طب حضرتك ترشحلي ايه من ضمن العربيات الي قلهم دول لاني عاوز اجيب عربيه تكون كويسه من القطع الغيار لغايه استهلاك للنزين الماروتي ولا الاسبرنزا ديه ولا الاسبارك
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
اتيحت لى فرصة انى اسوق سيارة سبيرانزا a113 لمسافة 350 كيلومتر ذهابا من القاهرة الى مدينة كفر الشيخ ومشوار داخلى جوة محافظة كفر الشيخ ثم العودة الى القاهرة فى يوم حار، يعنى بختصار جربتها فى كافة ظروف القيادة، طوالى وداخل البلد وفى الأرياف وفى طرق مدقات مكسرة مما كون لدى صورة كاملة عن اداء السيارة، ملحوظة : السيارة جديدة عمرها 19 ألف كيلومتر وكل صياناتها بالتوكيل
نبتدى بالمحرك:
المحرك استجابته لا بأس بها فوق 3 آلاف لفة للدقيقة، لكنها ليست الاستجابة المتوقعة من محرك 1300 سى سى متركب على سيارة هاتشباك صغيرة الحجم ، هناك سيارات 1000 سى سى 1100 سى سى استجابتها افضل من ذلك بكثير ،اما من 2000 الى 3000 آلاف لفة هناك استجابة ما، لكن تحت 2000 لفة للدقيقة المحرك ميت تماما حتى فى حالة ضغط الدواسة الى الأرض، بما يشكل ازمة فعلية فى حالة الاحتياج الى الاندفاع لتجاوز سيارة او تخطى عائق ما، شكل لى هذا الامر عائق حقيقى فى التعامل مع السيارة والطريق
المحرك صوته عالى الى حد ما وان كان ليس فوق الحدود المقبولة،
الجيربوكس: الغيارات جيدة وطواعية العصا فى التعامل لا بأس بها لكن الغيارات نفسها قصير فعلا، المفروض ان الجيربوكس ذو النفس القصير يؤدى الى تسارع متميز للسيارة على حساب السرعة القصوى، وهو ما لم اجده، لكن اكثر شئ اعجبنى فى هذا الجير بوكس انه صامت تماما ، ليس له صوت
عجلة القيادة والباور ستيرنج: باور ستيرينج؟ هى العربية دى فيها باور ستيرنج؟ بصراحة الباور ستيرنج بتاعها اديله صفر من عشرة، ولا كأنه موجود اصلا، اما القدرة علىالمناورة فهى معقولة فى السرعات المنخفضة لكن فى السرعة العالية يحدها تماما عف ثبات السيارة(هنتكلم عليه حالا)
العفشة والثبات: العفشة ناشفة تماما فى السرعات العالية والمتوسطة، لكن مع التعامل مع المدقات على السرعات البسيطة العفشة بتاخد وتدى وكويسة جدا ، المفروض ان ده طبع العفشة الرياضية لكن العفشة الرياضية =ثبات على السرعة العالية وهو ما لم اجده مع هذة السيارة، العربية مقلقة جدا فى الغزر من بعد 80 ، لكن فعلا اعيد ان الشئ الجيد فى حق هذة العفشة اداءها المتميز مع المدقات
الأدوات: اتكلمنا عن سهولة الغيارات ، لكن العصاية مكانها مش مريح ، لازم الواحد يرجع ايده شوية لورا عن المكان المعتاد فى كل السيارات الاخرى، دواسات البنزين والدبرياج سيئة بكل معنىالكلمة، ثقيلة جدا ، وفعلا انا مش لاقى سبب يخلى دوسة البنزين ثقيلة كدة فى عربية ذات بوابة هواء كهربائية، وبرضه زى ما قلنا ان الباور تقيل وعجلة القيادة منظرها فقير جدا، كما ان اهتمام مصمم السيارة بان يبدو شكل العدادات رياضيا واستخدام الوان غامقة ومتقاربة لخفلية العدادات والأرقام المكتوبة عليه جعل محاولة قراءة بيانات العدادات نوع من انواع العذاب، بكل امانة التعامل مع ادوات وعدادات هذة السيارة مأساه، بدون مبالغة السفر بهذة السيارة سبب لى آلام بكلتا القدمين من التعامل مع دواسات السيارة و ايضا آلام بكل من كفى اليد والرسغ من التعامل مع عجلة القيادة
