التكييف مشكله كل صيف

**yaserbasha2000** · 20-04-2011 06:21 PM

عندي مشكلتين في التكييف
- الاولي ان التكييف لما بيشتغل rpm مش بيعلي اتوماتيك علشان يعوض حمل التكييف و العربيه بترج علي السلانسيه و دي مشكله مش بتأثر غير في حاله السلانسيه او السرعات الواطيه
- الثانيه ان فيه تسريب مش ملحوظ في التكييف يعني اشحن التكييف و في خلا اسبوع او اتنين التبريد يقل تدريجي و ابقي محتاج اشحن تاني

رحت الصيف اللي فات لصنايعي كويس في المحله عندنا ضغط هواء و كشف بالصابون و ملاقش تسريب فسابها حوالي نص ساعه الضغط منزلش فشحن و تكرر نفس الموضوع وخلال اسبوعين و بالتدريج كان الشحن فاضي مع اني حلفت له ان فيه تسريب بس بطئ جدا

العربيه كرولا 97
لو حد يعرف صنايعي تكييف كويس و يكون امين ومش بتاع اشتغالات ياريت يدلني عليه

**yaserbasha2000** · 21-04-2011 07:45 AM

**tamer_a7** · 21-04-2011 02:48 PM

انت بتتكلم علي نفس المشكله اللي عندي بالظبط
هو انت معاك العربيه بتاعتي ولا ايه
اعترف
ههههههههه
بص بالنسبه للرجه بتاعت العربيه علي السلانسيه دا فاكيوم تكييف (عندي ب70 جنيه ) عندك الله اعلم
بالنسبه للتسريب البطيء جدا واللي بيكون مع التشغيل بس دا حضرتك بيكون جوه الكمبريوسير (عندي ب300 جنيه ) وبرده عندك الله اعلم

**yaserbasha2000** · 21-04-2011 04:05 PM

المشاركة الأصلية كتبت بواسطة tamer_a7

انت بتتكلم علي نفس المشكله اللي عندي بالظبط
هو انت معاك العربيه بتاعتي ولا ايه
اعترف
ههههههههه
بص بالنسبه للرجه بتاعت العربيه علي السلانسيه دا فاكيوم تكييف (عندي ب70 جنيه ) عندك الله اعلم
بالنسبه للتسريب البطيء جدا واللي بيكون مع التشغيل بس دا حضرتك بيكون جوه الكمبريوسير (عندي ب300 جنيه ) وبرده عندك الله اعلم

برئ و الله دي هي العربيه اللي حيلتي

بالنسبه لفاكيوم التكييف ده يعملوا بتاع تكييف عادي و لا محتاج كهربائي مع العلم ان العربيه انجكشن

وبالنسبه للتسريب ايه اللي بيتعمل بالظبط في الكمبروسور و يتكشف عليه ازاي علشان الصنايعي يتأكد من ان التسريب في الكمبروسور و300 جنيه دول مصاريف اصلاح للكمبروسور