الحركة . قطع الغيار الاصلى غالية شوية ولكن ممكن استيراد تقطيع من الحرفيين . وفية موضع كل شيى عن سبارك ممكن تقراة هيفيدك
عربية جميلة بس قطع غيارها غالية نسبيا بالنسبة للفئة بتاعتها
انصحك في الفئة دي الاسبيرانزا 113 ب 50 الف 1300 سي سي فرامل اي بي اس و قطع غيارها رخيصة و متوفرة
و لو عايز جودة اعلى يبقى السوزوكي سيلاريو فل اوبشن فرامل اي بي اس وسائد هوائية ب 62 تقريبا بس نفس مشكلة ارتفاع سعر قطع الغيار
والله انا مش عارف اشكركم ازاي واضح ان فعلا قطع غيارها غاليه
طب بلنسبا للالاسبرنزا ايه وضعها حلوه ولا فكسانه
حلوة موووووت
اوبشنات و ترويق يا ملعم و اركب و شهيص
الاسبارك
تقفيل كورى 100%
قطع الغيار متوفرة داخل التوكيل و فى محلات قطع الغيار
هاتلاقى قطع غيار باسعار مختلفة حسب بلد الصنع و مش غالية
انا لا اري مقارنة بينها و بين الاسبرانزا ( رأي شخصى )
ممكن نقارن بهيونداي او كيا
من استعملوها حتى الان لا يوجد منها اي شكاوى
بالتوفيق فى القرار السليم
الاف الاف الاف شكر ليكم
يعني تستحمل تسافر وكده ولا ايه وانتم اكيد عارفين المطبات الجميله بتاعه مصر
ما شاء الله
مساعد منسق قسم شيفرولية مش عارف ان شيفرولية سبارك صناعة هندي
لله الامر من قبل و من بعد
يا اخي طيب اسأل الاول قبل ما تقول انها 100% كوري
عموما الاسبارك - ضيقة - موتورها ضعيف ( 1000 سي سي ) خالية من الاوبشنات ( زجاج امامي فقط كهرباء بدون اي بي اس)
و مش بتنزل بكاست حتى
سعرها كان ب 58 الف جنيه و نزلت لحد 51 الف و اعتقد رفعت حاليا لحد 55 الف
انا مرة تانية بقول الاسبيرانزا 113 افضل منها
لان صالون اوسع - موتور اكبر و اقوى - فل اوبشن - تصميم و شكل افضل - توكيل احسن من منصور - قطع غيار منتشرة زي الرز و رخيصة
اولا اهلا بيك فى القسم
ثانيا اسلوب حضرتك غير مقبول و ياريت تراجع اسلوبك
ثالثا يا ريت حضرتك تراجع معلوماتك لانى مالك للعربية و هى كورى :-)
و اضح ان حضرتك خلط بينها و بين عربية اخري
و ارجو منك مرة اخري مراعاة الاسلوب لانك ما تعرفش مين الشخص الى بتكلمة و ممكن يكون اكبر من والد حضرتك فى السن
مش كدة؟
يوووووووووووووو انا كده ليسعت خالص
لية بس خير ؟
انصحك تعمل موضوع فى قسم المقارنات هايكون افضل للمعلومات
و ياريت تنبة ان الى بيقارن يملك العربية او يعرف تفصيلها كويس علشان دى حاجة مش بتشتريها كل يوم
بالتوفيق فى القرار السليم
الكورى طبعا احسن من الصينى
استاذ ايمن كلامك مظبوط بالنسبه للمعلومات عن العربيه بس عايزه اسالك هى فعلا مينفعش يتجاب بيها سرعات يعنى بيبقى ثباتها ايه
وشكرا ايك مقدما
ربنا يبارك فيكي
من اهم الموضوعات عن الاسبارك الموضوع دة
http://www.nilemotors.net/Nile/169386-a.html
كان عاملة واحد من الاعضاء المحترمين جدا للقسم و هو دكتور احمد فوزى
اظن ان فية رد سؤال حضرتك
و تحت امرك فى اي سؤال
استاذ ايمن انا كنت في فرع توكيل شيفرولية منصور في المعادي من 6 اشهر بتفرج على العربية و لقيت مكتوب على الازاز ورقة عليها Made in India علشان كنت بدور على عربية للمدام
فعلشان كده انا متأكد - حتى انا ساعتها خدت انطباع سيء ان كل الكوري في مصر مبقاش كوري باقى هندي ما عجا البيكانتو الوحيدة اللي لسة صناعة كوري بالكامل
