ندوة عمرو موسي في جامعة طنطا (حسني مبارك الجزء 2)

طلاب جامعة طنطا يشعرون بالغضب بعد الندوة التي عقدها عمرو موسى هناك.

الطلاب يعترضو...ن على مماطلة موسى فى الرد على اسئلتهم.
وأحد الطلاب يسأل : لماذا لا يجيب على الاسئلة؟
وعند التدافع يتم الاعتداء على طالبة من حرس موسى، الامر الذي جعلها تصرخ : أمال لما تبقا رئيس هتعمل فينا إيه؟
>>>
أحد حاضري الندوة : حراس عمرو موسى حاولوا منع الطلبة من دخول الندوه وسمحوا فقط لشباب الحزب الوطنى مما دفع الطلبه لاقتحام القاعة وقدموا اسئله مكتوبه رفض عمرو موسي الاجابه عنها.
فبدأ الطلبة القاء الاسئلة جهرا مما دفع عمرو موسى الى التوتر والخروج من القاعة بعد عجزه عن الرد علي الاسئلة

ما حدث بعد ندوة عمرو موسى فى جامعة طنطا امس (الثلاثاء 19 ابريل)

وده رابط من جريدة الفجر فه نفس الفيديو اللي كان ع اليوتيوب واتشال مش عارف ليه

ده الفيديو قبل مايتشال تاني

[youtube]http://www.youtube.com/watch?v=i7W6fQRUv9c&feature=player_embedded[/youtube]

طب احب اشاركك بالشهادة دي (منقولة)


اللى حصل انهاردة فى مؤتمر عمرو موسى

مرسلة بواسطة Abdallah Morgan

بدأ الموضوع فجأة بايفينت على الفيس بوك
فيه دعوة من رئاسة الجامعة لحضور مؤتمر السيد عمرو موسى
وكان الكلام واضح ان المؤتمر دا بدون دعوات او تسجيل اسماء او اى حاجة
وفجأة برضه و يوم التلات نبص نلاقى ودا بالصفة موظفيين من شئون الطلبة بيسجلوا اسماء طلبة عشان يحضروا المؤتمر
ويغيب التسجيل نص ساعة ولا حاجة
ونكتشف ان الاسماء اللى اتسجلت لطلبة اتحاد الطلبة القديم
عصافير امن الدولة
وان اللى بالصدفة عرفوا يحطوا اسمائهم اتشطبت الاسماء دى

المهم تالت يوم بقى انهاردة روحنا نحضر المؤتمر يفتشونا على البوبات
ونلاقيهم عايزينا نطلع لقاعة فى الدور التالت فى مركز المؤتمرات ونتفرج على عمرو موسى فى شاشات عرض
الله ما كنا قعدنا فى بيتنا ما كل يوم بنشوفه فى التلفزيون
حاولنا نتكلم مع امن الجامعة اننا ندخل القاعة اللى فى الدور الارضى اللى هيحضر فيها عمرو موسى
رفضوا وقالوا دى بتاعت اعضاء هيئة التدريس وشخصيات عامة وصحافة
قلنا خلاص مالناش حق
نلاقيهم بيدخلوا طلبة عاديين
نسالهم ايه دول يقولوا دول طلبة كليه حقوق هى اللى منظمة المؤتمر وحقهم يحضروا
نشوف بالصدفة جوا واحد زميلنا فى كلية طب
امين اتحاد الطلبة السابق
هو دا حقوق يا ناس ولا ايه
المهم قلنالهم دا فى طب معانا مش حقوق دخلوا واحد مننا طلع الطالب ده برا
ووانا واقف بتابع اتفاجأ بواحد بيطلع لبتاع الحرس ورقة بص فيها بتاع الحرس وجه مدخل الطالب ده
استغربت روحت اسال الحارس قالى يلا من هنا مش شغلك الكلام ده
وكأنه هيضربنى المهم قلتله وطى صوتك شوية وانت بتتكلم وارتفع صوتنا وجه عقيد قوات مسلحة
خلص الموضوع
المهم دخلنا ازاى بقى بالعافية اما لاقونا بنقول مظاهرات و كدا قالك يعم بلا وجع دماغ دخلهم

