عندى مشكلة و عايز حلها لو سمحتم

**shod90** · 21-04-2011 04:32 PM

السلام عليكم ورحمة الله وبركاته
بإختصار شديد انا فى كلية ما مافيهاش بنات غير بنت واحدة .. المهم انا كنت فى الاول رافض اصلا الكلام مع البنات و كنت
بتكسف منهم بطريقة غير طبيعية
مع الوقت اما دخلت الكلية اتعرفت شوية شوية على البنت دى .. المهم احنا جماعة اصدقاء 3 بس .. انا و هى و واحد كمان .. و عرفنا اخوها واهلها و بقينا نخرج معاهم كمان و اصدقاء بس مفيش اى مشاعر ولا بتنجان
المهن احنا مكناش بنصلى اصلا ولا ملتزمين ولا اى حاجة يعنى نكون سامعين الاذان و رايحين نلعب بولينج :S .. الحمدلله دلوقتى ربنا هدانا للطريق الصحيح و مفيش اى مشاكل معا الصلاة و الصوم و عدم الشتايم و الاحترام عموما .. اتبقى
مشكلة واحدة الا و هى زميلتى دى .. اللى اتظبط فى الصلاة و الدين عموما انا و صاحبى ولاكن زميلتى لسة .. بصراحة
انا شايف كلامى معاها حرام (محدش يفهم غلط) احنا كلامنا كلة عااادى جدا زى اى 2 زمايل بس زيادة شوية .. يعنى ممكن تحكى مشاكل فى البيت عندهم و كدا يعنى .. و انا نفس الموضوع .. دلوقتى هى صعبانة عليا جدا لأنها معندهاش صحاب بنات اساسا و صحابها البنات من ايام المدرسة طلعوا مش تمام خالص و بيعملوا حركات تودى فى داهية و مش كويسين اصلا
اعمل ايـــــــة بقى !!!؟؟
افضل اكلمها و منخرجش ولا اكلمها و نخرج ولا اعمل اية .. بجد انا بحط نفسى مكانها ببقى حاسس انى قاعد لوحدى فى الدنيا ! .. و هى هتفتكر ان احنا اندال و سبناها و طلعنا عيال ولاكن الحقيقة غير كدا وربنا يعلم اللى جوايا لو مكنش حرام ولا متضعوضش البنت دى ولا اكتر من اختى .. حد يفيدنى اعمل اية .. ؟ دى عشرة اربع سنين :((

**WalidAdel** · 21-04-2011 06:08 PM

امممممممممممممممممممممممم
موقف صعب للاسف ...... ربنا يهديك للصح

**sayed911** · 21-04-2011 06:43 PM

مش عارف بصراحة ها افكر وارد على حضرتك في رسالة خاصة افضل ..

**shod90** · 21-04-2011 07:09 PM

اللى عايز اعرفة هل هوا حرام اصلا ولا لا ؟؟ .. :(

**shaddadfalcon1** · 21-04-2011 07:49 PM

اكيد كلامك ليها من غير ضروره حرام وهي عارفه ان الكليه مفيش غيرها بنت يبقي تستحمل

واعتقد ان لو مضطر تكلمها يبقي بحدود وتحاول تدعوها انها تصلي وتقرب من ربنا زي ماانت عملت ويمكن ساعتها تيجي منها هي لان زي مانت بتفكر كده دلوقتي هي كمان اكيد هتفكر بنفس الطريقه لما تقرب من ربنا

**shod90** · 21-04-2011 07:59 PM

المشاركة الأصلية كتبت بواسطة shaddadfalcon1

اكيد كلامك ليها من غير ضروره حرام وهي عارفه ان الكليه مفيش غيرها بنت يبقي تستحمل

واعتقد ان لو مضطر تكلمها يبقي بحدود وتحاول تدعوها انها تصلي وتقرب من ربنا زي ماانت عملت ويمكن ساعتها تيجي منها هي لان زي مانت بتفكر كده دلوقتي هي كمان اكيد هتفكر بنفس الطريقه لما تقرب من ربنا

مهوا فعلا دا اللى هيحصل ان شاء الله بس صعبانة عليا جدا انها هتبقى وحيدة .. انا لو مكانها والله يجيلى اكتئاب :s

**shod90** · 21-04-2011 08:00 PM

المشاركة الأصلية كتبت بواسطة sayed911

مش عارف بصراحة ها افكر وارد على حضرتك في رسالة خاصة افضل ..

اصل الموضوع مفهوش تفكير .. يا حرام يا مش حرام :( .. بس فكر يمكن نلاقى حل :)

**M!SHO** · 21-04-2011 08:24 PM

طب ما تستغل قربك منها وكون أنها معندهاش أصدقاء تانيه غيرك

وتحاول تغيرها زى ما حضرتك أتغيرت ومش بعيد ساعتها تيجى منها

**mohamedbook** · 21-04-2011 08:43 PM

هى صعبانة عليا جدا لأنها معندهاش صحاب بنات اساسا و صحابها البنات من ايام المدرسة طلعوا مش تمام خالص و بيعملوا حركات تودى فى داهية و مش كويسين اصلا
اعمل ايـــــــة بقى !!!؟؟

علي فكرة ده كلام الشيطان مش كلامك
والله انت ماترضي ان اختك واحد يتعامل معاها كدة
اتق الله هي حجة اللشيطان عيز يدخل منها عشان يخليك علي علاقة بيها باستمرار
لازم تقطع علاقتك بيها فورا ولو فيه علاقة شغل او عمل تكون في علاقة الشغل والعمل فقط
متعملش زي الراهب الي اخوه تركوا ليهم اختهم لتقواة وورعة وبعدين ذهبوا للجهاد
المهم فضل يودلها الاكل من علي باب من الخارج وفي يوم الشيطان قعد يزن عليه يزن علية دي وحيده جوة شفة يمكن فيها حاجة المهم تاني مرة دخلها وبعدين الشيطان قالة واسية بكلمة دي وحيدة ملهاش حد
فضل وراة لغهاية ما زانا بها ثم حملت فقتلها وقتل مولودها ودفنها
المهم الشيطان عايز يضحك عليك لغيت متقع في المحظور وانت مش داري يعني هو مش بيقلك ازني او خلافة بس بيقربك للمعصية سنه سنة ويسيبك يحلو تقع فيها شفت هو شاطر ازاي
ربنا بيقول ولا تقربوا الزنا انه كان فاحشتا وساء سبيلا قال متقربش منه باي وسيلة كانت وهي اجنبية عنك يبقي اتقي الله في نفسك وبعد عنها

الموضوع: عندى مشكلة و عايز حلها لو سمحتم

LinkBack

أدوات الموضوع

عرض

عندى مشكلة و عايز حلها لو سمحتم - انشر الموضوع فى :

-

-

-

-

المواضيع المتشابهه

مشكلة عندى وعاوز اعرف حلها

عندى مشكله ومش عارف حلها

مشكله عندى فى العربيه ايه حلها

عندى مشكلة مش عارف حلها يا عماليق الدايو !!!

عندى استفسار ضرورى لو سمحتم ادخلوا عايز اعرف انا اتنصب عليا

الكلمات الدلالية لهذا الموضوع

المفضلات

المفضلات

ضوابط المشاركة