انا اخويا معاه سوزوكى سيلاريو و انا معايا رينو لوجان
المهم عربيتى مفهاش بنزين و قلت ابرشط عليه فى عربيته على اساس انه قاعد فى البيت
اولا العربية دى اثبات ان شركة سوزوكى هيا رقم واحد فى المواتير الصغيرة
العربية سحبها خرافى بالنسبة ل 1000 سى سى و 3 سليندر و الله اكاد اجزم انها بتسحب من 0-80 اسرع من اللوجان
الباور الكهراباء رائع و بيفصل مع السرعات
ثابتة جدا لغاية 120
عفشتها ناشفة شوية
بجد العربية دى مظلومة فى مصر
عيبها من وجهة نظرى ان مقاس الكاوتش بتاعها مش موجود فى مصر
و طبعا شوية عيوب فى التقفيل و الخامات المستخدمة لكن دى عربيى ب 58 الف عايز ايه يعنى
و على فكرة ليها فيديوهات على النت بتجيب 180 و بتقفل الامبير
بجد بسم الله ما شاء الله ربنا يحميهاله
و ارفع القبعة لسوزوكى على الماتور ده