http://3.bp.blogspot.com/-dRewKVbazk...1697-small.jpg

دخلنا الندوة
اعداد رهيبة كانت على الباب كانوا عايزين يمنعوهم يدخلوا

http://3.bp.blogspot.com/-P_QPlOGAYU...1698-small.jpg

بس ربنا كرمنا وبدأنا ندخل
وكان معد الندوة الساعة 11 ونص وصل عمرو موسى الساعة 12
تعليق : هو مرشح الرئاسة مش عارف يلتزم بميعاده
المهم فى النص ساعة دى بقى اسعار واغناى واحاجات عجيبة كدا بتحصل وكانت نص ساعة صعبة خلصت بقدرة ربنا
جينا بقى على وصول عمرو موسى

http://2.bp.blogspot.com/-nWCu14wUWo...1701-small.jpg


والنفاق اللى فى الدنيا كلها حصل
استقبال باشعار وسيرة ذاتية وامجاد اصله صاحب الضربة الجوية الاولى هو كمان
خلصت فترة النفاق
بدأت فترة عمرو موسى

مش فاهم اللى حصل حاجات غريبة كدا وكلام غريب مالهوش اى علاقة بأى حاجة بتحصل

خلصت فترة الهرتلة

ووسط الفترة دى احنا كنا بنجمع الاسئلة

اللى تعبنا جدا فى تجميعها ووكتابتها

وجالنا واحد من بتوع الدعاية لابس تيشيرت مرسوم عليه عمرو موسى

اخد الورق وقال مش هينفع كله يسال احنا هنطلع الورق ونقرأ الاشئلة
واشطة بقى على الفلترة
الاشئلة المهمة اترمت ولا معرفش ايه حصلها
وابقت اسئلة ايه رأيك فى ايران
ايه رأيك فى الثورة
وعلى هذا المثال نسير

والمهم ان انا سألت واحد من الحملة فين اسئلتنا قالى مش اى اسئلة عشان اللى حصل فى ساقية الصاوى والجامعة الامريكية ما يتكررش

طبعا الناس اتنرفزت جدا جد جدا
وواضطروا اسفين لانهم يطلعوا ممثلين للكليات
هههههههههههههههه
كمية كروتة بتحصل مايعتبرش بيجاوب على اسئلة يا ناس
واحد بيقوله انت قلت مبارك اب لكل المصريين مع ان مفيش اب يعمل كدا
قال اه هو اب وهى دى اجابة
واحد بيقوله ايه رأيك فى مبارك قال انا احبه و اؤيده ولكن ارفض سياساته
مش هو دا اللى قال قبل كدا تعجبنى طريقة ادارة مبارك للامور ولا انا غلطان
نقوله ليه ما طلبتش حظر جوى على غزة سنة 2008 يقول دى ما كنتش حرب دا كان حصار
هههههههههههههههههههه
اضحك ولا ابكى
ايه رأيك فى ايران دى جزء مننا ونتعامل على انها موجودة فى الشرق الاوسط معانا يس لازم الحوار
طب ايه رأيك فى اسرائيل
يجب الاعتراف بوجودهم ويجب عليهم الانسحاب من كل الاراضى العربية
طب حضرتك عملت ايه لكدا يا سيد عمرو موسى
لحد اخر واحد طلع اتكلم قال انا بمثل كل كليات الكلية ما عدا حقوق عشان اللى حصل معانا قبل ما ندخل
قال الكلام ده ونلاقى الحرس الخاص فصل المايك من على الطالب دا ونلاقى عمرو موسى بيشكرنا على الندوة ويجى منسحب وماشى
زاللى حصل دا كوم والباقى كوم تانى
الناس العمال بتوع الكليات عايزين يشتكولوه من همومهم حاولوا يكلموه مرضاش
والبدى جاردس بقى قمة قلة الذوق فى التعامل مع الناس
وبسأل واحد يقال انه مدير اعماله امال اسئلتنا ما اتجاوبش عليها ليه
يقولى دا مش مؤتمر دا حاجة لتمجيده و الكلام متصور فيديو
والسواقين بتوعوه يمشوا بطريقة قمة قلة الادب فى السواقة وبرضه كله فى الفيديو دا مش هتكلم فيه هسيب الفيديو يتكلم

[youtube]http://www.youtube.com/watch?v=YfKoeXBE_hQ[/youtube]




بالمناسبة دا الموكب بتاعه


[youtube]http://www.youtube.com/watch?v=daujYP_UiuI[/youtube]

نفس المدرسة ونفس الاسلوب ونفس الفكر هتستنو منه ايه غير نفس المعاملة في المؤتمرات والندوات.

هو اصلا اتعلم عليه لما قال ( انا ضد فكرة محاكمة مبارك ).

