ايه امكانيات الكورولا 2011 الهاي لاين وسعرها كام
وهل فيها 1-فتحةسقف 2-سينسور بارك 3-مرايات ضم 4-بلوتوث 5-زينون 6-مثبت سرعه 7-تكييف تتش
8-سعة خزان الوقود كام 9-هل لسه مشكاة الفتيس موجوده
عرض للطباعة
ايه امكانيات الكورولا 2011 الهاي لاين وسعرها كام
وهل فيها 1-فتحةسقف 2-سينسور بارك 3-مرايات ضم 4-بلوتوث 5-زينون 6-مثبت سرعه 7-تكييف تتش
8-سعة خزان الوقود كام 9-هل لسه مشكاة الفتيس موجوده
الهاى لاين اللى انا اعرفه انها ب 160 تقريبا وفيها فتحة سقف وسينسور ومعرفش المرايات نظامها اية ومافيهاش زينون ولا مثبت سرعة ولا تكيف تتش الفتيس اللى نازل فيها الفتيس الاوتوماتيك العادى وده مافيهوش مشاكل
طيب إيه رأيكم تستاهل تمنها وللا لأ.. أنا عايز أغير البومة 2006 اللي معايا فهل الكورولا دي بديل مناسب؟
الانسر الشارك الهاى لين عليها عرض وهى افضل من الكورولا شكلا وموضوعا
جزاكم الله خيرا أستاذ أحمد ولكن ما رأي سيادتك في نقطة أنها موديل 2009؟ وهل ننتظر الوكيل الجديد؟
http://www.nilemotors.net/Nile/197450-2011.html
ده موضوع مصور عنها بالمواصفات وده كان احد موضوعاتى عن تويوتا كورولا 2011
مع احترامي للكورولا الا ان سعرها مش منافس خالص .. انت ممكن تجيب اوكتافيا فانتازيا بنفس السعر ده وبرقبتها و شوف دي ازاي على الطريق والكورولا ازاي .. سعرها بجد مش منافس خالص
هى عربيه ممتازه
انما سعرها عالى اوى
يعنى انا راى الشخصى فلونس هاى لاين
او فانتزيا
سعرها مبالغ فيه جدا ,
أنا أرشحلك فلوينس. واسعة وجامدة وسعرها فيها
الكورولا ممنازه بس سعرها عالي حبتين شوف انتا عاوز تجيب ومتبعش يبقا هات فانتازبا لو بتفكر في بيع عليك وعلى الياباني
ماهي التركة إنك لو عاوز تركب حاجة على مزاجك لازم تضحي شوية في الحتة دي. كل ما ركزت أكتر في قطع الغيار وإعادة البيع كل مبتبص لمستوى أقلاقتباس:
وقطع غيار وسعر اعادة بيع
الاختيار الآن انحصر بين الفانتازيا والفلوينس
من يا ترى يربح في النهاية؟!
جزاكم الله خيرا على مشاركاتكم المفيدة
وأنتظر المزيد لأحسم حيرتي!!!!!
مفكرتش في الهوندا سيفك ليه ؟ خدلك فكرة عنها يمكن تعجبك او المازدا 3
بالنسبة للفانتزيا مع زميلي وبصراحة عربية 10/10 مافيش عليها اي كلام
كثبات وتكييف وقوة والاوبشن اللى في اول فئة اوتوماتيك ممتاز جدا وتحس انه مديلك كل الكماليات
العربية تستاهل بصراحة يمكن مشكلتها الوحيدة اني بحسها مش بتاعة شد لان وزنها تقيل وده متقل سحبتها نوعا ما
اما بالنسبة لثباتها فثبات خرافي بصراحة !
ايه رايك في العربية الجيتا سعرها بالعرض 160000
وهي افضل
الجيتا دائما كانت تفيري الأول ولكن عدة عوامل جعلتني أتراجع:
أولا: الكلام الكثير عن فتيسها هل هو صيني هل يصاب بالعطل.. إلخ
ثانيا: أنا إحساسي أنها ليست واسعة من الداخل بما فيه الكفاية.
ثالثا: هناك كلام كثير أيضا عن انخفاض ارتفاعها عن الأرض وهذه مشكلة كبيرة جدا بالنسبة لي.
رابعا: نزل منها فعلا شكل جديد بالسعودية ذي قاعدة عجلات أطول ويبدأ سعرها من 70000 ريال.
خامسا: الأوكتافيا كما سمعت هي نفسها الجيتا مع اختلاف الشكل.. نفس الموتور وقاعدة العجلات والكماليات تقريبا ربما يختلف الفتيس فقط!! الله أعلم
سادسا: ما دعاني للتفكير في الفلوينس أنها سيارة جديدة وكمالياتها كثيرة وسعرها جيد وواسعة جدا ( ركبت فيها ) وكذا شنطتها ويشكر ملاكها كثيرا فيها وفي توكيلها.. كل ما يقلقني منها فقط: أن انتشارها مازال أمامه بعض الوقت لكي تطمئن لسهولة توافر ورخص سعر قطع الغيار وكذا تحسن سعر إعادة البيع.. آسف على الإطالة.. وجزاكم الله خيرا جميعا.
انا شوفتها فالتوكيل بصراحه حاجه مستفزه جدا 160الف على الحاجات دى جنط وفتحه وتكييف بكر شكله معفن وكاسيت 1سى دى مش 6 مفيش حساسات ركن وتقريبا مفيش مالتى فنكشن فلوسها كتير اوووووووووى
فعلا الشارك افضل من حيث الاوبشنز وكعربيه جميله جدا انما التويتا مجربتهاش عشان احكم عليها كعربيه انما الشارك رياضيه وشبابيه تناسبنى كشاب ودى ازواق
لو عايز ياباني بـ 160000 وبـ Options كتير أوي.... فكر في المازدا 3
انا لو مكانك أجيب هوندا سيفيك (عربيه ممتازه بجد)
فعلا بعد نزول عدة موديلات و اشكال جديدة في حدود مبلغ حتي 160 الف
1- هوندا سيفك ---- سعر معقول وامكانيات منابسه
2- اسكودا اوكتفيا ---- سعر معقول وامكانيات منابسه
3- رينو فلونس ........... 150 اعلي فئة - كماليات ممتازه -توكيل وقطع غيار متوفره
4 - كورولا ........... 162 اعلي فئة وكماليات فقيرة
فيه كورولا 2010 جنوب افريقي معروضة في تويوتا العبور
:plusone2:
الترتيب ده رائع, ومنطقى جدا حسب الأفضلية! بس ينقصه المازدا3 كمان (فوق الكورولا طبعا :grinder:)
فعلا لو قولنا يابانى: سيفيك و مازدا3
ولو قولنا أوروبى: جيتا/أوكتافيا و فلونس
وفى الآخر تيجى الكورولا عشان سعرها المبالغ فيه مقابل قدراتها وامكانياتها!!