الموضوع: انا فعلا حزيييييين

من فتره من حوالي سنتين مثلا وانا ماشي رايح علي موقف عبود عن طريق السواح بوصل لحد ترعه او فرع من النيل دا اللي عند معدية عثمان و مستعمرة الكابلات دي
ايام زمان كانت استغفر الله العظيم حته شكلها وحش و مستغله استغلا سئ جدا و فيها زياله و حاجه تقرف المهم مرت الايام و ابتدو يصلحوا فيها و عملو كورنيش حاجه بريفكس و شكله جميل و عملوا معدية عثمان اللي قدام الورش عند كوبري المشاه تمهيدا لازالة الكوبري القديم و كان المنظر تحفه بقالي بتاع اسبوع كده ماعديتش من هناك و انهارده بقي عديت و كانت الفاجعه بالنسبالي و خاليتني كنت هاعيط لان في ناس بتخرب النظافه و المظهر الجمالي بالقرف اللي شوفته انهارده
لايقل عن 15 حمولة ردش و كسر مقلوبه علي امتداد الطريق من بعد معدية عثمان كده لحد المطب الصناعي اللي عند الموقف بجد منظر يحزن مع اني مش ساكن هناك خااالص انا في مصر الجديده لكني بمشي في كل حته في البلد و شوفت ايام زمان شارع السواح دا كان عامل ازاي و بقي عامل ازاي و الشارع اللي بين ميدان السواح و ميدان المطريه اللي كان ماشي فيه المترو زمان و اتشال بجد منظر يحزن انا لولا اني كنت سايق كنت عايز اقف اصور
بجد والله العيب في الناس مش في البلد و لا ثوره هاتغيرهم ولا حاجه الواحد بعد الثوره يبقول يارب الناس حالها يتعدل و يفكروا في بعض بدل الانانيه و عنصر الدراع لكن مافيش فايده للاسف
و كان قبلها حادث مستشفي المطريه العام و الدتور اللي اتشرح و مات قدام زمايله و ماحدش قدر يحوش عنه

حسبي الله و نعم الوكيل فعلا ....

معلش كلمتين كنت مزنوق فيهم والله من صلاة المغرب كده و قولت لازم اكتبتهم