ايه ظروف طريق الساحل بالليل ..... فى شم النسيم ؟؟؟؟؟

**hobiko** · 21-04-2011 02:50 PM

صباح الفل يا شباب .......

دلوقتى معظم الناس عندها أجازات الفترة اللى جاية عشان شم النسيم ...... كل سنة و انتو طيبين

ان شاء الله رايح انا و الأسرة الساحل ...... فى مارينا

ناوى اروح و ارجع طبعا بالنهار ...... بس حيبقى عندى مشوار فى اسكندرية يوم الأحد بالليل .....

يعنى لازم ارجع من مارينا لأسكندرية على طريق الساحل يوم الأحد بالليل ..... و ارجع تانى يوم الصبح لمارينا

بصراحة مقلق شوية من موضوع رجوعى بالليل على طريق الساحل

ايه نظام الشرطة هناك ؟؟؟؟ رجعوا لكمين الحمام ولا لسه ؟؟؟؟؟؟ من الأخر تفتكروا السواقة بالليل على طريق الساحل امان ولا ايه ؟؟؟؟

و الف شكر يا رجالة

**hobiko** · 21-04-2011 04:12 PM

ايه يا رجالة 19 مشاهدة و ماحدش عارف يفيد اخوكم بمعلومة ؟؟؟

**3ateef** · 21-04-2011 04:17 PM

بص احنا شعب بيفكر زى بعض فغالبا هتلاقى ناس معاك على الطريق....

**Mzeid** · 21-04-2011 04:20 PM

عديت على الطريق من حوالي شهر وكان الظروف طبيعية بس كنت لحد الكيلو 47 فمش عارف بعد كدة ايه
و كان ساعتها فيه عربيات على الطريق بس اقل من الطبيعي و الحياة على جانبي الطريق عادية المحلات فاتحة و كله تمام