عداد الكيلو

مساء الفل يا اجدع شباب
عندي في الفكترا بتاعتي عداد الكيلو ديجيتال عارفينه طبعا (مو 97 )
كنت بظبط عليه تغيير الزيوت و البوجيهات و الصيانة بوجه عام
امبارح بالصدفة ببص فيه عشان اشوف قربت اغير زيت ولا لأ لقيته طافي خالص
قغدت العب في الزراير اللي في الطبلوه ( جهل معلش ) معرفتش بردو اشغله
طلعت عالكهربائي قالي معرفش فيها ايه و استنى لما اسطى معرفش مين كده ييجي
رحت واخد عربيتي و مروح
المشكلة دي حصلت مع حد فيكم قبل كده؟؟؟؟
ياترى حاجة بسيطة زي فيوز مثلا ولا شغلانة و لازم الطبلوه يتحل؟؟؟؟
انا مش عارف
ارجوكم اللي يعرف يفيدني و شكرا مقدما

ممكن يكون اللمبة بتاعت عداد الكيلو متر إتحرقت

اقتباس:

---

المشاركة الأصلية كتبت بواسطة ahmed_lol2007

ممكن يكون اللمبة بتاعت عداد الكيلو متر إتحرقت

---

بالظبط كدة يا لول انا كنت داخل اقول كدة
وبردو علشان تتأكد انها لمبة ممكن تقف في اي مكان فيه شمس او بالنهار وتبص على العداد هتشوف الارقام واضحة وبتتغير عادي

كان حصل معايه نفس الحوار ده الاقي العداد فصل لوحده اخبطه خبطة القيه يلقط تاني, الحوار ده حصل مرتين وشغال لحد دلوقتي الحمد لله زي الفل.

الف شكر يا بشوات و هي شكلها كده بردو هاترسي على الكهربائي عشان يغيرلي اللمبة

راجع الفيوزات
و ايه العداد الديجيتال ده
مشفتوش فى مصر

يا طنانى الراجل يقصد العداد بتاع الكيلومتر اللى بيقيس المسافة مش بتاع سرعة العربية

اه انا اسف
طيب ما ده ممكن برضوا يكون فيوز

اقتباس:

---

المشاركة الأصلية كتبت بواسطة tananybasha

اه انا اسف
طيب ما ده ممكن برضوا يكون فيوز

---

لو كان فيوز كان يا إما هيقفل معاه عداد السرعة أو العدادات كلها مش فاكر يا اما هيفصل نور التابلوه كله .. وعشان يتأكد فعلا حسب كلام أستاذ عبد العزيز لو وقف في حتة شمس بـحيث الشمس تيجي على العداد ده هيلاقي القراءة موجودة .. بس نصيحة طالما هاتفك التابلوه كله غير اللمبة اللي ماتعجبكش أو نورها ضعيف عشان الحوار ده رزل

لأ تتغير كلها باوسرام المانى اصلى
عشان يبقى ميه واحده

دة لمبة ياباشا ,,حصلت عندى و غيرت اللمبة و رجعت تمام

تمام
و انا عايز انزل اشترى شوية لمض للعربيه

عايز لمبات ايه يا طنانى بتاعت التابلوة ولا حاجة تانية.

بتاعت التابلوه بس انا باجيبها اصلى الواحده ب 7 جنيه

مش أنت قصدك ع الاوسرم بتاعت التابلوة أم كعب الصغيرة اللى شبه دى
http://www.dingjuled.com/UploadFiles...2107_63528.jpg

ايوه
بس دى ليدات
و ياريتها موجوده

أنا أقصد السفايا أنا كان عندى منهم كتير بس أنا شايلهم ومش فاكر شايلهم فين عموما هدور عليهم وأقولك لو لقيتهم واجيبهم لك بدل ركنتهم عندى

أنا عاوز منها أنا كمان .. بس 2 وات .. أصل فى واحدة باظت .. فالكهربائى حط لى 2 وات بدل 1.5 لقيتها أحسن بكتير .. فعاوز أغير الباقى ل 2 وات .. تفتكروا الفرق ده ممكن يأثر على مفتاح النور أو الفيوزات؟

و بالمرة الاقيها فين؟

ايوه ما انا بادور على 2 وات
مش 1.2 وات

للعلم ملهاش اى تأثير
بس اضاءتها احسن بمراحل

طب انا اقدر افرق بين دي ودي ازاي

مكتوب عليها 2 وات

طيب يا طنانى لو لقيتها لبقا قول لى بتتباع فين.

انا لقيت اللمبات اللى كنت بقول عليها بس طلعت 1.1 وات مش 1.5 حتى
بس أنا شايف إن الإضاءة بتاعتها كويسة جدا

انا برده عايز اللمض السفايا ديه بس تكن ابيض تالجى محدش يعرف بتتباع فين

طب فيه سؤال نا يا شباب
هل عادي اني اخلي شدة اضاءة التابلوه على الحد الاقصى من البكرة ولا ده هيقصر عمر اللمبات؟

اقتباس:

---

المشاركة الأصلية كتبت بواسطة khaledmoawad

لو كان فيوز كان يا إما هيقفل معاه عداد السرعة أو العدادات كلها مش فاكر يا اما هيفصل نور التابلوه كله .. وعشان يتأكد فعلا حسب كلام أستاذ عبد العزيز لو وقف في حتة شمس بـحيث الشمس تيجي على العداد ده هيلاقي القراءة موجودة .. بس نصيحة طالما هاتفك التابلوه كله غير اللمبة اللي ماتعجبكش أو نورها ضعيف عشان الحوار ده رزل

---

هى اللمبة
و لو مش هتجيب الأوسرام فا الصينى ب 50 قرش و الدوايا ب 1.5

طيب الاوسرام موجودة فين ؟؟ اي واط مش مشكلة

هاتها 2 وات زى الى راكبة
فين بقى فا معرفش