السلام عليكم. انا ناوى اعمل صيانه 140 الف كم ان شاء الله. ممكن الخبراء يفيدونى. اكشف على ايه غير الزيوت و الفلاتر
شكرا للخبراء
عرض للطباعة
السلام عليكم. انا ناوى اعمل صيانه 140 الف كم ان شاء الله. ممكن الخبراء يفيدونى. اكشف على ايه غير الزيوت و الفلاتر
شكرا للخبراء
حضرتك هتغير زيت وفلاتر(زيت-هواء-بنزين) و بوجيهات
واسلاكها لو كانت بايظه
والكشف علي تيول الفرامل ورجلاش التيول الخلفيه
شكرا يا باشا
طيب و الحاجات الغريبه ذى حساس الكرنك. فيشه الانجكشن . الايدل كنترولر......................كدا يعنى
على فكره. انا غيرت كل الحاجات اللى فوق دى بس بسأل لو فى حاجات زيها كانت المفروض تتغير و انا معرفهاش
معلش انا بسافر و محبش المفاجئات
سير الكاتينة بيتغير عند 40000 ومضاعفاتها
يعني 40000 -80000- 120000- 160000
ويفضل دائما الا تصل الى هذة الارقام
اهو ده الكلام المفيد. انا غيرت السير و بلى الكاتينه عند 60 الف و غيرت السير فقط عند 100 الف
بالنسبه لطرمبة المياه. هى عمرها ما اتغيرت و العربيه مود اخر 2005 و الحمد لله ااطرمبه كويسه و المياه مبتنقصش
السؤال اغيرها مع صيانه 140 و لا استنى لما تبوظ
سؤال كمان معلش. الاستبن لم يستخدم و العجلاتى قال لازم استخدمه يا اما هيترمى من غير استعمال . الكلام ده صح ولا ايه؟
اسف على الاطاله و شكرا للردود
يبقي هتغير طرمبه مياه بالمره مع الصيانه دي وهاتها يا الايطالي يا الاسباني
بما انك كده كده هتفك في الجنب وتبقي مصنعيه واحده
ومش لازم تكون بتنقص بس ممكن تقفش فجاه توقفك في اي طريق
هي المفروض بتتغير كل 80 الف
بالنسبه للكاوتش مقدرش افتي
يبقي اللي هيحصل كالاتي :
1- تغيير زيت وفلتر زيت.
2- تغيير فلترهواء وفلتر بنزين.
3-تغيير بوجيهات واسلاكها (في حاله تلف الاسلاك).
4-تغيير بليه شداد كاتينه وهتجيبها صناعه كندي
5-تغير طقم سيور (دينامو /تكييف /كاتينه) ودول هتجيبهم ماركه جيتس انجليزي
6-هتغير طرمبه مياه وهتجيبها اسباني او ايطالي بلاش الكوري
7- الكشف علي تيول الفرامل وتغيير التيل البايظ ورجلاش الفرامل الخلفيه
8- تربيط العفشه
يا سلام . ايه الحلاوه دى و لا التوكيل. شكرا يا أ/ احمد. انا ان شاء الله هغير كل الحاجات دى و جزاكم الله كل خير