علشان برده نتعرف على مشكلتي ويكون فيه تفاعل اكتر
ان شاء الله مفيش مشاكل
انا لسه شاري سياره سكودا فيليشيا موديل 1998 وفيها شوية شغل [ربنا يستر]
ربنا يبركلك فيها و ده شرف لينا انتا تكون معانا فى قسم سكودا
أولا شغل الصيانه العادي
( قصدك السرفيس )
1- تغيير فلاتر ( الزيت والبنزين و الهوا )
كده صح غيرهم فعلا
2- تغيير زيت الموتور
كده صح غيرهم فعلا
3-تغيير زيت الفتيس
لو كويس و مفيش اى ونه و له اى حاجه بلاش تغيره بس اكشف عليه و شوف منسوبه كويس و له لالا
4-تغيير زيت الفرامل ( ولو اني مش شايف انه ضروري علشان لما أخدتها مكانش فيه اي زيت تحت العربيه -- أيه رأيكم؟-
كده صح غيرهم فعلا لانى انتا بتقول كانت مركونه سنه
العربيه أصلها كانت مركونه لمدة سنه
متنساش بقى الغسيل بالجاز و الذى منه و متنساش تشحييم اوعى تنسى تشحيم
ثانيا المشاكل اللي أعرفها [ من واقع الكشف على العربيه فى البنزينه قبل الشراء ]
1-فيه صوت من تحت عصاية الفتيس مع الغيارات ----قاعدة الفتيس
ممكن تكون عاوزه تربيط و تزبيط
2-خبطه فى الفتيس من تحت والنتيجه مسمار مكسور [ الصنايعي قاللي الفتيس كله عاوز يتغير بس مفيش تسريب في زيت الفتيس إيه رأيكم؟]
[size="5"]انتا اكيد حضرتك مشيت بيها صح ايه اخبار النقالات بتاعة الغيارات فيها مشكله و له ايه لو مفيش مشكله فى الغيارات يبقى اكيد الفتيس كويس هنتظر ردك [/size]
3-كاوتش الكبالن ناشف محتاج تغيير مع الحشو
كده صح غير
كاوتش الكبالن الدخليه و الخارجه لو فيها شقوق و قطع و متنساش تقولو اكبسهم شحم و يقفز عليهم كويس
على فكره كوتشة الكوبلن مفهاش حشو
4-مساعدين خلفيين
اكشف عليهم عند عفشجى
5-قفل الشنطه لا يعمل
صلحوعند اى حد بتاع مفتايح
ثالثا مكتشفات ما بعد الإستلام
1-نور الإنتظار مش شغال
راجع على اللمض اكيد محروقه ومش غاليه
2-كاوتش المساحات الأماميه مش شغال
اشترى مساحات جديدهو ركبها اواشترى ريشة مساحه بس
3-المساحه الخلفيه مش موجوده
جرب كده اهم حاجه موتورها شغال و له مشغال لو شغال اشترى مساحات مع قلى قدام
4-بكرة ظبط ظهر كرسى المرافق مش موجوده
اشترى واحده استيراد و هتلاقيها رخيصه مش غاليه
5-مفتاح غطا تانك البنزين لا يعمل
مش اهم حاجه الغطا بيقفل و بيدلك التكتكه يبقى تمام شغال
6-عداد الكيلومتر الأساي لا يعمل
راجع مشاركات الاعضاء فى واحد فى الهرم بيظبط العدادت و له مفيوش منه امل اشترى واحد استيراد
منتظر الردود
وممكن لو حد يعرف يتمنها بالحاله الموضحه عاليه علشان اشوف التمن اللي انا دفعته فيها معقول ولا لأ