الرؤية: الرؤية الامامية والجانبية لا بأس بها، الرؤية الخلفية سيئة جدا بسبب ان الزجاج الخلفى ضيق للغاية والمرايات الخارجية تغطيتها للمشهد الخلفى غير مكتملة
الفرامل: جيدة فى مختلف الظروف
التكييف: جيد جدا الى ممتاز، اليوم كان حار جدا ومحتجناش للتشغيل على اكتر من السرعة الثانية
راحة السائق: كرسى السائق مريح بالنسبة لى ، مع ملاحظة انى بحب اقعد ضهرى معدول رأسيا وساقى فى وضع رأسى، يعنى زى سواقين النقل، معرفش الوضع هيكون ايه مع الناس اللى بتحب تقعد قعدة سائقى السباق اللى بتكون اقرب للتمديد فى وضع افقى ، لكن كان عندى مشكلة ان رجلى اليمين مزنوقة فى الكونصول
الزجاج الكهربائى: جيد جدا ولا صوت له
فتح وغلق الأبواب: جيد جدا
عزل الصوت: جيد
جودة خامات الصالون: برغم ان المصمم بذل مجهود فى رسم تابلوه شكله كويس(فيما عدا منظر عجلة القيادة المستفز)، لكن الخامات المستخدمة وجودة التفقيل السيئة اضاعت كثيرا من مجهود المصمم
الراديو والأوديو بلايار والسماعات: جيد
اماكن التخزين داخل الصالون: جيدة جدا
استهلاك البنزين: كتير الى حد ما بالنسبة لسعة المحرك وحجم السيارة، 350 كم طوالى ب 28 لتر ليس معدل ممتاز
طبعا ده رأييى الشخصى فى السيارة لكنه مبنى على تجارب قيادة لسيارات مماثلة فى الحجم مثل البيكانو والسبارك والماروتى والألتو والمقارنة بهذه السيارات، بمعنى ان اللى كنت بقول عليه جيد فى هذة السيارة لقيته احسن من مثيله فى سيارات مماثلة واللى قلت عليه سيئ لقيته اسوأ من مثيله فى سيارات مماثلة ، مع كامل تقديرى واحترامى لكل ملاك السيارة
سبعاوى
_______________________________________________
رقم العضوية : 5889
تاريخ التسجيل : 17Feb2008
المشاركات : 202
النوع : ذكر
الاقامة : egypt
السيارة: ibiza
السيارة[2]: كرستلتي
الحالة :
طب حضرتك ترشحلي ايه من ضمن العربيات الي قلهم دول لاني عاوز اجيب عربيه تكون كويسه من القطع الغيار لغايه استهلاك للنزين الماروتي ولا الاسبرنزا ديه ولا الاسبارك
رقم العضوية : 35823
تاريخ التسجيل : 17Mar2009
المشاركات : 2,251
النوع : ذكر
الاقامة : Mansoura
السيارة: Civic 2008 ,Lanos99
السيارة[2]: Rio 2013 ,Lancer 99
دراجة بخارية: Not Yet
الحالة :
عودة حميدة ان شاء الله لحضرتك بس فى ملاحظة كل الناس بتقول ان تقفيل الصينى عامة وحش وحضرتك قايل العكس تماما
رقم العضوية : 77660
تاريخ التسجيل : 14Aug2010
المشاركات : 4,054
النوع : ذكر
الاقامة : EL_HARAM__MISR
السيارة: HE
السيارة[2]: HM
دراجة بخارية: No
الحالة :
السلام عليكم
تقرير رائع
لكن لي كام سؤال
أيه أخبار عزل الصوت في العربيه سواء صوت الموتور أو الشارع
مستوي الرؤيه الأماميه و كشف الطريق
هل حضرتك سمعت أي أصوات غير مريحه داخل العربيه طقطقه تزيق خلافه
دقة التوجيه علي السرعات المتوسطه قبل 100 كم
مستوي الرأس و الأكتاف من القوائم و السقف هل مريح
و مدي راحه باقي الركاب
رأي حضرتك يهمني و أنا أستفدت منه في موضوعاتك السابقه
تقبل تحياتي
وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ
رقم العضوية : 90787
تاريخ التسجيل : 08Mar2011
المشاركات : 788
النوع : ذكر
الاقامة : مصر الجديدة
السيارة: seat 133 1981
السيارة[2]: passat 1.6 1999
دراجة بخارية: لا
الحالة :
شكرا على التقرير مع انى كنت متوقع السيارة تبقى احسن من كده نظرا لانتشارها
[img2]http://static.petrisimolin.com/gallery/data/images/Rytari-P8041023.JPG[/img2]
