الموضوع: تغيير الزيت

المشاركة الأصلية كتبت بواسطة korkor

طيب مادام الموضوع فى تقرير يبقى من البدايه

اتصلت الاسبوع اللى فات على الموبيل اللى بيلزقوه على العربيه ( انا رحت عملت صيانه فى المركز ده قبل كده لعربيتى اللوجان الكيا بتاعه مراتى ) وسالت على صيانه 15000 لما عرف انى عامل صيانه 10000 فى التوكيل قالى هتيجى تعمل الصيانه وهناخد بس منك تمن المصنعيه

النهارده روحت على الساعه 9.30 كده هما بيشتغلوا من 9 الى 5 جميع ايام الاسبوع ماعدا الجمعه ومافيش حجز مسبق , دخلت وقولت انى عاوز اعمل صيانه 150000 لما عرفوا ان 10000 فى التوكيل ماكنوش راضيين يعملوا الصيانه لغايه ماقولتهم انى كده كده هاغير زيت فوافقوا وقالوا انهم هيعملوا صيانه كانها صيانه 10000 قبل الدخول اللى استلم منى العربيه قالى ان التكلفه هتكون 600 جنيه قولتله انى عامل صياته 10000 فى التوكيل ب 400 بس ووريته الفاتوره فعمل تليفون وقالى خلاص ب 400

انا طلبت الاتى

1- تغيير الزيت ( ماعندهومش غير زيت 10000 ) تم
2- الصيانه العاديه تمت
3- غسيل الموتور فوم محصلش علشان مافيش فوم ؟؟!!!!
4- عدم ظبط الهواء بتاع الكاوتش علشان نيتروجين والمره اللى فاتت فى التوكيل لعبوا فى الضغط والعربيه فضلت ناشفه شويه لغايه لما عرفنا ورحنا ظبطناه تانى ( قالوا اساسا مش بيشيكوا على ضغط الهواء )
5- طلبت الاستفسار على تركيب جهاز انذار سواء للكيا او الرينو ( قالوا مش بيركبوا انذار )

استلم العربيه وقعدت فى الاستراحه , الاستراحه فيها صاله عرض ل توكيل رينو و كيا قعدت اتفرج شويه على فلوينس و الكارينز بعد تقريبا ساعه الا ربع جالى واحد ومعاه فلتر الهواء بتاع التكييف وفى حته مقطوعه وقالى هو سليم بس فى جزء مقطوع وقلتله يغيره وقالى التمن هيكون تقريبا 160 جنيه

بعد ساعه ونصف رحت دفعت
1- 235 جنيه زيت
2- 35 جنيه فلتر زيت
3- 145 فلتر تكييف
4- 104 مصنعيات ؟؟؟!!!!! غاليه جدا

اجمالى بعد الضريبه 570 جنيه تم دفعهم بالفيزا

التقييم العام للمكان يعنى 7.5/10 مش بطال واهم ميزه جنب البيت علاطول ومافيش حوار الحجز فى التوكيل ولكن يعيبه بس بعض الحاجات اللى ماتعملتش وكمان مافيش امكانيه انك تشوف العربيه فى الورشه وهى بتتعمل .

لو سمحت انا شايف ان تقييمك للصيانه دي كتييير اوي عليه 7.5/10
انت طلبت 5 طلبات
لو افترضنا ان كل سؤال ليه درجتين
وانت اول طلب تم بس عشان انت وافقت علي الزيت 10000 لو انت طلبت حاجه تانيه مكنش هيتم وعليه نديله درجه واحده من الدرجتين بتوع الطلب بتاعك
ثاني طلب تم ونديله الدرجتين بتوعه
انما بقي باقي الطلبات لم تنفذ لاسباب مختفله وعليه هياخد صفر في كل طلب لم ينفذ
يبقي المحصله اخذ 3 من 10
اعتقد ان اي مركز صيانه طلب منه حاجه ومتلاقيهاش يبقي مركز سئ واهه اخد 3 من 10

ده رائي انا واعتقد انه صحيح لحد كبير ولا ايه ؟