ينفع ارجلش بنفسي ؟

**osama.m** · 21-04-2011 12:30 AM

الهاند بريك عندي مش بتأثر نهائي ومحتاجة رجلاش
فا السؤال بقى ينفع اعمل الحكاية دي بنفسي عشان بحب اشتغل بأيدي في العربية
و اية اللي هعملة .. انا عارف بعد ما افك العجل و وش الطنابير . بعد كدا بقى ؟

**Car's Sniper** · 21-04-2011 01:09 AM

انا رجلشت اللى عندى من تحت الهاند على طول...بيكون فيه صاموله هى اللى بترجلشها ولما جيت ارجلشها من عند العجل حسيت انها محتاجة حرفنة حبتين عشان مش المفروض تكون مشدودة اوى او العكس

**HOSSAM99** · 21-04-2011 01:33 AM

السلام عليكم
ممكن الفيديو ده يساعد حضرتك
YouTube - ‫ط±ط¬ظ„ط§ط´ ظپط±ط§ظ…ظ„ ط®ظ„ظپظ‰ ظ„ظ„ظپظٹط±ظ†ط§.mp4‬&lrm;

**swimmer25** · 21-04-2011 10:03 AM

انا جربت أعملها لوحدي بس قمة في التعب وعايزة وقت لانك لاول مرة بتعملها
ده غير إنك محتاج ترفع العجلتين في نفس الوقت عشان تقارن بينهم بعد الرجلاش

ومشكلة اللانوس الكبري في الموضوع ده انك بتفك صرة العجل عشان تقدر تفك الطنابير...مش عايز اقولك قد ايه شغلانة
فيه تيلة بتمسك صامولة الصرة صعب جدا انها تطلع او تركب تاني واذا نجحت انك تطلعها او تركبها لازم تتكسر في الاخر
ده غير انك لازم تفك في مكان نضيف جدا...انا وقعت مني الصرة في الرمل وقعدت اجيب جاز عشان انضفها وركبتها في الاخر وكان لسه فيه ذرات رمل صغيرة مش راضية تنزل

حاجة تانية حصلتلي وهي ان ترس الرجلاش خرج من مكانه ومش عايز اقولك بقي افتكاسات عشان ارجعه مكانه...بس الحمد لله رجعته
اوعي تدوس فرامل او تشد الهاند بريك وانت بتعمل رجلاش

الموضوع مش مستحيل بس أنصحك اذا كنت مصمم تروح لميكانيكي يعملهالك لأول مرة..وتبص عليه وبعد كده هتكون أسهل ليك

**swimmer25** · 21-04-2011 10:37 AM

واضح ان الفيديو بتاع الفيرنا سهل جدا لانك مش بضطر تفك الصرة عشان ترجلش
ده أسهل جزء في الرجلاش للانوس...المفروض كمان تشحم الاجزاء المتحركة بعد ما تفك الطنبورة وده الراجل معملوش...اعتقد عشان الاماكن دي بتبقي مش باينة اوي فتستخدم شحم كده شفته في التوكيل في علبة سبراي او wd-40 للاماكن البعيدة عن ايدك

كده كده كمان ممكن تجيب شحم بلي عجل عشان تزود الشحم عليهم لانك هتفك الصرة
لو رحت للميكانيكي خلي الحاجت دي معاك وقوله يعملهالك

**swimmer25** · 21-04-2011 10:48 AM

المشاركة الأصلية كتبت بواسطة osama.m

الهاند بريك عندي مش بتأثر نهائي ومحتاجة رجلاش
فا السؤال بقى ينفع اعمل الحكاية دي بنفسي عشان بحب اشتغل بأيدي في العربية
و اية اللي هعملة .. انا عارف بعد ما افك العجل و وش الطنابير . بعد كدا بقى ؟

اذا كانت عربيتك نوبيرا فأعتقد مش لازم تفك الصرة عشان تعمل رجلاش فبالتالي الموضوع هيكون أسهل كتير زي الفيديو...بس زي ما قلتلك شحم الاماكن المتحركةعشان تبقي عملت صيانة كاملة وقبل ما تعمل رجلاش عجل فك رجلاش فرامل اليد شوية وبعدين ابقي رجلشة تاني براحتك

**osama.m** · 22-04-2011 02:03 AM

المشاركة الأصلية كتبت بواسطة momohsen

يا ريت لو حد يصورها فيديو فى النوبيرا او الانوس زى ما رجالة الفيرنا عاملين كدة

كنت ناوي اصور بس بعد ما فكيت اول عجلة اديا اتوسخت و معرفتش امسك الموبيل

**tarek_2005** · 22-04-2011 07:14 PM

لابد من وجود شخص اخر للتصوير لان الموضوع في اللانوس بهدلة وظروطه علشان شحم الصرة نصفه تقريباً بيخرج مع البلية الخارجية عند فك الطنبورة عدا ذلك كله سهل

-

-

الموضوع: ينفع ارجلش بنفسي ؟

LinkBack

أدوات الموضوع

عرض

ينفع ارجلش بنفسي ؟ - انشر الموضوع فى :

-

-

-

-

-

-

-

المواضيع المتشابهه

عايز ارجلش فرامل الخلفيه للانوس بنفسى

ينفع اوصل لمبتين زينون علي نفس الوحدة+ ينفع اغير مقاس اللمبة من h1 لأكبر؟؟

هل ينفع يتركب باور للفليشيا 96؟ ولو ينفع منين وبكام؟

صيانه التكييف بنفسي

هل ينفع أغير بوجيهات العربية بنفسي

الكلمات الدلالية لهذا الموضوع

المفضلات

المفضلات

ضوابط المشاركة