وهذا ماكان..من الجيش الهمام

**A7MED_PHARMA** · 23-04-2011 10:15 PM

المشاركة الأصلية كتبت بواسطة walidzakzok

على فكرة مدام انت خابط الميكروباص من ورا يبقى انت اللي غلطان ....حتى لو سقط عليك من السما مش يوتيرن...اي معاينة هتثبت انك غلطان ...دي معلومة بس حبيت اضيفها....من حوادث حصلت لزمايلي فى الامارات

هنا مش زي الخليج

أنا عارف قصة الخليج دي..أي خبطة في الوش..يبقا إلي مخبوط في وشه هو الغلطان
طيب هما عقلهم على أدهم .. إحنا ماعندناش الكلام ده
وبعدين الشرطة ماجتش تشوف ولا كانت معدية بالصدفة وشافت الوضع
لا
أنا إلي روحت قدمت بلاغ..وبكره الصبح رايح ومعايا شهود هنقدم بلاغ في نيابة المرور
وطبعا أنا أخدت رأي على الأقل ظابط..و5 أمناء شرطة معرفة
وكلهم قالوا هتمشي جنحة(أو جناية مش فاكر)..ولازم هييجي يطلب منك التصالح ويشيل التلفيات بأي سعر إنت تحدده

**walidzakzok** · 23-04-2011 10:23 PM

المشاركة الأصلية كتبت بواسطة a7med_pharma

هنا مش زي الخليج

أنا عارف قصة الخليج دي..أي خبطة في الوش..يبقا إلي مخبوط في وشه هو الغلطان
طيب هما عقلهم على أدهم .. إحنا ماعندناش الكلام ده
وبعدين الشرطة ماجتش تشوف ولا كانت معدية بالصدفة وشافت الوضع
لا
أنا إلي روحت قدمت بلاغ..وبكره الصبح رايح ومعايا شهود هنقدم بلاغ في نيابة المرور
وطبعا أنا أخدت رأي على الأقل ظابط..و5 أمناء شرطة معرفة
وكلهم قالوا هتمشي جنحة(أو جناية مش فاكر)..ولازم هييجي يطلب منك التصالح ويشيل التلفيات بأي سعر إنت تحدده

طب فيه نقطة هل انت كنت ماشي بسرعة الطريق الرسمية اللي هية ممكن ما تزيدش عن 40 كيلو مثلا اما بالنسبة للشهود فهو ممكن يجيب اصحابه من الموقف ههههههه....كمان قضية زي دي ممكن تخش خبير وتاخدلها 3 سنين على الاقل....لو الموضوع سهل كدة زي ما قالولك مكنش حد غلب انا بشجعك تجيب حقك لو ليك حق بس الموضوع عايز صبر ومجهود انت في مصر

**A7MED_PHARMA** · 23-04-2011 10:44 PM

المشاركة الأصلية كتبت بواسطة walidzakzok

طب فيه نقطة هل انت كنت ماشي بسرعة الطريق الرسمية اللي هية ممكن ما تزيدش عن 40 كيلو مثلا اما بالنسبة للشهود فهو ممكن يجيب اصحابه من الموقف ههههههه....كمان قضية زي دي ممكن تخش خبير وتاخدلها 3 سنين على الاقل....لو الموضوع سهل كدة زي ما قالولك مكنش حد غلب انا بشجعك تجيب حقك لو ليك حق بس الموضوع عايز صبر ومجهود انت في مصر

لا خالص
الموضوع ده بيمشي بسرعة..طالما إنت مهتم ومعاك محامي
يعني طالما إنت متابع
وبعدين أنا قدمت بلاغ .. وعملت معاينة على تلفيات العربية
وقابلت أمين شرطة هناك معرفة..دخل وصى عليا الأمين إلي بيكتب المحضر
وبكره الصبح رايح نيابة المرور-إن شاء الله- أقدم بلاغ فيها هيا كمان
والإجراءات دي أنا عرفتها من أمناء شرطة..وهما إلي قاولي أعمل كده..وأجيب معايا الشهود
علشان هيعملوا ضبط وإحضار لصاحب العربية على أساس إنه المشكو في حقه
وكده هتبقا جنحة(أو جناية مش فاكر برضووو)..وشرطة المرور هتروح تجيب صاحب العربية من بيته
وطبعا
لازم علشان أتنازل...يصلح التلفيات

**walidzakzok** · 23-04-2011 11:03 PM

ربنا يكرمك ويهون عليك انا عارف احساسك خصوصا وان الحاجة لسة جديدة ...بس بيني وبينك انا شايف ان توقيت تظبيط العربية كان فى وقت مش كويس لان البلد حالتها مش تمام والواحد بيحاول يداري نفسه اليومين دول عشان العين ما تتفتحش عليه