مشكلة فى عداد الكيلوات بتاع البومة

**msalah191281** · 21-04-2011 12:28 PM

السلام عليكم عندى مشكلة فى عداد الكيلو متر بتاع البومة فجاة و بدون مقدمات النور بتاعة لما بنور نور الطبلوة مش بيشتغل يعنى العداد شغال عادة و بيعد المسافات بش بالليل مش بينور
فا كنت عاوز اسأل هو لية فيوز ولة حاجة و لة لمبة ولة اية ظروفة بالضبط لحسن منكد علية جدا و خصوصن انى لسة شارع العربية من 3 اسبيع تقريبا و ملحقتش اتمتع بيها العربية بومة 2008 يا ريت لو حد يقدر يفدنا
و شكرا ليكم

**nonnos5** · 21-04-2011 12:38 PM

نور العدادات كله فاصل بنور التابلوه بتاع زراير التكييف وكده
ولا العدادات بس ولو العدادات بس نور العدادات كلها مطفى يعنى rbm والبنزين والحرارة كله مطفى
ولا نور موشر السرعه بس
لان لو نور موشر السرعة بس يبقى لمبة ودى لمبة صغيرة كده ورخيصه
ولو العدادات كلها يبقى فيوز وبرضه بسيطة ان شاء الله

**msalah191281** · 21-04-2011 02:11 PM

اولا شكرا للرد
ثانيا الى هيجننى بقى ان نور العدادات السرعة و الrbm و البنزين و الحرارة و الكاست و التكييف كلة شغال تمام الى مش شغال البوردة الى بيبقى مكتوب عليها المسافة (المربع الصغير الى فى نص التابلوة الديجيتال ) هى دى الى النور بتاعها مطفى الباقى شغال زى الفل و دة الى مخلينى مستغرب و على فكرة هى شغالها بتعد عادى جدا بس النور الى مش شغال فا بليل بتبقى كحل

**nonnos5** · 21-04-2011 02:16 PM

يبقى كده مش فيوز تبقى اللمبة بس هى اللى عاوزة تتغير
لو تعرف تفك العدادات بنفسك فكها بحذر وفك اللمبة من الكعب بتاعها وهات زيها
وان شاء الله كله يبقى تمام