اعتقد ان اسلوبي كان حاد شوية - اعتبارا ان حضرتك ممكن تكون شاب صغير و الشباب بيتكلموا مع بعض عادي يعني بالاسلوب ده
لم يتضمن اهانة و لكن تعجب
و لكنه لا يصلح فعلا لمخاطبة كبار السن
اعتذاري لك
ثانيا - انا اتحدث من معادلة السعر مع الاداء مع الكماليات السبيرانزا فعلا تكسب
لكن جودة التصنيع يبقى ممكن ساعتها يشوف سيلاريو من سوزوكي و اهي ياباني احسن من الكوري
او لوجان و تبقى اوروبي احسن من الكوري و الياباني
الخميس 18 جمادى الأولى 1432
والله انا فرحان جدا اني قابلت ناس زيكو فعلا الحاجه ديه مش بنشتريها كل يوم على شان كده هتعبكو معايا شويه لغايه ملاقي الكلام النهائي وانا هنزل فعلا اروح اشوفها بعيني في المعرض واذا كان كده هتكل على الله
:_Alshmokh22[1]::_Alshmokh22[1]::_Alshmokh22[1]:
ربنا يهديك للى فيه الخير ويهدينى انا كمان
ههههههههههههه
شكرا يا استاذ ايمن انا تعباك معايا بقالى 5 شهور ادعيلى بقى استقر على حاجه عشان ترتاح انت من اسالتى
ههههههههههههههههههههه
طبعا يا جماعة السبارك كوري 100 % .......!! مفيش مصنع شيفرولية في الهند.....!!!
اكيد حضرتك اتلخبط......السيلاريو (اللي هي الالتو) هندي و ال i10 بردو هندي
لكن السبارك و البيكانتو كوري 100%
استاذ re3ooo حضرتك سألتني علي العربية و انا قولت لحضرتك رأيي فيها...و انا حقولك تاني ....مش حتلاقي احسن منها في الفئة ديه
و نصيحة لله......بلاش اسبرانزا .....لأنها زي البطيخة ممكن تطلع حمرا او قرعة.....!!!!! للأسف الصين عارفة الشعب المصري كويس .....بيموت في الكماليات......فغرقت العربية كماليات ...بس بدون جودة.....!!!
و حضرتك اسأل مالكي الاسبرانزا....حيقولولك ان الزجاج مثلا علق و مبقاش يطلع .....او الفوجات فصلت.....!!!! انا عارف ان الحاجات ديه تافهة ....بس حضرتك حتجيب عربية زيرو......عشان تتمتع بيها ...مش من اول شهر يحصل فيها مشاكل....!!
ارجو من حضرتك انك تاخد بكلام او رأي الناس اللي معاهم العربية ...ايا كانت نوع العربية......اسأل ملاكها.......عشان معظم المصريين بيحبوا يتكلموا كتير وتسمع منهم (انا سمعت --و بيقوللك )...علي انه ممكن يكون مش عارف اصلا انت بتتكلم عن انهي عربية....!!
و ربنا يوفقك
انت تأمر يا استاذ ايمن
بس ربنا يسهل واستقر بقى
انا كمان نفسىاشترى سبارك بس متردد
مافيش داعى من التردد
العربية فعلا هايلة و كل من ركبها شكر فيها
قليلا من السيارات الى يحصل عليها اجماع
بالتوفيق فى القرار السليم
عن تجربة في عربية صاحبي و اخويا و سقتها بدل المرة 1000
العربية دي مش طبيعية بجد ما شاء الله، موتورها ال1000 سي سي ده انا جبت بيها 160 و مكنتش حاسس لأن ثباتها كويس بس على السرعة العالية دي ال 160 كانت على مصر اسكندرية لما عدتمن جنبي عربية bmw ماشية بسرعة حسيت ان العربية لعبت سيكة كدة من الهواء بس في الاول و الاخر دي عربية صغيرة و مش مطلوب منها اكثر من كدة بصراحة
تكيفها ممتاز و مبحسش انو اثر على السحب
استهلاك البنزين بتاخد بق بنزين و تشبع =)
قطع غيارها برة التوكيل موجودة و بسعر كويس
بجد انا بفكر جديا في العربية دي بس انا بحب اسافر بالعربية و شنطتها مش هتسعفني