الوحش سيات 133
[img2]http://farm5.static.flickr.com/4016/4638954358_3ab9366fc4.jpg[/img2]
رقم العضوية : 21839
تاريخ التسجيل : 11Oct2008
المشاركات : 3,688
النوع : ذكر
الاقامة : cairo/ism3lia
السيارة: اوبل كورسا,كيا سيفيا
السيارة[2]: bmw 316I
دراجة بخارية: no
الحالة :
ياباشا صدقنى حضرتك اكيييييييييد ركبت عربية بايظة
انا كانت معايا و قعدت معايا 10000 كيلو
و فى نفس الوقت معايا كيا سيفيا و ياما ركبت عربيات
و مع احترامى لحضرتك جدا و تقديرى لمعرفة حضرتك و دة الى معليهوش حرف
اكيييييييد العربية دى بايظة
و الله اعلم ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
رقم العضوية : 36962
تاريخ التسجيل : 31Mar2009
المشاركات : 2,315
النوع : ذكر
الاقامة : Zaton
السيارة: ما قولنا كله من نعم الله و الحمد لله
السيارة[2]: كله من نعم الله
دراجة بخارية: never
الحالة :
تحية لاحد افضل الشخصيات علي مستوي المنتدي و تصفيقة للمبادرة باعطاء جزء من خبراته للناس الغلابة بتوع الصيني حبايبنا اللي انا منهم .....
بس محتاجينك يا سبعاوي تركب كذا عربية من كل موديل لان اكيد انت عارف ان للاسف ... اكبر مشكلة في السيارات الصيني في مصر عدم التطابق في الجودة .....
بمعني انك ممكن تركب واحدة اخت اللي كنت راكبها تلاقي فيها كل حاجة فلة بس الفتيس بس يعذبك ...... اتمني تحاول تستمر في التقييم وذلك لان رأيك بيعجب اللي بيفهم و اللي مبيفهمش ....
اتمني لك كل خير و بالتوفيق دوما ان شاء الله
البريبئ اتخرم و عايزيين بريبئ جديد
رقم العضوية : 7857
تاريخ التسجيل : 23Mar2008
المشاركات : 1,167
النوع : ذكر
الاقامة : shobra
السيارة: ربنا يكرم ان شاء الله
السيارة[2]: فيات 128 موديل 1986
دراجة بخارية: لايوجد
الحالة :
طيب حضرتك ترشح اى عربيه منهم السبارك ولا البيكانتو ولا الاسبرانزا
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
الملحوظة الخاصة بتقفيل العربية ا الباب الخلفى الشمل اكرته كانت بايظة، واجزاءالتابلوه تقفيلها على بعضها فيه فروق ، لكن لا صوت خبط ولا تزييق ولا اى حاجة من دى، وصوت الموتور زى ما قلت ماهواش صامت زى البياكنتو مثلا لكنه مقبول، لكت الملحوظة العامة علىالسيارة القصور الشديد فى راحة السائق، قايدتها غير مريحة
سبعاوى
_______________________________________________
رقم العضوية : 72
تاريخ التسجيل : 21Apr2007
المشاركات : 5,092
النوع : ذكر
الاقامة : البحرين
السيارة: سوزوكي ماروتي، مصر
السيارة[2]: تويوتا ياريس، البحرين
دراجة بخارية: لا يوجد
الحالة :
عزل صوت الشارع مناسب جدا بالنسبة لفئة السيارة، ولا يختلف عن مثيلاتها، لكن صوت المحرك عالى بعض الشئ بالمقارنة بسيارات نفس الفئة
الرؤية لأمامية لا غبار عليها اطلاقا
السيارة لا يوجد بها اى طقطقة او تزييق
دقة التوجيه جيدة حتى سرعة ال60، بعد كدة متوسطة ، بعد 80 السيارة تحتاج للحر فى التعامل حيث تميل للميل حول محورها الطولى sway مع الانحراف بالسيارة فيما يشى بأن مركز ثقلها مرتفع
بالنسبة لرحة باقى الركاب فما لاحظته ن المكان امام الكنبة الخلفية متوسط الاتساع، مش وحش ومش حلو
بالنسبة لمستوى الرأس والأكتاف ارتفاع سقف السيارة يعطى فرصة جيدة للجلوس مع ملاحظة ان انا حجمى متوسط
سبعاوى
_______________________________________________
المفضلات