المفروض انا كلمت الشركة من كام يوم عشان اركب تكييف شارب بريميوم بلاس بارد فقط
امس مع اصحابي لقيتهم بيقولوا ان شارب بقى وحش وان كاريير احسن منه في السبليت 3 حصان
ايه رأيكم ؟؟؟؟
المفروض انا كلمت الشركة من كام يوم عشان اركب تكييف شارب بريميوم بلاس بارد فقط
امس مع اصحابي لقيتهم بيقولوا ان شارب بقى وحش وان كاريير احسن منه في السبليت 3 حصان
ايه رأيكم ؟؟؟؟
متاابع باهتمام شديد
انا كمان هحجز قريب
بس هجيب 2 * 1.5 حصان
ايه احسن حاجة وهل في موديلات جديدة السنة دى غير السنة اللى فاتت ؟
انا مركب عندي شارب اثنين وربع حصان وشغال زي الفل وصوتو هادي جدا وثلاجة ولو جدع استحمل التربو بتاعو
حمايا مركب كارير برضو حلو بس مش اوي زي الشارب وصوتو عالي وتبريدو مش عالي اوي زي الشارب انا جايب الاثنين وربع ب 4500 كاش
وسالتو عالقسط قاللي القسط في كارير بس مش في شارب
يارب اكون قدرت افيدك
أنا عندي من سنة (في شقة إسكندرية) نفس الإسبليت الشارب 3 حصان بارد فقط
تآمن بالله ........... وقفت في البلكونة جنب الوحدة الخارجية لقيت نفسي محتاج أركز علشان أسمع صوته ما بين
و هو شغال و لما يفصل . في الأوضه مفيش صوت أو بمعنى أصح صوته ينيّم ، أما التبريد فحدث و لا حرج .
و يا سلام على خاصية تقسيم المساحة إلى 6 مقاطع من خلال الريموت لتركيز الهواء في أيّهم .
و كمان التنظيف الذاتي للإسبليت بعد عدم إستخدامه فترة طويلة أو تغيير المواسم .
التفوق في الكباسات الكبيره لصالح أجهزة كاريير و ويستنجهاوس..
أما السعه الصغيره.فالتفوق ..(بس على خفيف و مش على طول)
للكباسات الياباني
عندنا ال2 في البيت بسيب الكارير و اروح للشارب اسقع ارجع للكارير تاني =)
من الاخر الشارب ابن لذينة في التبريد ما شاء الله و صوته معدوم الكارير حنين في التبري بيلطف مش بيتلج و صوته - بالنسبة للوحدات القديمة مش موديل جديد قوي - اكنك مأجر ونش على الشباك
الشارب بقالو حوالي 3 سنين و الكارير تقريبا 4 و ضمان العربي ممتاز
لو مكانك هدوس في الشارب
أنا كنت داخل انصحك بشارب لقيت الناس قاموا بالواجب توكل على الله وهات شارب
شارب وعيش السقعه
بس جهز ادويه للبرد
والانفلونزا
لسه الحاج جايبلنا تكيف شارب
بس لسه مجربنهوش بس كله كان بيقولنا شارب احسن نوع
طب سؤال خارج الموضوع لو عايز تكيف جامد لغرفه 5 متر 5x متر تقريبا اجيب ايه؟؟؟؟؟