بصرف النظر عن شخصية عمرو موسى الطلبة مستفزة جداً
يعنى اسلوبهم وهما محاصرين العربية مش حضارى أبداً
طلبة الجامعة المفروض يكونوا أرقى من كدة بكتييييييييييير !!

الموكب بتاعه كان شوية و هايدوس الناس
و الله مسخرة

مينفعش يبقى ليه مكان في سلطه
هنرجع للخلف

اقتباس:

---

المشاركة الأصلية كتبت بواسطة mohamadfawzy

بصرف النظر عن شخصية عمرو موسى الطلبة مستفزة جداً
يعنى اسلوبهم وهما محاصرين العربية مش حضارى أبداً
طلبة الجامعة المفروض يكونوا أرقى من كدة بكتييييييييييير !!

---

انا مش معاك
المفروض يكون سياسي ويقدر يحتوي الناس يسمعهم يرد عليهم يفهمهم يشوف مشاكلهم ويشرح خططه المستقبليه لنهضه البلد انما ده طالب سلطه وعدم رده واستهزائه بالطلبه يستحق اكتر من كده

كل مرشح فيه عيوب اكتر من مزاياه
والله الواحد مش عارف هيعمل ايه
المفروض نخرطلنا رئيس على مزاجنا
حاجه عموله كده!!!!!!!!!!!!

نعم للبرادعى رئيسا
لا لعمرو موسى من اذناب النظام البائد
اتوقع لو لا قدر الله وصل عمرو موسى للحكم هانبقى معملناش حاجة و رجعلنا مبارك تانى لكن بشكل مختلف
استر يا رب يا رب عشان ارواح الشهداء ماتورحش هدر ابعد الشخص دة عننا مش ناقصين

مينفعش نهائياً
هو ده الثورة المضادة بجد
كان عامل اجتماع مع مجموعة شباب وكان من ضمنهم اخويا
كلهم طلعو من الاجتماع بيحلفو انهم مش هينتخبوه
ردوده كلها باردة ومجابش سيرة اصلاح ،كل اللي قاله انه مش عايز غير انكم تسيبولي فترة واحدة بس كأنه عايز يتقاعد كرئيس للجمهورية وبيقول كلمة انا اكتر مما بيقول كلمة مصر

مش ده اللى ينفع يبقى رئيس لمصر

ده مبارك على صغير

ولو مسك مصر حيبقى مبارك على كبييييييييييييير

المشكله ان فى ايدى خفيه بتدفعه للامام
والخوف انه يوصل للسلطه بالكوسه والاعيب شيحا

ربنا يستر

ويبعده عن خلقتنا

عمرو موسى ده لايصلح ان يكون رئيس مصر لانه مستنسخ من حسنى مبارك لعنة الله عليه

بق على الفاضى كلام متذوق دون فعل

خمورجى

كبير فى السن

لم ينجز شىء ملموس على ارض الواقع طوال تاريخه

كل الحكايه انه زى ما يقال عنده كاريزما او حضور ظاهرى وهذا لايكفى لنهضة مصر فى المستقبل القريب

يارب البلد فيها ناس كتير كويس ابعدنا عن البلاوى دى

هنضحك على بعض

ما عمرو طول عمره فى حضن حسنى ............... دلوقتى بقى شريف و ملوش دعوة بالنظام السابق

طب والعمل نبعت نجيب ريس استيراد ولا نخرط واحد على رأي أحد الزملاء :(

احنا محتاجين واحد بيفكر صح وميقعدتش يقول سوف نعمل من اجل مصر
لايكون بيشتغل اكتر ما بيتكلم
ويكون قادر فعلا ينهض بالبد دى طبعا مش لوحده والشعب كمان معاه

او واحد زى السادات
كان راجل مبيخافش من اى مخلوق وبيفكر صح
الله يرحمه..

انا من راى نفتح باب الاحتراف

اقتباس:

---

المشاركة الأصلية كتبت بواسطة abd_el_7amid

انا من راى نفتح باب الاحتراف

---

:coming-soon[1]:

:Copy of majd(4):

اقتباس:

---

المشاركة الأصلية كتبت بواسطة Ralliart

..................... ،كل اللي قاله انه مش عايز غير انكم تسيبولي فترة واحدة بس كأنه عايز يتقاعد كرئيس للجمهورية وبيقول كلمة انا اكتر مما بيقول كلمة مصر

---

انا سمعت ان معاش الرئيس شيء وشويات:Copy of m-s5: