وانا فى ميدان الجيزة اروح ازاى
عرض للطباعة
وانا فى ميدان الجيزة اروح ازاى
تمت زياره اليوم للورشه لعمل التلميع والنتيجه مذهله لأني حسيت اني راكب عربيه تانيه العربيه لونها رجع زي ماكنت لسه شاريها من 4 سنين+ المعامله بجد ناس محترمين تحس انك مش بتتعامل مع صنايعي + الحاجات البسيطه اللي لو واحد حنتوف ودي جايه من حنتفه هتلاقيه بيعملها من غير ماتقولو جزيل الشكر للأستاذ كريم وانا اتعرفت عليه النهارده لأول مره + جزيل الشكر ل علي اللي شغال في الورشه .
وكنت ظبط زوايا عند واحد قريب من المكان والحمد لله الزوايا ظبطت مع منع تصفير العجل في الملفات ودي كانت مديقاني بقالها يجي سنه بس للأسف ماكانتش منعت.
أكرر شكري للموضوع مع تمنياتي بدوام التوفيق والتقدم والمحافظه على نفس مستوى الخدمه.
مشكلة هتجنني با جماعة
هيونداى اكسنت 1500 انجيكشن بعد ما ابطل السيارة يبدأ فوران رهيب وكبس فى اربة المياه والرادياتير
مع العلم انني غيرت
1- الرادياتير
2- وش السلندر نفسه
3- خراطيم الداخل والخارج للرادياتير
4- الجوانات
5- غطاء الرادياتير اصلي من التوكيل
6- ترموستات النحلة ( داخل الكوعة )
ياريت با جماعة من فضلكم لو في حد يقدر يفيدني لان انا خلاص مش ناقص غير اني اغير الموتور نفسه
استاذ كريم عربيتي هوندا ستي 2009 الشكل الجديد الاكسضامات فيها خرابيش مبينه اللون الاسود بتاع الفيبر هل دي ليها حل غير ان الاكسضمات تترش ولو ملهاش لو عايز ارش الاكسضامات هتكلف كام تقريبا
وبرضو عايز اجيلكم اعملها فاكلمك الاول ولا اكلم قدوره واقوله اني من طرفك ولا اعمل ايه وعايز برضو الاستيكر بتاع المنتدى ومش عارف ايه الفرق بين العادي والفرعي وشكرا
كريم باشا انا عربيتي فيها حته في الاكصدام اللي قدام وقعت الدهان من الشمس .اعملها الاول ولا اجيلك علطول.انا جايلك من طنطا...وشكرا ىاباشاعلي العرض الجامد ده
بالتوفيق والى الامام داااائما
اهلا وسهلا يا هيثم
طالما ظهر اللون الاسود يبقي لازم تترش
عشان لو اتعملت بقلم بوية هايبقي شكلها عرة قوي
الاصدامات عندك لازم تترش سكينز وده اغلى انواع الدهانات الالماني عشان الوان هوندا من اول 95 ما بتتظبطش غير اسكينز هي ونيسان
تكلم قدورة وقوله جاي من نايل عشان يقوم معاك بواجب كويس وانا بشرف على العربيات اللي بتيجي من نايل بالذات
تتكلف كام بسيطة لما تيجي
وطبعا العربية هاتتلمع كلها مش هاتترش الاكصدامات بس ماتخافش
والاستيكر عنده بس بتاع هوندا لاء ممكن اسيبهولك هناك لما تروح ان شاء الله
كلمت قدورة وانشاء الله رايح بكرة وسألت على كريم وعرفت انه رايح اسكندريه ..... كان نفسى اتعرف عليك يا كريم باشا بس فرصة تانية ان شاء الله ..... ومصيف سعيد
ما شاء الله ..
جزا الله كل خير من أعان وساعد إخوانه
بإذن الله حعمل عربيتي عندكم
والشكر موصول للأستاذ كريم منير - وفقه الله -
جزاكم الله خيرا يا أستاذ كريم
والله انت مش حارمنا من حاجة
السلام عليكم
ازيكم يا احلي منتدي ، والله انا شاركت في المنتدي الجميل بتاعكم من زمان اوي بس كل مرة بنسي حسابي واعمل واحد جديد ، انا بحب اشكركم بجد علي المعلومات الاكثر من قيمة اللي موجودة عندكم ، وبعد ما ربنا وفقني وببرضه عن طريق المنتدي ان استقر علي لانوس واشتريها وهي فعلا عربية هايلة
انا حاليا في شغل وراجع القاهره يوم 12 ان شاء الله وكنت عاوز المع عربيتي لانها اتبهدلت خالص ، اخوي حضر بيها فرح و اللي زينها حط سلوتيب بغباء واللي نضفها كان اغبي لان عملها بسلك وبقي شكلها عجيب بالاضافة ان محتاج راي الاستاذ كريم كخبير في العربية ومحتاجه ايه واحب اعرف ممكن اجيله الورشة امتي ان شاء الله
انا اسمي ضياء الدين
جيولوجي
اتمني تقبلوني صديق ليكم لاني فعلا متشرف بيكم واي حد بيسالني بخصوص العربيات بيقي منتداكم هو ترشيحي وفعلا بيكونوا مبسوطين من معلوماته
شكرا ليكم جميعا
عندى عربيه افيو الشكل الاخير - صاج الجنب وار شمال عندى من كتر ما الناس بتسند على العربيه بيطبق بسهوله و اضطر انى اضغط على الصاج من جوه الشنطه علشان ارده لحالته الاولانيه و برضه الناس ما بتبطلش سند و تطبيق - - حل الموضوع ايه ؟؟؟؟
انا عاوز اجيب العربيه تتلمع - بس حاسس ان كميه الخرابيش كتيير و فى الاغلب لازم يترش اجزاء منها - هيا لونها رمادى
يا ريت حد يفيدنى
استاذ كريم شكرا على مجهود الرائع انا عندى كيا سيراتوا 2011 بس من يومين واحد ربنا يسمحوا حاطت حجر على ناصية الشارع بس وانا بلف جالى واحد فى الاتجاة العكسى فحكيت فى الحجر عند العتب الخلفى اليمين ومدايق منها هل ممكن مساعدة مع العلم انى مشترى ضمان امان الشرق ومأمن فى مصر للتأمين فهل دا يفيد
أزاي اروح للحرفين من على الدائري ؟
عرض ممتاز جداااااااااا
بس محتاج شويه توضيح :
يعنى اروح لمين بالظبط هناك وهايعرف منين ان انا عضو فى الموقع وبعدين موضوع التلميع ده هايبقى فعال فى العربيات القديمة شوية ولا لازم تكون العربية جديدة؟؟؟؟؟؟؟؟؟؟؟؟
مستنى الردووووود
متابع وستنى
ياريت حد يرد عليا يا جماعة لان انا بجد مهتم بموضوع التلميع ده اوى هى العربية لونها فضى ميتاليك وكل الفيها شوية خدوش بس كتيرة شوية
هيتعرف انك من أعضاء المنتدى من وجود الاستيكر على الزجاج
للاستعلام كلم:
0102892814
0115151578
عندى عربيه افيو الشكل الاخير - صاج الجنب وار شمال عندى من كتر ما الناس بتسند على العربيه بيطبق بسهوله و اضطر انى اضغط على الصاج من جوه الشنطه علشان ارده لحالته الاولانيه و برضه الناس ما بتبطلش سند و تطبيق - - حل الموضوع ايه ؟؟؟؟
انا عاوز اجيب العربيه تتلمع - بس حاسس ان كميه الخرابيش كتيير و فى الاغلب لازم يترش اجزاء منها - هيا لونها رمادى
يا ريت حد يفيدنى
بس انا مش معايا استيكر ياريت حد يقولى اجيبه منين
راجع الموضوع ده وحدد أقرب موزع لك.
اماكن توزيع استيكر نايل موتورز وعروض الاستيكر
وراجع الموضوع ده لتتعرف على الخدمات الإضافية التي تحصل عليها مقابل الاستيكر
ما تحصل عليه مقابل استيكر نايل موتورز
انا شاكر جدا وانشاء الله هاشترى الاستيكر قريب اوى
انا جاي ي ي ي ي
بصراحة يا أستاذنا أنا إتبهدلت النهارده جيتلكم الحرفيين وسألت 4 محلات على الورشة وعلى بسام فيبر محدش عرف يدلني ومكانش معايه نمرتكم وبعد كده الزحمة والحر خلوني أرجع بعد مشفت واحد بتاع فيبر أي كلام عصبني بيقلي عايز 3 أو 4 آلاف جنيه عشان ينفخلي إكصدامين وره ووريتو سبويلر جايبو أنا معايه من بره بيقلي مفيش حد في مصر كلها حيعرف يعمللك الشغل ده فدمر نفسيتي ورغم كل الكلام اللي سمعتو عن جارك بسام فيبر إنو غالي بس قلت لا يمكن يكون أسعار فضيعة بالشكل ده وأنا عيزو يخلص الشغل ويرش عندك عشان أطمن على شكل العربية وهي هناك مع شكري
والله يا استاذ صدام كل الناس بتوصلنا بسهولة لانا في اول الحرففين
وكنت دخلت على المنتدى سالت او كلمتني او كلمت قدورة
ازاي توصل لمكان ماتعرفش عنوانه !!!
لازم يكون معاك العنوان او تليفوناتنا عشان نوصفلك
معلش تتعوض
بس لو هاتيجي يكون يوم التلات ان شاء الله
لان بكرة الاحد والاتنين معظم الورش ومنهم احنا قافلين عشان اول رمضان كل عام وانت بخير
تحياتي
نروح الحرفين ازي ، من الدائري ، او كوبري اكتوبر ؟!
وياريت وصف شارع دمشق بردو نروحة ازاي ولو فى طريق من على الدائري بردو ياريت :)
ولو ينفع بعد ما اعرف مكانهم يبقي في لينك خرايط ويكي يبقي ممتاز
:E_braces[1]:سلام عليكم
انا جاى بكرة الجمعة بعد الفطار وعاوز المع العربية واركب عتب واكصدام خلفى وامامى
السيارة اسبرانزا تيجوا 2010 لونها رصاصى
فى حد بجوارك عندة الاكصدام والعتب وكم سعرة
مواعيدكم ايه في رمضان يا باشمهندس كريم كنت عاوز المع واظبط كذا حاجه
الاكصدام اتخرم وعايز الحمه وارشه لأنه في حكات برده خفيفه .. وكنت عاوز ارد حته كده في الرفرف على البارد
ويا ريت لو تعرف حد كار كير كويس قوي يغسلها من جوه عشان ناوي بعده اركب فرش جلد
وايه انسب الايام .. وكل سنه انتوا طيبين
موجودين يوميا في رمضان من الضهر لغاية منتصف الليل
وبالنسبة للكار كير نصيحة ماتعملش دلوقتي استني كام يوم
لان المنتدى في طريقة للتعاقد مع كار كير جديد تماما ووكيل لاكبر شركة ف عالم منظفات السيارات (مافرا)
وشغالين بنظام جديد
لكني فقط في طريقي لتحديد نسبة الخصم
وعندهم انظمة تنضيف من اول 25 جنية الغسيل العادي جوة وبرة
لغاية 300 جنية اللي تعمل كل حاجة بالعربية وبمواد مافرا
سلام عليكم
انا جاى بكرة الجمعة بعد الفطار وعاوز المع العربية واركب عتب واكصدام خلفى وامامى
السيارة اسبرانزا تيجوا 2010 لونها رصاصى
فى حد بجوارك عندة الاكصدام والعتب وكم سعرة
فين الرد ياباشا
اصل الجمعة عدي يا باشا وبقي ماضي :-)
اه في الورشة الي جنبي بسام فيبر اللي اعلانه في الهيدر تقدر تتفرج على شغلة
وتنورنا في اي وقت ما عدا الاحد
انا طلعت شبح ، حلوة بردو طاقية الإخفاء اللي انا لابسها دي .