ازيكم يا شباب
من كام يو كده قولت اروح لعصام و اغير ديسك و اصطوانة عشان سبورت واللي كان معاه العربية قبلي هوا اللي كان مركبهم و غيرت بلية فتيس و كوبلن داخلي و اللي حاجة كانت مجنناني بس الحمد لله عصام قفشها
العربية كانت و هي واقفة تحس بصوت حرق مش منتضم و الشكمان الهوا مش طالح منه بانتظام و لما تيجي تكبس بنزين مره واحده تحس ان ال rpm بيطلع بالعافية و اول ما يعدي ال 3000 يبقي طبيعي , المهم طلعت طرمبة البنزين و اتغيرت والعربية ظبطت
و الفتيس اتقفل و حاطيت زيت فتيس 80 90 موبيل و زيت موتور موبيل برضة ابو 110 و كله تمام
قلت اطلع عالسوداني و اظبت كهربه و بنزين و هوا عنده عالجهاز
جاب جهاز لظبت الكهربه و ظبتها و جاب جهاز تاني عشان CO و لقاه مظبوت الحمد لله بالمناسبه الظبطه دي ب 70 جنيه
المهم و اقف و بحكي معاه و قلت اما ادخل ادوس دوستين اسمع صوت المكنة و هل في تصقيف ولا حاجة و كانت المفاجئة ............
دخان ازرق ولا كأن الموتور رايح في داهية مع العلم اني عامل طقم شنبر من 6 شهور
قالي هي المكنة ضعيفة قولتلوا اطلاقا انا لسه مغير زيت و حتى مش بتاكل زيت ولا حاجة قالي جبت الزيت الجديد منين قولتوا من هنا في الحرفين قالي محل ولا بنزينة قولتيله محل قالي مغشوش و اياك تجيب زيت من محل تاني عشان دول بيعملو شغل في الزيوت .
المهم انا قلت مش ماشي متر بازيت ده و استعوضت ربنا عال 110 جند سألته عندك زيت قالي اه في كذا و كذا دول انا جايبهم من توكيلاتهم و معايا فواتيرهم لو عايز تشوفها قولتيلوا صادق يا عم من غير ما اشوف و فعلا نزلنا الزيت اللي ممشيش 50 متر و ببص عليه لقيتو شوربه والله بدون مبالغة مفيهوش لزوجة بربع جنيه
و الصنايعي دلقه في الصرف نزل زي الميه
المهم ايه الزيت المناسب لعربيتي قالي كالتكس حلو برضه ب 110 قولت اجرب و حاطينا الزيت و غيرت الفلتر طبعا و الدخنة راحت و بتجربة الزيت بعد كده لحاد دلوقتي حلو و حاسس بصوت المكنة هادي
المحل اللي اشتاريت منه الموبيل المضروب اللي هوا بتاع الزيوت اللي بتنزيله كام سلمه كده اللي قصاد مسعد من عالشارع بره مش جوه البلوك